करुण

(शीर्षक सुचले नाही )

कवि मानव's picture
कवि मानव in जे न देखे रवी...
3 Nov 2016 - 4:24 pm

माझ्या फाटक्या दारिद्र्याला
ठिगळ लावीत होतो,
ज्यांनी मज बहिष्क्रीत केले,
त्यांची थोरवी गाजवत होतो !!

त्यांनी माझ्या प्रेमाची
बहुत लावली बोली,
मी निस्सीम जगाचा प्रियकर,
फुकटच वाटत होतो !!

इथे प्रत्येकेचा हेतू,
प्रत्येकाला अहंकाराने डसले आहे,
पांढऱ्या पेशींच्या जगता मध्ये,
तो रंग सोडवत सोडवीत होतो !!

किती देऊ परीक्षा खरा असण्याची,
दर वेळी पराभूत होतो,
मी या अजब दुनियेचा विद्यार्थी,
कधी ना मोठा होतो !!

बिभत्सकरुणसमाज

आयुष्य

Bhagyashri satish vasane's picture
Bhagyashri sati... in जे न देखे रवी...
2 Nov 2016 - 3:14 pm

पायाला लागली ठोकर तिथे बांधायचे घर
जिथे काहिच नाही तिथे आभाळ आहेच वर
जिवनाचे पुस्तक लिहिले मी स्वत:च्या चेहर्यावर
वाचता आले तर विश्वास ठेव वेदनांच्या त्या शब्दांवर
तूला कधीच ह्या मनाचा मजकूर समजला नाही
मी बंद लिफाफा आहे जो कुणी उघडलाच नाही
मी समजवण्याचा प्रयत्न केला पण तो कुणाला समजलाच नाही
मन माझे कुणाला कळलेच नाही, तळ हातावर पोट घेऊन
कष्टकरी बनवत फिरत होते, इवल्याशा पोटाची भुक
भागावी म्हणूनच तर रक्त जाळत होते...!

भावकवितामुक्त कविताकरुणजीवनमानरेखाटन

"स्व"....

माम्लेदारचा पन्खा's picture
माम्लेदारचा पन्खा in जे न देखे रवी...
22 Oct 2016 - 3:43 pm

कोणी शब्दबंबाळ...कोणी गोष्टीवेल्हाळ ....
कोणी अर्थजंजाळ...कोणी नुसतेच पाल्हाळ....

व्यक्ती असतील वेगवेगळ्या पण वागणूक तीच.....
जगात काय तो एकटा शहाणा मीच !

एक आपला "स्व" मोठा , बाकी कस्पटासमान.....
आपण त्यांच्याबरोबर नाही हे इतरांचेच नुकसान !?

आपण काय म्हटले .....त्याने हाती काय लागले ?
का म्हणून सगळेचजण आपल्याशी असे वागले ?

जमत असेल तर एकदा तटस्थपणे करावा विचार.....
स्वत:ला थोडे बाजूला ठेवून विचार करावा सारासार..!

सगळेच काहीतरी म्हणतात म्हणजे त्यात काही तथ्य आहे
माणूस आहोत,माणुसकीने वागू...बाकी सगळे मिथ्य आहे

अभय-लेखनआता मला वाटते भितीकरुणशांतरसवावरशिक्षण

मी स्त्रीशक्ती

माहीराज's picture
माहीराज in जे न देखे रवी...
7 Oct 2016 - 9:55 pm

बरोबरीने तुझीया आले,
तुझ्याहून ही नाव जाहले,
काय कमी रे माझ्या ठायी
जे मी लढण्या आधीच हरले ...

नऊ मास मी त्रास सोसुनी
जन्म जरी हा तुजला देते,
तरी पुन्हा हे भ्रुणहत्येचे
पाप माझ्याच माथी येते. ...

तुच अपुरा माझ्यावाचुन
साथ तुला शतजन्मी देते,
मान्य तुला ना सत्य हे सारे
म्हणून भोग हे निमित्त ठरते ...
 
जाणुन घे रे किंमत माझी
तुला न ठावे हिम्मत माझी 
शांत ज्योतीसम ही जळणारी
आग अंतरी शतजन्माची ...

करुणकविता

श्रद्धांजली

निनाव's picture
निनाव in जे न देखे रवी...
21 Sep 2016 - 2:54 pm

श्रद्धांजली

लागावी कशी झोप आम्हा आत्ता
कळले जेंव्हा -
सरहद्दी वर वाहिले रक्त ते ,
आमुच्या
शांत झोपे साठी होते!

हसावे आम्ही कसे आत्ता,
झालात
तुम्ही हसत हसत हुतात्मा
दोषी वाटते आम्हा आज
गाफ़ील चारित्र्य आमुचे होते !

