festivals

शुभ दिपावली

सागरसाथी's picture
सागरसाथी in जे न देखे रवी...
12 Nov 2023 - 8:16 am

आनंदाच्या दारी परब्रह्म येते
सुखाचा पहाट, दाखवते.

मनामनामध्ये उजळते प्रेम
समृद्धीचा वाट, सापडते.

सरो सारे दु:ख होवो भरभराट
दिवाळी पहाट, ऐश्वर्याची.

सोबतीच्या पाया मिळो पायवाट
उडू दे थाट, दिवाळीचा.

आनंद सोहळा,प्रकाशाचे पर्व
नात्यांचा उत्सव ,चार दिस.

दिवाळी म्हणजे दुजे काही नाही
आनंदाची ग्वाही, स्वत:लाच.

शुभ दिपावली

-----अभय बापट

festivalsकविता

मिपा कट्टा पुणे २०२२....

कर्नलतपस्वी's picture
कर्नलतपस्वी in जे न देखे रवी...
17 Sep 2022 - 8:43 am

सारे रोजचे तरीही.....
हवे हवेसे वाटे
निशाचे ते जाणे
आणी उषाचे भेटणे

गवाक्षातून झाके
सोनसळी तिरीप
पुन्हा नव्याने येतो
जगण्या हुरूप

सारे रोजचे तरीही.....

पालवी फुटते
रात्रीच्या स्वप्नानां
अधिरते मन
कवेत घ्यायाला

गेले कालचे विरून
निराशेचे सुर
मन आभाळी आले
ढग आशेचे भरून

सारे रोजचे तरीही
हवे हवेसे वाटे......

दमून भागून
जीव झाला क्लांत
पुन्हा घरट्यात येतो
घ्याया विश्राम निवांत

सारे रोजचे तरीही
हवे हवेसे वाटे
निशाचे ते येणे.....

festivalsआनंदकंद वृत्तमुक्त कवितामुक्तक

गणेशवंदना

बिपीन सुरेश सांगळे's picture
बिपीन सुरेश सांगळे in जे न देखे रवी...
6 Sep 2022 - 8:23 am

गणेशवंदना
-------------

सृष्टीचा तू एक नियंता
लंबोदरा तू एकदंता
मोरया मोरया

बुद्धिदाता वरदायका
संकटमोचका विनायका
प्रसन्न प्रेमळ भगवंता
मोरया मोरया

आनंदे नर्तन करिशी
भक्ता हृदयी धरिशी
कृपा असावी अनंता
मोरया मोरया
------------------

festivalsहे ठिकाण

गजानन

सागरसाथी's picture
सागरसाथी in जे न देखे रवी...
31 Aug 2022 - 8:38 am

निसर्ग बरसला
सुखाचा पाऊस,
आनंदाचा कंद
घरी आला.

भक्तीचा उत्सव
आनंदले रोम
गणपतीचा सण
आला आला.

सुखकर्ता आला
विघ्नहर्ता आला,
आयुष्याचा कर्ता
घरी आला.

वर्षभर ज्याची
पाहतो मी वाट,
तो दु:खहर्ता
घरी आला.

फुलला पारिजात
उंचबळे सुवास,
सुगंधाचा दाता
घरी आला.

विद्येचा ईश्वर
ज्ञानाचा दाता
बुद्धीचा विधाता
घरी आला.

--- अभय बापट

festivalsकविता माझीभक्ति गीतकविता

वसंतात मृगजळ खास

माहितगार's picture
माहितगार in जे न देखे रवी...
29 Apr 2022 - 9:53 pm

काठावरचे गुपित झेलता
अनु'मतीची महत्ता विशेष

वसंताचे मृगजळ खास
कटी बंधात उष्म निश्वास

नभी नाभी ताम्र गोल
चा'लते जातो तोल
आर्त कुंजन
आस पास

पर्ण विरहीत पुष्प तटी दाट
दिंगबर सुरेख मदन पाझरतो

.
.
.
.
.
.
.

स्वतःच्याच कवितेच्या विडंबनाचा विचार केला आणि कवितेतला(च) मदन अकस्मिक पाझरला. ;)

dive aagarfestivalsmango curryकखगकैच्याकैकवितागरम पाण्याचे कुंडजाणिवतहाननिसर्गफ्री स्टाइलभिजून भिजून गात्रीमाझी कवितामुक्त कवितारंगरतीबाच्या कविताविडम्बनशृंगारस्पर्शस्वप्नप्रेमकाव्यविडंबन

आङळे वाङळें साहित्य संमेलन

माहितगार's picture
माहितगार in जे न देखे रवी...
24 Apr 2022 - 5:49 pm

आङळे वाङळें साहित्य संमेलन

आङळे वाङळेंना म्हणाली
मराठी साहित्य संमेलनाला
नाही गेलात कसे ते?

