३८-बँकॉक-स्ट्रीट-घोडबंदर रोड ठाणे कट्टा----वृत्तांत.......

डिस्क्लेमर : मला फोटो काढता येत नसल्याने मी फोटो काढत नाही. परवा ठरल्याप्रमाणे, कालचा "३८-बँकॉक-स्ट्रीट-घोडबंदर रोड ठाणे कट्टा" सुरळित पार पडला. मी आणि सौ.मुवि, कळव्याला, मि.ट्का, ह्याच्या कडे गेलो. टका आणि मोदक, मुंबईच्या वाहतूकीमुळे थोडे उशीराच आले. मग टकाच्या गाडीतून कट्ट्याच्या ठिकाणी रवाना झालो. कळवा ते घोडबंदर हा प्रवास मजल-दरमजल करत गाठला.सुदैवाने टकाच्या मातोश्रींनी वाटेत खायला म्हणून काजू दिले होते.आनच्या सौ.ने आणि मि.मोदक ह्यांनी काजू खात-खातच प्रवास पुर्ण केला. मी आणि टका मात्र गप्पा-गोष्टी करण्यात दंग होतो. मोदक नुकतेच पुण्याहून आले असल्याने, उगाच पुणे विरुद्ध इतर असा वाद-विवाद न काढायचे ठरवले. कट्ट्याच्या मुक्कामावर पोहेचताच, मि.माप आणि सौ.माप ह्यांनी स्वागत केले. वाहतूकीच्या बोजवार्‍यामुळे उशीर झाला, अशी कारणमीमांसा त्यांना दिली. हॉटेल जवळ-पास रिकामेच होते.आता हा टका आपल्याला नक्की काय काय खायला घालतो? असे वाटले पण जातीवंत मिपाकर एकदा टेबलावर बसला की, जे काही समोर येईल ते पोटात ढकलतो. असो, मेन्यु कार्ड आधी टकाच्या ताब्यात दिले आणि आम्ही आता टका काय ओर्डर देतो? ह्याकडे कान लावून बसलो. ट्काने २-३ पदार्थांची ओर्डर दिली आणि सांगीतले की, आता तुम्ही पण ऑर्डर द्या. पदार्थ टेबलावर येईपर्यंत "माझीही शँपेन" आणि "सुबोध खरे" हजर झाले. गप्पा रंगत गेल्या आणि मग एक एक पदार्थांच्या मागणीला सुरुवात झाली. शेवटी मॉकटेल पिवून झाले.पण गप्पा काही संपेनात. आम्ही वेटरला विचारले की इथे अजून कितीवेळ बसले तरी चालते? वेटर म्हणाला बसा किती ही वेळ.रात्री १२ला हॉटेल बंद होणार. आता वेटनेच परवानगी दिल्याने, आम्ही अज्जुन गप्पा हाणायला लागलो. आमचा एकूण रागरंग बघून आमच्या सौ.ने "गप्पा आवरत्या घ्या" अशी खूण केली आणि मग आम्ही हॉटेल मधल्या गप्पा आवरत्या घेतल्या. टकाने गाडी सुरु करेपर्यंत रस्त्यावर परत एकदा थोड्याफार गप्पा मारल्या. टकाने आम्हाला आणि मि.मोदक ह्यांना ठाण्याला सोडले. मी आणि सौ.मुवि, डोंबोलीला आलो आणि कट्ट्याच्या आठवणी मनांत घोळवत झोपी गेलो.

💬 प्रतिसाद (61)

प्रतिक्रिया

पण कट्टा न करताच झाला, असे

सुबोध खरे

Sat, 09/19/2015 - 11:19 नवीन

पण कट्टा न करताच झाला, असे सांगणार नाही. उलट कट्टा झाला तरी एक वेळ सांगणार नाही पण पण कट्टा न करताच झाला, असे कधीच सांगणार नाही असे हवे.

↩ प्रतिसाद: मुक्त विहारि

येस यु आर राईट्ट....

मुक्त विहारि

Sat, 09/19/2015 - 11:30 नवीन

तेस यु आर राइट्ट.

↩ प्रतिसाद: सुबोध खरे

कट्टयासाठी काही पण;)

होबासराव

Fri, 09/18/2015 - 21:21 नवीन

:))

कट्ट्याचं ठिकाण अंमळ हिरवट

सूड

Fri, 09/18/2015 - 22:21 नवीन

कट्ट्याचं ठिकाण अंमळ हिरवट दिसतंय!!

मुक्त विहारि

Fri, 09/18/2015 - 23:02 नवीन

तू गप राव रे. (मनोगत : हा "सूड" पक्का पुणेकर दिसतोय.कध्धी कध्धी म्हणून कौतूक करणार नाही.)

↩ प्रतिसाद: सूड

अत्यंत तोकडा वृत्तांत

कॅप्टन जॅक स्पॅरो

Sat, 09/19/2015 - 09:19 नवीन

अत्यंत तोकडा वृत्तांत लिहिल्याबद्दल मिपाकट्ट्प्पा मुविंचा णिषेध!! (बाहुबली) कॅजॅस्पॅ!!

↩ प्रतिसाद: सूड

मुविंचा णिषेध!!

