नवरात्र चालू आहे. नऊ दिवस उपास करणाय्रांसाठी थोडी वेगळी पण चविष्ट पाककृती घेऊन आलेय. उपास नसला तरी करून आस्वाद घ्यायला हरकत नाहीच!
साहित्यः
पाऊण वाटी शिंगाडा पीठ, पाव वाटी साबुदाणा पीठ, दोन वाट्या पाणी, एक वाटी ताक, मीठ, दोन ओल्या मिरच्या, अर्धा चमचा लाल तिखट, अर्धी वाटी बारीक चिरलेली कोथिंबीर, अर्धी वाटी ओलंखोबरं, दोन चमचे साजूक तूप, अर्धा चमचा जिरं.
कृती:
खोबरं खवून घ्यावं. कोथिंबीर धुवून बारीक चिरावी. मिरच्या वाटून घ्याव्या. खोबरं कोथिंबीर, मिरचीचं वाटप आणि मीठ एकत्र करावं. दोन वाट्या पाणी आणि ताक नॉनस्टीक पॅनमध्ये एकत्र करावं. चवीनुसार मीठ, लाल तिखट घालावं. आता त्यात शिंगाडापीठ आणि साबुदाणा पीठ घालून नीट मिसळावं. गोळी होता कामा नये.
आता मंद गॅसवर मिश्रण सतत ढवळत राहावं. दोन ताटाना तूपाचा हात लावून घ्यावा. मिश्रण शिजत आलं की घट्ट होत जातं. पिठाचा रंग बदलतो. आता मिश्रण उलथ्याच्या सहाय्याने भराभर ताटावर पसरावे. त्यावर खोबरं कोथिंबीर घालावी. तूप जिय्राची फोडणी करावी. या मिश्राणावर पसरावी. हा फोटो फोडणी घालण्या पूर्वीचा आहे.
आता उभ्या रेषा मारून घ्याव्या. अर्ध्यापर्यंत गुंडाळावे.
अश्या पध्दतीने सर्व वड्या गुंडाळून घ्याव्या. मस्त डीश तयार आहे. आता मनसोक्त उपास करा!!!
प्रतिक्रिया
3 Oct 2016 - 6:00 pm | कविता१९७८
मस्तच
3 Oct 2016 - 6:08 pm | इशा१२३
छान दिसताहेत वड्या!
3 Oct 2016 - 6:08 pm | इशा१२३
छान दिसताहेत वड्या!
3 Oct 2016 - 6:28 pm | अत्रुप्त आत्मा
मस्त प्रकार.
3 Oct 2016 - 7:43 pm | सूड
भारी दिसतायेत.
3 Oct 2016 - 8:01 pm | मनिमौ
कसले सही पदार्थ सांगतेस तु
मला तर कधीच असल काही येत नाही.
3 Oct 2016 - 11:00 pm | अनन्न्या
नक्की करशील तूही, आणि करायला लागलं सुचत जातं.
3 Oct 2016 - 11:11 pm | रुपी
वा. मस्तच!
4 Oct 2016 - 12:09 am | खटपट्या
हे उपवासाला चालतं? हे खाललं तर मग उपवास कसला?
बाकी पाकक्रुती खांडवीसारखी दीसतेय...
4 Oct 2016 - 12:28 am | सूड
तुम्ही म्हणताय ती खांडवी गुजराती थाळीतली, ती मराठीत सुरळीची वडी!! मराठीतली खांडवी ही!!
4 Oct 2016 - 12:34 am | खटपट्या
ओह धन्यवाद. मराठीत खांडवी असते हे माहीत नव्हते..
4 Oct 2016 - 12:48 am | पिलीयन रायडर
हे सगळं उपवासाला चालतं.. मग ह्याचं थालपीठ बनवा नाही तर सुरळीच्या वड्या.. फर्क की पेंदा!
भारतीय हिंदु उपवास तरी असेच असतात.. खाऊन पिऊन.. जीवाला त्रास नाही!!
बाकी अनन्या, महान आहेस!!!!!! साध्या सुरळीच्या वड्या जमायला अवघड, तू शिंगाड्याच्या पीठाच्या कशा जमवतेस ग बाई!!!
4 Oct 2016 - 1:17 am | अश्विनी वैद्य
खूपच मस्त...कधी कल्पनाच केली नव्हती शिन्गाड्याच्या पिठाचे असे भारी काहीतरी करता येइल. धन्यवाद...!
4 Oct 2016 - 2:15 am | रेवती
मस्त पाकृ. हा प्रकार माहित नव्हता.
4 Oct 2016 - 2:41 am | विशाखा राऊत
रेखीव वड्या झाल्या आहेत. एकदम मस्त :) (मी सुरळीची वडी केली तर ताट घासायच्या आधी चिकटलेले पीठ खावे लागते. तुझे ताट एकदम साफ सुधरे असेल ना ;) )
4 Oct 2016 - 9:37 am | अनन्न्या
यातली फक्त कोथिंबीर काहीजण उपासाला खात नाहीत पण बाकी सर्व उपासाचेच आहे! शेवटी एवढं करायचं ते जीभेचे चोचले पुरवायला!!!
4 Oct 2016 - 9:51 am | अमृत
करून बघेन.
4 Oct 2016 - 12:06 pm | गवि
क्या बात है... वा वा वा...!!!
केल्याच पाहिजेत आता.
4 Oct 2016 - 12:37 pm | केडी
वाह, मस्त वेगळा प्रकार आहे, करून पाहतो एकदा.
4 Oct 2016 - 1:10 pm | पद्मावति
खरंय. अगदी वेगळी आणि मस्तं पाककृती.
4 Oct 2016 - 1:53 pm | सविता००१
मस्त पा़कृ.
4 Oct 2016 - 2:30 pm | Mrunalini
छान पाकृ आणि फोटो सुद्धा!.
4 Oct 2016 - 3:40 pm | पैसा
मस्त पाकृ!
4 Oct 2016 - 4:34 pm | वेदांत
फोटो दिसत नाहीत....
4 Oct 2016 - 4:39 pm | अनन्न्या
सगळ्यांना तर दिसतायत
4 Oct 2016 - 8:03 pm | स्वाती दिनेश
फार सुबक दिसत आहेत ग ह्या सुरळीच्या वड्या..
स्वाती
4 Oct 2016 - 8:12 pm | पियुशा
दंडवत-----^------
4 Oct 2016 - 8:26 pm | भुमी
छान दिसतोय.
4 Oct 2016 - 11:18 pm | नूतन सावंत
उचलून तोंडात टाकविशी वाटतेय झुरलिक्सही वडी.
5 Oct 2016 - 9:01 am | सपे-पुणे-३०
भारी! एक नंबर! किती छान दिसतायत त्या वड्या.
5 Oct 2016 - 12:01 pm | दिपक.कुवेत
ईथे साध्या सुरळीच्या वड्या जमताना मारामार...तू चक्क उपासाच्या केल्यास!!! ईथूनच दंडवत घालतो...एक ताट्भर पाठवून दे ईकडे....तोंड खवळलय.
5 Oct 2016 - 1:50 pm | अनन्न्या
दिपक तुम्ही सहज करू शकाल!
5 Oct 2016 - 9:49 pm | अजया
एकदम हटके आणि मस्त पाकृ.