सूचना

वारंवार सूचना देऊनही काही सदस्य वैयक्तिक आणि खालच्या पातळीवरील प्रतिसाद देत आहेत. असे आढळल्यास विना सूचना कडक कारवाई करण्यात येईल.

बिभत्स

बोटावर शाईचा अजून रंग ओला

ज्ञानोबाचे पैजार's picture
ज्ञानोबाचे पैजार in जे न देखे रवी...
17 Nov 2019 - 11:11 am

बोटावर शाईचा अजून रंग ओला
माझ्या पाठी त्याच आधी खंजीर तू खूपसला

दाविलेस डोळ्यांना स्वप्न एक भगवे
दारोदारी फिरशी आता लाज सोडून नागवे
नकळत तव द्वेष गाड्या जागृत मम झाला

विश्वासून तुझीयावर मते तूला दिली
राम भरत जोडी ही क्षणार्धात तुटली
कालियूगीन भरत कसा सत्तातूर झाला

आई भवानी रडली अन, शिवराय व्यथित झाले
नाव त्यांचे आज पार धुळीला मिळाले
आज तुझ्या कृत्याने जीव धन्य झाला

पैजारबुवा,

आरोग्यदायी पाककृतीकाणकोणकोडाईकनालगरम पाण्याचे कुंडचाटूगिरीबिभत्सइतिहासकविताइंदुरीऔषधोपचारकृष्णमुर्ती

(धागा काढण्याची तल्लफ)

नाखु's picture
नाखु in जे न देखे रवी...
3 May 2019 - 4:41 pm

स्वामी चरणी समर्पित
...

डोक्यातील उजेड कमीकमी होऊ लागला
वाचण्यातील साधेपणा संपू लागला
तेव्हा मी धागा काढण्याचा विचार करू लागतोच....

तर्कशुद्धीला ठेंगा, वायफळांचा मळा
आशयाची पातळी इतकी खोल
इतकी खोल....
कि आतला हेतूच दिसेनासा झाला !
धागा काढल्यावर चर्चा होईलच
हे मी तरी कशाच्या आधारावर ठरवले?

डोक्यातील उजेड संपताना, संपू द्यावा
उगाचच हसे होताना, होउ द्यावे
मुळातच धागा बदबदा काढू नये
वाचकांना कष्ट देऊ नयेत .....
इतकेच काय स्वधाग्याचीही वाट लावू नये

अदभूतकाहीच्या काही कविताकॉकटेल रेसिपीजिलबीभूछत्रीभयानकहास्यबिभत्सकरुणवीररसअद्भुतरसरौद्ररसहे ठिकाणकविताविडंबनसमाज

दाराआडची चमेलीबाई ( आणि ती सटवी रोहिंगीण)

चित्रगुप्त's picture
चित्रगुप्त in जे न देखे रवी...
8 Apr 2019 - 4:06 am

.

चमेलीबाई दाराआडून बघते आहे बाहेर
किती बाहेर ?
स्वत:च्या बाहेर, कमाठीपुर्‍याच्याही पल्याड - भूतभविष्याच्या आरपार ...

तिकडे दूर इस्माईल बसला आहे...

.

केसांचा कोंबडा काढून "दिल का भंवर करे पुकार" ... म्हणत डुलणार्‍या देखण्या नायकाची नायिका बनायला
घर-गाव सोडून चंदेरी दुनियात आलेल्या चमेलीला शेवटी इथे घेऊन आलेला इस्माईल.

