विडंबन

कविवर्य ग्रेस यांची क्षमा मागून...

डोसा इथला संपत नाही, मज तुझी आठवण येते
मी मानकरला जातो, तुझी गाडी पलीकडून जाते

तो लोणी स्पंज डोसा, ती खोबर्‍याची हिरवी चटणी
प्यायलो दुर्गाची कॉफी आपण, पचकन पाणी थुंकाया

तो मिठा पान कलकत्त्याचा, तोंड रंगवूनी गेला
मस्तानीच्या आरक्त गळ्याची, आठवण झाली मला

पोथीत माणसे अवघी, सांगती कथा ती कुणाची
हे संपता संपत नाही, गुर्‍हाळ त्या साधूवाण्याचे

डोसा इथला संपत नाही, मज तुझी आठवण येते
मी मानकरला जातो, तुझी गाडी पलीकडून जाते

आता पुन्हा निवडणुका येणार
तेच उमेदवार हात जोडत येणार
मग आपण खोटं खोटं हसणार
मग मधेच डोक्यात प्रश्न येणार
हे आज इथे कशाला येणार ?
काय रे देवा.…

मग तो पडलेला प्रश्न विचारता नाही येणार
मग आम्ही तो गिळणार
मग गिळूनही तो पुन्हा विचारावासा वाटणार
मग समोरच्या उमेदवाराच्या डोळ्यातही तो दिसणार
तो निर्लज्ज असेल तर त्यावर हसणार
त्याच्याही मनाला टोचत असेल तर नजर चुकवणार
मग नसताच बघितलं तसं तर बरं झालं असतं असं वाटणार
आणि ह्या सगळ्याशी त्याचं काहीच देणं घेणं नसणार

खालील घटना पुर्णपणे काल्पनिक असुन तो कुणाशी खरच साधर्म राखत असेल तर फक्त मनातले मनात हसुन घ्यावे, खालील लेखन निव्वळ मनोरंजनासाठी लिहिला गेला आहे. त्यात लेखिकेला कोणताही मानसिक आजार झालेला नाही यांची कृपया नोंद घ्यावी.

स्थळ : इंजिनीअरिंग कॉलेज होस्टेल.
वेळ : सकाळची .

संख्यने जास्त असलेल्या आणि सुविधा कमी असलेल्या होस्टेल मधला काल्पनिक प्रसंग.

नीरु : ए वश्या बाहेर ये, इथे आतल्या चिकनची पुरण व्हायची वेळ आली आहे.

अभी : अरे तो कसला येतोय लवकर, आता महाआवाहन करा त्याला.

सम्या : साला, तोंडावर ताबा नाही त्याच्या, याला पहिला जाऊच कशाला दिला?

चला ऑफीस आले आता, खूप खूप सर्फायचे
चला ऑफीस आले आता, खूप खूप सर्फायचे

मी बनेन ट्रोल
सारे नुस्ते करा स्क्रोल
मी वाट्टेल तसे पिंकायचे
तुम्ही पकडापकडी खेळायचे
चला ऑफीस आले आता, खूप खूप सर्फायचे||

मी संपादक बनेन
सुचना देत सुटेन
मी काहिंना ब्यान करायचे
मग बंड तुम्ही पुकारायचे
चला ऑफीस आले आता, खूप खूप सर्फायचे||

मी एकोळी टाकेन
नंतर मजा बघेन
तुम्ही भरपूर बॅशिंग करायचे
तरी मी पयलाच म्हणायचे
चला ऑफीस आले आता, खूप खूप सर्फायचे||

महाराष्ट्रात सरड्यांचे अच्छे दिन आलेले आहे, सरडे या झाडावरून त्या झाडावर उडी मारीत आहे.

(१)

जेंव्हा त्यांच्या झाडावर होता
तेंव्हा सरडा भ्रष्टाचारी होता.

जेंव्हा सरडा अमुच्या झाडावर आला
आमच्याच सारखा इमानदार झाला.

(२)

जिभेच्या स्वाद पायी
मधुर फळांची मैत्री जोडी.

अहंता स्वताची त्यागुनी
सरडा झाला रंगनिरपेक्षी.

काही म्हणी:

1. जिथे सरडा, तिथे सत्ता
2. उंदीर आणि सरडा, बुडते जहाज सोडती
3. सरडा येई घरा, तोच दिवाळी दसरा
4. सरड्याचे अनुकरण करा, सत्तेचे सुख भोगा.