वाङळें आङळेंना म्हणाला
तुमच्या आङळीकेचे साहित्याने
अजीर्ण झाल्यावर इतर साहित्याला
जागा आता उरलीच कुठे ?

cyclingdive aagarfestivalsgholpineapplesahyadriअननसअनर्थशास्त्रअव्यक्तआठवणीआयुष्याच्या वाटेवरकविता माझीकाणकोणकालगंगाकाहीच्या काही कविताफ्री स्टाइलमुक्त कवितारतीबाच्या कवितावाङ्मयशेतीहास्यधोरणमुक्तकविनोदउपहाराचे पदार्थलाडूवडेव्यक्तिचित्रसुकी भाजीमौजमजारेखाटन

कोळीगीतः समींदरा, जपून आण माझ्या घरधन्याला

पाषाणभेद's picture
पाषाणभेद in जे न देखे रवी...
18 Dec 2021 - 2:09 am

समींदरा रे समींदरा,
तू जपून आण माझ्या घरधन्याला
लई दिवसांन परतून येईल घराला ||धृ||

नको उधाण आणू तुज्या पाण्याला
नको मस्ती करू देऊ वार्‍याला
काय नको होवू देऊ त्याचे होडीला
तू जपून आण माझ्या घरधन्याला ||२||

नारळ पौर्णिमेचा सण आता सरला
तुला सोन्याचा नारल वाढवला
नेल्या होड्या त्यानं मासेमारीला
तू जपून आण माझ्या घरधन्याला ||३||

मी कोलीण घरला एकली
सारं आवरून बाजारा निघाली
म्हावरं विकून येवूदे बरकतीला
तू जपून आण माझ्या घरधन्याला ||४||

festivalskokanकोळीगीतसंस्कृतीनृत्यसंगीतकविताप्रेमकाव्यसमाजजीवनमानमत्स्याहारी

वार्ता सुखाची घेऊन....

Vivekraje's picture
Vivekraje in जे न देखे रवी...
22 Aug 2020 - 8:44 am

वार्ता सुखाची घेऊन , आता यावे घरी देवा..|

ओढ भेटीची लागली, होई तगमग जिवा..||

काही कळेना जीवाला, मना धाव घेऊ कोठे..|

ओढ तुम्हा दर्शनाची, धीर काळजात वाटे..||

तुमच्या येण्याची चाहूल, देवा आम्हा सुखावते..|

अवघी चिंता दुःख सारी, जशी दूर घालवते..||

आहे संकट हे मोठं, नाही माणसाच्या हाती..|

नाही श्रीमंतीचं मोलं, होते गरीबाची माती..||

वार्ता सुखाची घेऊन , यावे वाजत गाजत..|

नको दुःखाची किनार, कुणा ओल्या पापण्यात..||

नाव तुझं मंगलमूर्ती, विघ्नहर्ता तुझी कीर्ती..|

तुझ्या येण्यानं ही सारी, देवा उजळावी धरती..||

festivalsसंस्कृतीधर्मकविता

श्रावण...

bhagwatblog's picture
bhagwatblog in जे न देखे रवी...
14 Jan 2019 - 3:29 pm

सुप्रसन्न वारा आणि धरणीचा सुवास
प्रफुल्लित मन अन सुखाचा सहवास

हिरवागार सडा शिंपडला भुईवरी
नक्षत्राचे चांदणे अंथरले नभावरी

उडणारे तुषार अन मंजुळ कोकिळ स्वर
पक्षाचा आराव अन मन स्वार ढगावर

हळवा श्रावण, महिन्याचा राजा श्रावण
अनंत निसर्गाची रूपे दाखवतो श्रावण

कणा-कणातील संगीताने मेघ व्यापले
प्रकृतीच्या काव्याने मन तृप्त झाले

निसर्गाच्या किमयेने मन गंधाळले
सर्वांना वसुंधरेच्या रूपाने वेडावले

festivalsकविता

सह्याद्रीतील शब्दचित्रे - भाग ४

स्वच्छंदी_मनोज's picture
स्वच्छंदी_मनोज in भटकंती
2 Oct 2018 - 6:52 pm

काही दिवसांच्या ब्रेक नंतर आणिक दोन नविन शब्दचित्रे घेऊन आलोय. पहील्या तिन भागांच्या लिंक इथे आहेत -

सह्याद्रीतील शब्दचित्रे-भाग १ - https://www.misalpav.com/node/43030
सह्याद्रीतील शब्दचित्रे-भाग २ - https://www.misalpav.com/node/43057
सह्याद्रीतील शब्दचित्रे-भाग ३ - https://www.misalpav.com/node/43162
-------------------------------------------------
सह्याद्रीतील शब्दचित्रे:

shabdachitresahyadreevilleagestfestivals