!! रवानामुळे दिवाळी !!

स्वामी व्हावे तिन्ही जगाचे मनाशी निर्धार केले,
कठोर तपस्या ध्यान लाउनी भ्रमविद्या सध्य केले,
शंकराने दास व्हावे ऐसा तो शिवभक्त झाला,
देव, ऋषी गण हेवा करिती ऐसा महाविद्वान झाला !!१!!

पण विद्वतेचा महामेरू क्षणामध्ये चूर झाला,
पाहुनी साध्वी सीतेला, तव मनाचा तोल गेला,
अपहरुनी पर सौभाग्येला, रावणाने अनर्थ केला,
अहंकाराच्या तिमिरातून, दानवाचा जन्म झाला !!२!!

झड श्रावणाची

अचानक श्रावणाची झड ती आली
अंग अंग भिजवून गेली
ओल्या केसातून बट ही ओघळली
चिटकून बसली गोऱ्या गाली

मोहक हालचाल सुखावून गेली
नकळत डोळे विस्फारून गेली
कवेत घेता काया ही थरथरली
चित्तवृत्ती मोहरून गेली

त्रेधातिरपीट उडवून गेली
यौवनास माझ्या खिजवून गेली
जेव्हा जेव्हा आठवते रात्र ती ओली
श्रावणात होते पापणी ही ओली

राजेंद्र देवी

दोन राष्ट्रांच्या वादामध्ये,
निष्पाप बिचारा अपराधी ठरतो,
आणि उगाच कारण नसतानाही,
सैनिक का सीमेवर मारतो ? !!१!!

त्यास न ठाऊक कारण युद्धाचे,
पालन करी तो आदेशांचे,
तरी बुद्धिबळाच्या खेळा मधला,
सहज मरणारा तो प्यादा ठरतो !!२!!

डॊकावूनी पहा त्या गणवेशातून,
आपल्या सम तो ही माणूस असतो,
सौख्य-सोयरे मागे टाकून,
कुणास ठाऊक तो कसे राहतो !!३!!

लढत मरावे, मरत लढावे,
ध्यास घेउनी जीवनभर जगतो,
अन तारुण्याच्या उंबरटयावर,
अकारण मृत्युच्या शैयेवर चढतो !!४!!