उठू आम्ही सर्व आत्ता
लढू आम्ही वैरास
बांधू आम्ही हा देश ऐसा
पाहिले स्वप्न जैसे तुम्ही होते !

करुणकविता

मी एकटी ....

राजेंद्र देवी's picture
राजेंद्र देवी in जे न देखे रवी...
8 Sep 2016 - 3:42 pm

मी एकटी ....

एल तीरावर मी एकटी
पैलतीर त्याला नाही
समोर पसरला अथांग दर्या
साजणाचा पत्ता नाही

परतुनी आले सारे
अजून तो आला नाही
रात्रीचा चंद्र देतसे
तो येईल याची ग्वाही

रंग हळदीचा अन मेंदीचा
अजून उतरला नाही
स्वप्नांचे जहाज बुडाले
साजणाचे तारू वाचले का नाही ?

बघत बसते खुणा वाळूतल्या
निरखीत असते लाटांनाही
नकोत रत्ने मज सागरा
का साजण माझा परत देत नाही ?

राजेंद्र देवी

कविता माझीप्रेम कविताभावकवितामुक्त कविताकरुणकविताप्रेमकाव्य

मनाचा एकांत - ब्लड

शिव कन्या's picture
शिव कन्या in जे न देखे रवी...
20 Aug 2016 - 2:21 pm

'ब्लड आहे..... फास्ट सोडून नाही चालत!'
मऊ शीर, तीक्ष्ण सुई
लक्क काळीज, डोळ्यात पाणी
थंड एसी, मंद दिवे
पांढऱ्या भिंती, एकट रात्री!
तासाला थेंबभर या गतीने
ठि ब क ते रक्त रात्रभर....
जखडलेल्या शरीराने
श्रमलेल्या डोळ्यांनी
हुं कि चू न करता
बघत राहतो आपण
रक्ताची journey........
.
.
.
दुसरं काय असतो
एकांत म्हणजे तरी!

-- शिवकन्या

कविता माझीकाणकोणकरुणमांडणीवावरवाङ्मयकवितासाहित्यिकजीवनमानऔषधोपचार

पाऊस

निलम बुचडे's picture
निलम बुचडे in जे न देखे रवी...
20 Aug 2016 - 10:59 am

     कोपर्डी - आणखी एक 'निर्भया'...

टीव्हीवरील बातमी बघून सगळं सुन्न झालं..
त्या ह्रदयद्रावक घटनेने माझ्यातल्या 'स्त्रीत्वावर' जो आघात झाला त्याचे पडसाद मनात उमटले..
त्यातूनच "ती" माझ्या मनातून लेखणीत झिरपत गेली..पण हे झालं गद्य... 
हे लिहिताना माझ्यातली कवयित्री मला स्वस्थ बसू देईना... 
अशा रितीने अवतरलेली ही तिची कविता...........

  ----  पाऊस ----
असा वेडा हा पाऊस,
करी उगाच वर्षाव..
मन गेलं हे सुकून,
होतो खळखळाट फार...

करुणकविता

सुखासन

शिव कन्या's picture
शिव कन्या in जे न देखे रवी...
12 Aug 2016 - 12:49 am

आले कोण गेले कोण
कवतुक आता वाटत नाही ,
कुणी थांबले हसून बोलले
मनात किणकिण वाजत नाही ,
पानाफुलापक्ष्यांसाठीही
दार सुखाचे उघडत नाही
.
.
.
इतके माणूस छिलून निघते
एकांताच्या सुखासनावर!

-शिवकन्या

कविता माझीकाणकोणमुक्त कविताकरुणवावरवाङ्मयकवितासाहित्यिकजीवनमान

गेम = डुआयडी

महासंग्राम's picture
महासंग्राम in जे न देखे रवी...
8 Aug 2016 - 7:52 pm

प्रेरणा : गेम

आयडी कसा बदलता आला पाहिजे
डुआयडी बनून मोकळेपणान फिरता आल पाहिजे...
थोडं थांबून .. दुसऱ्याला खिंडीत पकडता आलं पाहिजे

वेड बनून ... मी त्या गावचा नव्हेच असं सांगता आलं पाहिजे
सगळ्यांना हे जमतंच असं नाही...
धाग्याचा काश्मीर होतोच असं नाही

तरी आजही छुप्या आयडी वर जग चालत..
सगळं काही असूनही आपलं एखाद डुआयडी लागतं ..
'डुआयडी में पागल दीवाने को' आजही जग
हासत..
आणि मग डुआयडी बनून प्रत्येकजण 'मेसेज'
करत...

फ्री स्टाइलकरुणवीररसअद्भुतरसरौद्ररसकवितामुक्तकविडंबन