मुक्त विहारि

Sat, 09/19/2015 - 09:34 नवीन

णिषेध स्वीकारण्यात आला आहे. खर्‍या मिपाकरांच्या मताचा, आम्ही नेहमीच आदर करतो. (फूल्ल बॉटल लेमनवॉटरच्या नशेत, फुकाचा गहनविचार करून, उद्दाम पणे नाना डू-आय-डी, घेणार्‍या, अवतारी सोंगांपेक्षा, परखड पणे साब्दिक आसूड ओढणारे आणि निखालस प्रेम करणारे, खरे मिपाकर, आम्हाला तरी नेहमीच आदरणीय)

↩ प्रतिसाद: कॅप्टन जॅक स्पॅरो

कट्ट्याला जायचे कि नाही हे

सुबोध खरे

Sat, 09/19/2015 - 11:58 नवीन

कट्ट्याला जायचे कि नाही हे येणाऱ्या रुग्णांवर अवलंबून होते त्यामुळे शेवटपर्यंत मी येणार आहे हे सांगितले नव्हते. शेवटी रुग्णांनी कृपा केल्याने साडे आठ ला दवाखाना बंद करून मामलेदारांना व्यनी पाठवला (२०.३६ वा) कि निघतो आहे. तेवढ्यात एका डॉक्टरचा फोन आला कि एक रुग्ण पाठवायचा आहे. मी विचारले तातडीचा आहे का? ते नाही म्हणाल्यावर मी उद्या पाठवा सांगून निःश्वास सोडला. घाईघाईने मोटारसायकल काढून अर्ध्या तासात स्थानापन्न झालो. वेगवेगळे थाय पदार्थ टक्याने मागवले होते. नवे विचारली काही तरी विचित्र नावे होती . आपण आंबे खावे, कोयी मोजण्यात काय हशील आहे या विचाराने नवे लक्षात ठेवण्याचे कष्ट घेतले नाहीत. तोंड दोन्ही कारणांनी चालू होते( बडबड आणी खाणे). पदार्थ येत गेले आणी आम्ही खात गेलो. TOM YUM आणी KHOU SUEY अशी सुपची नावे होती JAVA LOTUS STEM, VIETNAMESE SUMMER ROLL, KUNG PAO COTTAGE CHEESE, KATSU SHITAKE MUSHROOM, EXOTIC VEGETABLES WITH BLACK BEAN SAUCE हे STARTERS HOTE. यात भरपूर पोट भरले त्यामुळे फक्त भाताचे पदार्थ घ्यावे यात एकमत झाले आणि KHAO PHAD KRAPAO, NESI LEMAK आणी KHAO PHAT CHE असे तीन भाताचे प्रकार खाऊन पोट भरण्यात आले. यानंतर वर म्हटल्या प्रमाणे तीन तर्हेची मॉकटेल ( एका वर एक फुकट ) म्हणजे सहा ग्लास पिऊन पोटातील उरली सुरली जागा व्यापून बंद करण्यात आली. त्यामुळे वर आईस क्रीम खाण्याचा बेत रद्द करण्यात आला. ज्यांनी कट्टा हुकवला त्यांचे बडीशेप आणी ओवा देऊन सांत्वन करण्यात येत आहे. ज्यांना जळजळ होत आहे त्यांनी त्रिफळा चूर्ण खाऊन आपला उदारागनी शांत करावा असा ( मोफत) सल्ला देण्यात येत आहे. चला मुवि पुढच्या कट्ट्याच्या तयारीला लागू या.

चला मुवि, , पुढच्या कट्ट्याच्या तयारीला लागू या.

मुक्त विहारि

Sat, 09/19/2015 - 12:07 नवीन

पुढच्या कट्ट्याची प्रात्थमिक आखणी झाली आहे. उत्सवमुर्तींना वेळ मिळाला की, ते म्हणतील तिथे आणि ते म्हणतील त्या वेळेला आणि तारखेला कट्टा करायचे ठरले आहे. कट्याची रीतसर घोषणा होईलच.

↩ प्रतिसाद: सुबोध खरे

एक विनंती

भाते

Sat, 09/19/2015 - 22:44 नवीन

कृपया कट्टा सोमवार ते गुरुवार या दिवशी न ठेवता सुट्टीच्या दिवशी / शुक्रवारी किंवा विकांताला ठेवावा म्हणजे कट्टयाचा सदेह आनंद घेता येईल. कट्टा हुकल्यामुळे कट्टा वृत्तांत वाचुन आणि फोटो बघुन समाधान मानावे लागते. माझ्या विनंतीची दखल घेतली जाईल याची खात्री आहे.

↩ प्रतिसाद: मुक्त विहारि

ता क -- खवय्यांनी लिहिलेली

सुबोध खरे

Sat, 09/19/2015 - 12:01 नवीन

ता क -- खवय्यांनी लिहिलेली नावे गुगल करून पहावी( स्वतःच्या जबाबदारी वर). म्हणजे काय पदार्थ आहेत आणी कसे करावे त्याची कृती आणी फोटो सापडतील. जळजळ आणी चिडचिड झाल्यास कट्टेकरी जबाबदार नाहीत.