उपहाराचे पदार्थ

पेरणा अर्थातच

(जरी विडंबन म्हणून लिहिले असले तरी जवळून अनुभवलेली सत्य परिस्थिती )

मुलगी घरी जायला निघते तेव्हा,
प्रवासासाठी म्हणून आईने केलेले पराठे सगळेच्या सगळे घेउन जाते,..... चुकून.
फ्रिजसुध्दा झाडून पुसून केलेला असतो.. अगदी रीकामा
आठवड्याची भाजी, मसाले, लोणची..
बाबांकडून खोवून घेतलेलं खोबरं, सोललेला लसूण..
डब्बा भर तिखट पु-या, चकली अन लाडू..
तुझ्या हातचे लाडू याला फार आवडतात असे म्हणून केलेले
दाण्याचं कूट, जीरेपूड, धणेपूड..
कधी ब्यागेत भरते कोण जाणे!

एका कोपर्‍यात अंग फुगवून बसली होती सूरनळी
टोकावरल्या डोळ्यांनी मला पाहत होती ||

माझ्याशी बोलायला लागली ती जेव्हा
खरे नाही वाटले मला तेव्हा
तुम्हालाही माहित आहे ही आहे थापेची गोळी ||

"
अनेक गोष्टीं मधे उपयोग माझे जळी स्थ्ळी
तरी तुम्ही का बोलतात घालून घे रे सूरनळी
हेअर पीन ने कान कोराल तर त्याने सूजेल कानाची पळी ||

पूर्वी आदेशांना होता मोठा बाजार भाव
साहेबांच्या मागे धावायचे सगळे रंक आणि राव
आता मात्र न्याय आहे बळी तो कान पिळी ||

पेरणा
अर्थात प्राची ताईंची मनातल्या मनात क्षमा मागून

भेटायला गेलो,
गप्पा मारून आलो?
माझ्याच घरुन मी
चहा पिऊन आलो..

ना थेंब दिलास पाण्याचा
पण बोध फुकट दिलास.
आपापल्या घरून आपण
चहा पिऊन आलो..

मित्र होते वर्‍हाडी,
पुण्यामध्ये नवखे ?
त्यांना कसे पटावे मी
चहा पिऊन आलो..?

कप जरी धुतले तरी
थोडे पिवळे झाले ..
कुणास समजू न देता मी
(गुपचुप) चहा पिऊन आलो.

पैजारबुवा,

पेरणा...अर्थातच

एक आई दाराआडून बघते आहे बाहेर
किती बाहेर?
कॉलनीच्या बाहेर, ग्राऊंडच्या पार
जिथे एक मुलगा खेळतो आहे मुग्ध....
करत असेल का तो तिचा काही विचार?
येत असेल का तो ही
खेळण्यातून बाहेर, ग्राऊंडच्या अलीकडे?
आईला दाराआडून बाहेर यायचं नाही...
मग ती वेताची काठी हळूच चाचपते,
ती काठी पाठीत घेऊन
मुलगा अविश्रांत कोकलत राहतो....
काठी सापडलेली आई
सताड उघडलेल्या दाराआडून सुतत राहते...
सुततच राहते....

-चमचमचांदन्या

प्रेर्ना हे आणि असेच असम्ख्य आपलेच

भारत द्वेष्ट्यांची प्रार्थना

इंडियन पोटॅटो बर्गरम्
जगप्रसिद्ध स्नॅक डिशम् ।

बॉइल्ड मॅश्ड बटाटम्
स्मॉल गोल आकारम् ।।

बेसनस्य बॅटर लपेटम्
तेलात डीप डीप फ्रायम् ।

बर्गर बन सँडविच पावम्
मिर्ची चटणी सवे सर्व्हम् ।।

मराठी व्हेज फास्ट फूडम्
क्रिस्पी वडा अन लादीपावम् ।

स्वस्त गरीबस्य खाद्यम्
सर्वत्र हातगाडीस्य उपलब्धम् ।।

तेलात पुनर पुनर तळनम्
हायजीनस्य पर्वा न करनम् ।

वन मोअर वन मोअरम्
त्वरित चट्टामट्टा करनम् ।।

इति श्री वडा-पाव स्तोत्रम्