कालगंगाकाहीच्या काही कविताजिलबीरतीबाच्या कविताबिभत्ससंस्कृतीजीवनमानराहणीव्यक्तिचित्र

परत पेटेल मेणबत्ती

खिलजि's picture
खिलजि in जे न देखे रवी...
16 Apr 2018 - 3:43 pm

परत पेटेल मेणबत्ती

येईल नवा कायदा

वणवा आता मंदिरात पोहोचलाय

पुन्हा हवीय रक्तरंजित क्रांती

षंढ अजून करणार तरी काय

कायद्याच्याच गळ्यात पळवाटेचे पाय

पहिली झाडं तोडली जायची

नंतर रोपांवर आली हि भें_द जमात

आता कळ्यांची खुडणी चालू आहे

बुद्धी गेलीय सर्वांची जणू कोमात

मथळे भरून येतील अजून काही दिवस

असतील रकानेच्या रकाने

लढा चालेल दोन्ही बाजूस

न्याय मिळेल कैक युगाने

तोवर पुन्हा कळ्या खुरडल्या जातील

पुन्हा मेणबत्त्या पेटतील

पुन्हा येईल नवा कायदा

येतील नवीन पळवाटा

बिभत्सविडंबन

नवा कवी

गबाळ्या's picture
गबाळ्या in जे न देखे रवी...
6 Dec 2017 - 11:13 am

मिपा ने सर्व साहित्यिकांसाठी खुला मंच उभा करून या युगातील एक महत्कार्य केले आहे. खुला मंच, फुकटात प्रकाशन आणि फुकटात श्रोते. हे म्हणजे नवकवींच्या हाती लेखणी दिल्यासारखेच झाले. आम्ही या सर्व नवकवींचे खंदे समर्थक आहोत. ज्याप्रमाणे केशवसुतांनी "नवा शिपाई" या कवितेतुन नव्या पिढीचे मनोगत व्यक्त केले होते, त्याचप्रमाणे आम्ही या कवितेतून अशा सर्व नवकवींचे मनोगत व्यक्त करत आहोत

नवा कवी

नव्या कवितील नवकाव्याचा क्रूर कवी मी आहे
कोण मला वठणीवर आणू शकतो ते मी पाहे
गणहि नाही, छंदहि नाही, न मी जाणी वृत्ताला
ठेचे मीटर मी जे आडवती उगाच काव्याला

vidambanअदभूतअनर्थशास्त्रअविश्वसनीयइशाराकविता माझीकाहीच्या काही कविताजिलबीफ्री स्टाइलमाझी कवितामुक्त कवितारतीबाच्या कवितावाङ्मयशेतीभयानकहास्यबिभत्सवीररसअद्भुतरसरौद्ररसकलावाङ्मयकवितामुक्तकविडंबनविनोदसाहित्यिकव्यक्तिचित्रव्यक्तिचित्रण

हे फक्त माणसातच !

शिव कन्या's picture
शिव कन्या in जे न देखे रवी...
7 Apr 2017 - 12:48 am

रात्री मासे आणणाऱ्या एकाकी माणसाला
बोकेमांजरे चहुबाजूने घेरतात.
माणूस पळू लागला कि,
त्याच्यावर झेप घेऊन त्याला बोचकारतात.
त्याच्या हातातील मासे क्षणार्धात लंपास होतात.
मासे मिळताच बोकेमांजरे
माणसाला तिथेच सोडून देतात.
हे सगळे किती विश्वासाहार्य, predictable आहे!

मासे मिळाल्यावर,
मासे तर फस्त करायचेच
पण माणसाची आतडी बाहेर येईपर्यंत
त्याला ओरबाडत, बोचकारत रहायचे,
मग, रात्रीच्या भयाण शांततेत फिस्कारत हिंडायचे .......
हे मात्र फक्त माणसातच !

- शिवकन्या.

इशाराकविता माझीभयानकबिभत्सरौद्ररसमांडणीवावरवाङ्मयकवितासाहित्यिकसमाजजीवनमान

!!...'मानवी भूकंप'...!!

बटाटा चिवडा's picture
बटाटा चिवडा in जे न देखे रवी...
5 Feb 2017 - 1:58 am

गोष्ट आहे ही एक ग्रासलेल्या मुलीची
दरड कोसळली एके दिवशी तिच्यावर कृत्रिम आपत्तीची...

असा काही झाला होता तिच्या मनावर आघात
'मानवी भूकंपा'चा घडला होता कृत्रिम अपघात...

