किती कोसावर कोनाची कहानी बदलते
नदी वाह्यत जाते सयरात पानी बदलते

कई बदलन का रस्ता आपला वैनगंगा?
बदलते चुलबन, चन्दन अन् कठानी बदलते

तुयी ताकत काउन त्याच्या गुलामीत जाते?
इस्यारा कर तू बाप्पू, राजधानी बदलते

उधारीची जिनगी जगला तई थो समजला
उधारीच्या जिनगीवर का जवानी बदलते?

इस्यारा समजन का थो पारधी, जंगलाचा?
निस्याना हुकला होता, थो मचानी बदलते

* कई = कधी
* थो = तो
* चंदन, कठानी आणि चुलबन(चुलबंद) ह्या वैनगंगेच्या उपनद्या आहेत. बाकी सगळे सोपे आहेच.

तिचं म्हणणं..
मी तुम्हाला मुळीच आवडत नाही..
अन माझा मुद्दा..
तु मला कधी आवडत नाहीस ते सांग..!

बोलताना असे बोलुन गेलो..
तु जशी घरात आवडतेस.. तशी तू प्रवासातही आवडतेस..!

ती मग अडुनच बसली... घरातले नंतर पाहु..
प्रवासात कशी आवडते हे सांगा..!

ज्या बीजाला
अंकूरायचे असते
प्रसवायचे असते
ते पाहत नाही
तापमान किती डिग्री
हवेत आर्द्रता किती
पावसाची काही शक्यता
वा मातीचा ओलसरपणा
ते मातीत ढेकळात
खडकाच्या फटीत
इवल्या पालवीने उभारते
अस्तित्वाची दखल आपल्या
जगाला घ्यायला लावते

भोसले जी.डी.
आत्मशोध काव्यसंग्रह