विडंबन — मराठी विडंबन काव्य व लेखनाचा संग्रह. प्रसिद्ध कविता व गीतांवरील खुमासदार विडंबने येथे वाचा व हसा.
(चाल- अजुनी रुसून आहे, खुलता कळी खुले ना )
अजुनी बसून आहे
गुंता मुळी सुटेना
उघडे तसेच फेस्बुक
लॉगौट.. मन धजेना ..
मी फेस्बुकासमोरी
फेस्बुक-अॅडिक्ट आहे ..
मी हेच सांगताना
रुसुनी कधी बसावे
मी का इथून उठावे
समजूत का पटेना
धरसी अजब अबोला
तुज मौन सोडवेना ..
का पोस्ट मी लिहावी
चर्चाहि होत आहे
मेजवानी वाचका त्या
जाणून उत्सुकाहे
काही अटीतटीने
कुढता अढी सुटेना
कॉमेंट ये स्टेटसला
ऐसी स्थिती इथे ना ..
ओळखलत का साहेब मला?’ परत आला कोणी,
कपडे होते फाटलेले पण, मधाळ त्याची वाणी
क्षणभर बसला नंतर हसला बोलला वरती पाहून,
‘पक्षामध्ये फुट पडली, आलो तिकडे राहुन’.
कार्यकर्त्यांसह आम्हाला, चार आश्वासने भेटली,
स्वबळावर सत्ता येता, आमची वाट लावली .
पक्ष सोडला, चूक झाली, होते नव्हते ते गेले,
निवडणूक होईपर्यंत त्यांनी, फक्त राबवून घेतले
कार्यकर्त्यांना घेउन संगे, साहेब आता लढतो आहे
राहिलेली कामे पुर्ण करून, मतदारसंघ घडवत आहे
खुर्चीकडे लक्ष जाताच हसत हसत उठला
‘पद नको साहेब ’, जरा एकटेपणा वाटला.
कवी नारायण सुर्वे यांची क्षमा मागून.....
(मुळ काव्य : दोन दिवस वाट पाहण्यात गेले, दोन दुःखात गेले
हिशोब करतो आहे आता किती राहिलेत डोईवर उन्हाळे)
------------------------------------------------------
दोन दिवस मुंबईत गेले, दोन दिल्लीत गेले
हिशोब करतो आहे आता, किती पैसे भुरर्कन उडाले
शेकडो वेळा फोन आला, इमेल आले, बोलणी सुरु झाली
मंत्रीपदाच्या भरोशावर जिंदगी बर्बाद झाली
जे होते माझे चिन्ह , जनतेकडेच गहाण राहिले
कधी झेंडा उंचावलेले हात, कलम झालेले पाहिले
अनेक शतकी धागे पाहुनि, नावे मजला ठेवू नका।
मीच विनविते हात जोडुनी उगाच मजला छळू नका।।
जिलब्यांचा अतिदिव्य वारसा मिसळपाविनो तुम्हा मिळे।
उणे कुणाचे दिसता किंचित दवंडी द्याया विसरू नका।|
व्हा ज्ञानाचे वाढपी तुम्ही, जिलबीमारा करीत रहा ।
कलम चालवा सालभर तरी सण शिमग्याचा आणु नका।|
जिलब्यांच्या उत्साहावरती कधीच विरजण घालू नका।
टीआरपीच्या धाग्यांवरती मागे कोणी राहू नका।|
जिलबी पाडा, काकू पाडा, जमले तर मग लेखही पाडा।
पण काकूचे काश्मीर करताना बर्फामध्ये पडू नका।|
मिपा आपुले करा नामांकित परी, इतरा नावे ठेवू नका।
पळता पळता वाटे
अदृश्य राहिली वाट
मी चढतो आहे कधीचा
हा आयुष्याचा घाट
ठिणगीच्या स्पर्शाने
राखेत पेटते आग
पृथ्वीच्या भाग्याचा
का नक्षत्रांना राग?
सूर्यास्ताच्या साक्षीने
वणवा पेटवतो आज
ओल्या जखमेवर आता
का सुटली आहे खाज?
दाटून मेघ येता
मणक्यात चमकते वीज
गोठून भावना गेल्या
अन मेंदू झाला फ्रीज !
मज ठाऊक नाही कोठे
ह्या आभाळाचा अंत
मी उद्या निघालो आहे
पोचेन कालपर्यंत !
कवी ---
(विदाऊट) ट्रेस
लिहीतानाच हसायला येत आहे, कारण 'मुद्दाम' लिहितोय.
---दबंग---
हुडहुड दबंग
हुडहुड दबंग
ये आरोळी
थेटरात मग
अनेक शिट्ट्या
एका वेळी
पोलिसाच्या
वेशामध्ये
सल्लूभाई
थेटर फुल्ल
प्रेक्षक मुग्ध
त्याच्या पायी
बघतो पिक्चर
बाजूला मी
डोके ठेवुनि
येते गम्मत
मारामारी
ऐसी बघुनि
मनोरंजना
कमी न पडती
सल्लूभाई
अन भार्येचा
हट्टच असता
इलाज नाही
--------------
-----------
मतदान झाल ,निकाल लागला ,आलं सरकार
आलं सरकार , तयाला माझा नमस्कार
अग, ग ..... विंचू चावला
देवा रे देवा ..... विंचू चावला
आता काय मी करू ..... विंचू चावला
अग, ग ..... विंचू चावला
आर आर आबा , बा ..... विंचू चावला
अरे विंचू चावला, रे विंचू चावला, रे विंचू चावला, हो
महाराज, महाराज काय झाले काय एकाएकी ?
सत्ता , स्वबळ विंचू चावला
सत्तेचा माज अंगासी आला
त्याने माझा प्राण चालिला
सत्तेची इंगळी अति दारुण
((हा, हा, म्हणजे अति 'दारू' नं)
दारूचा आणि इंगळीचा काही संबंध नाही.
दारूण म्हणजे भयंकर.
(भयंकर म्हणजे ते कऱ्हाडकर का ?)
कंदील कळकट ..जीवनावरील महाभाष्य
'
(चाल - या डोळयांची दोन पाखरे ..)
त्या गेंड्याची दोन पावले,
फिरतील तुमच्या भवती -
पाठलाग ती सदैव करतील,
फक्त मताच्यासाठी .....
वर्तन तुमचे, हात असे हो
त्या गेंड्याचा थारा
सहवासातून हवाच त्याला,
नित्यच तुमचा नारा
तुमचा परिचय त्यास हो आंदण,
बिलकुल मताचसाठी ..
भाव देतही असतील काही,
पैसा अडक्यातुनी
एका मताचसाठी तुमचे
धरतील कर दोन्ही
आहेत डोळे, क्षणैक प्रीती,
ते तर खुर्चीवरती ..
.
मिसळपाव