भूकंपाचे केंद्र होते जवळचेच एक घर
राहात होता तिथेच तिचा तो 'प्रियकर'...

प्रेमात असा काही दिला होता त्याने धोका
एकाच फोन कॉल ने बसला होता तिला मोठा धक्का..

त्याच्या दूर जाण्याने तिच्या पायाखालची जमीनच हादरली होती
मनाच्या भूकंपाची ती तीव्रता रिश्टर स्केलवर देखील मोजण्याजोगी नव्हती..

बिभत्सकरुणकविताप्रेमकाव्यजीवनमानरेखाटन

(शीर्षक सुचले नाही )

कवि मानव's picture
कवि मानव in जे न देखे रवी...
3 Nov 2016 - 4:24 pm

माझ्या फाटक्या दारिद्र्याला
ठिगळ लावीत होतो,
ज्यांनी मज बहिष्क्रीत केले,
त्यांची थोरवी गाजवत होतो !!

त्यांनी माझ्या प्रेमाची
बहुत लावली बोली,
मी निस्सीम जगाचा प्रियकर,
फुकटच वाटत होतो !!

इथे प्रत्येकेचा हेतू,
प्रत्येकाला अहंकाराने डसले आहे,
पांढऱ्या पेशींच्या जगता मध्ये,
तो रंग सोडवत सोडवीत होतो !!

किती देऊ परीक्षा खरा असण्याची,
दर वेळी पराभूत होतो,
मी या अजब दुनियेचा विद्यार्थी,
कधी ना मोठा होतो !!

बिभत्सकरुणसमाज

नवकविता - ट्रॅफिक जॅम

वेल्लाभट's picture
वेल्लाभट in जे न देखे रवी...
5 Nov 2015 - 12:58 pm

नवकविता ब-याच वाचनात येतायत आजकाल. माझाही प्रयत्न. :D
विडंबन वगैरे समजू नये.
मनावर सततच्या होणा-या वारांमुळे अविरत चिघळत रहाणारी जी जखम आहे
त्यातून स्त्रवलेलं हे काव्य आहे.
प्लीज रिस्पेक्ट दॅट. इट्स ओरिजिनल.

नवकविता - ट्रॅफिक जॅम

उशीराच तरीही पुन्हा मी निघतो
त्या भयाण प्रवासासाठी
जणू फरफटत नेतं मला माझं नशीब
नशिबाचं काय म्हणा

नशीब त्याचंही असतं जो
खच्चकन चाकूचा वार केल्यासारखा
जातो...
जातो मला कट मारून...
आणि त्या मन गोठवणा-या थंडीत
रागाचा ज्वालामुखी मला चटके देतो...
आतून

कविता माझीकाहीच्या काही कविताफ्री स्टाइलभावकवितामुक्त कवितावाङ्मयशेतीबिभत्सरौद्ररसकवितामुक्तकगझल

दयेच्या छावण्या

शिव कन्या's picture
शिव कन्या in जे न देखे रवी...
9 Oct 2015 - 11:19 am

पाणी पितो ती नदी आमची नाही
अन्न गिळतो ती शेतं आमची नाहीत
आकाश पक्षी चंद्र झाडं हे तर राहूच द्या
ही कुत्री मांजरं बदकं कोंबड्या पण आमची नाहीत!

युनिसेफची गुळगुळीत पुस्तकं अन तुळतुळीत मडमा
WHO ची झटपट औषधं अन चाकपाक डॉक्टर्स
RedCross चं जगभरातील वैविध्यपूर्ण एकच रक्त
युनोने थाटलेले Waterproof तंबू अन मिनरल बाटल्या
यातलं काहीच आमचं नाही!

अनर्थशास्त्रइशाराफ्री स्टाइलमुक्त कवितासांत्वनाभयानकबिभत्सकरुणरौद्ररसधोरणमांडणीवावरकवितामुक्तकसमाजजीवनमानराहणीभूगोलदेशांतरराहती जागाअर्थकारणअर्थव्यवहार