कुत्री पालन ---- भाग २ ---- बीगल

पहिल्या भागाची लिंक ===> http://www.misalpav.com/node/34821

आमची स्वीटी (लॅब्रेडॉर जातीची) देवाघरी गेली आणि मी मानसीक रोगी झालो.(साधारणपणे कुत्री पाळणारे बहूतेक जण ह्या स्थितीतून जातात.)

मी जिथे असेन तिथे स्वीटी माझ्या जवळच असल्याने, तिचा विरह मला सहन होईना.बायकोच्या आणि मुलांच्या लक्षांत ही गोष्ट आली.३-४ दिवस रडण्यातच गेले पण मनाला काही आराम मिळेना.शेवटी एक दिवस बायको म्हणाली की, आपण आता अजून एक कुत्री पाळू या.

ह्या वेळी मात्र एक ठरवले की, मोठे कुत्रे घेण्यापेक्षा एखादे छोटे-खानी कुत्रे घेवू.

छोट्या कुत्र्यांची माहिती घेतांना बरीच कुत्री डोळ्यासमोर आली.

१. पामेरियन

२. पग

३. बीगल

४. पूडल

५. स्नित्झू (Snih Tzu)

बायकोच्या आणि मुलांच्या बरोबर विचारमंथन केले आणि "बीगल." आणायचे नक्की केले. कुत्री आणायची आणि तिचे नांव "लिली." असे ठेवायचे हे पण त्याच वेळी ठरले.

बीगल बद्दल थोडी माहिती घेतली आणि त्यावेळी गूगलबाबाने मदत पण केली.

बीगल बद्दल मिळालेली माहिती...

१. विकिपेडिया ===> https://en.wikipedia.org/wiki/Beagle

ही माहिती मराठीत किंवा हिंदीत नसल्याने गुजरातीत वाचली.(मला इंग्रजीपेक्षा गुजराथी जास्त समजते.)

https://gu.wikipedia.org/wiki/%E0%AA%AC%E0%AB%80%E0%AA%97%E0%AA%B2

गूगलबाबाने अजून काही माहिती दिली.

http://www.yourpurebredpuppy.com/reviews/beagles.html

http://www.beagles-on-the-web.com/considering.html

http://dogtime.com/dog-breeds/beagle

http://www.petmd.com/dog/top_tens/evr_dg_top_10_for_kids (ह्या साईट मध्ये "बीगलचा नंबर ९वा असला तरी, पण ह्या वाक्यामुळे (Beagles are fit well in homes with active kids, as they are sturdily built and never too tired to play a game. Smart, friendly, and happy, the Beagle usually gets along with other pets, too (except for a bit of chasing here and there), बीगलला प्राधान्य दिले गेले.

http://www.petwave.com/Dogs/Breeds/Beagle/Personality.aspx (ह्या साईट मुळे "बीगले"ची वर्तणूक समजणे सोपे गेले.)

आता यु-ट्यूब वर काही मिळतंय का बघू या म्हणून शोधले तर बरेच व्हिडियो मिळाले...

https://www.youtube.com/watch?v=5FPbIuAKuHI

माझा एक आवडता व्हिडियो (https://www.youtube.com/watch?v=xcxnHETheH0)

https://www.youtube.com/watch?v=vVU4uea36iA

https://www.youtube.com/watch?v=CSOU88K6gSo

Funny "Beagley" Things! Why You Should Get A Beagle Dog.====> https://www.youtube.com/watch?v=f8qxlkbGGyE

वरील माहितीमुळे बीगल घ्यायचे नक्की झाले आणि आमच्या ओळखीतल्या एका पेट-शॉप वाल्याकडे फीमेल-बीगलची मागणी नोंदवली.

बीगल घ्यायचे ठरवल्या नंतर आमच्या पेट शॉप ओनरने विचारले, "क्या आप केघर में हर एक चीज़ टेबल के उपर है.और क्या आप के पास बहूत समय है."

मी हो म्हटले.

बीगल घरात आले आणि ५ मिनिटातच तिने घर आपलेसे केले.म्हणजे सगळ्या घरात शू करायला सुरुवात केली.जनरली कुत्री आपली हद्द त्यांच्या शूनेच आखून घेतात.

गेले ३-४ महिने, बीगलचा अभ्यास करून समजलेली (समजलेली म्हणण्यापेक्षा, स्वानुभवाची) माहिती.

१. बीगलच्या जीवाला स्वस्थता हा प्रकार नसतो.सतत काहीतरी चाळा हवा असतो.

२. उकडलेल्या भाज्या असोत किंवा भाजलेले दाणे, आमच्या लिलीला आवडतात.चिकन आणि अंडी विशेष प्रिय.

३. झोपण्याच्या आधी भिंत आणि गादी उकरायची सवय.

४. तिला काही हवे असेल तर माझ्या हाताशी चावा-चावी करणे. विशेषतः भूक लागली की आणि खेळावेसे वाटले की. (मी म्हणजे तिचे हक्काचे गिर्‍हाईक)

५. इतर कुत्र्यांच्या बरोबर फार लवकर मैत्री करते आणि चावाचावी न करता व्यवस्थित खेळते.

६. शू आणि शीचे सवय २-३ महिन्यातच लागली.(आता ह्यात आमचा अनुभव कामाला आला की "बीगल"चा तो स्वाभाविक गूण आहे, हे आता पुढे दुसरी कुत्री घेतली, की मगच समजेल)

७. सध्या तरी रात्री-बेरात्री उगाच भुंकत नाही.

८. केस गळण्याचे प्रमाण आणि संख्या बर्‍यापैकी कमी आहे.

९. बेलचा आवाज आला के लगेच दाराकडे धावते.

१०. भयंकर वाभरट आहे.रस्त्यावर फिरायला काढले की, सगळा रस्ताभर धावायचे असते.मुळात ही जात शिकारी, त्यामुळे घरात त्यांना कोंडल्यासारखे होते.शेतात जरी घर असले तरी ह्यांना कुंपणातच ठेवायला लागते.

११. प्रचंड माणूसप्रेमी.घरात आलेल्या प्रत्येक व्यक्तीशी तिला लगट करायची असते.

१२. गंध घेत माग काढायची विलक्षण हातोटी.

एक किस्सा,

तिला फिरायला काढले की, नेहमी ती एका विशिष्ट दिशेला जायचा प्रयत्न करायची.रोज-रोज तिचे तेच नाटक.एक दिवस विचार केला आणि ठरवले की आज हिचे ऐकूया.ती माग काढत काढत एका इमारतीत शिरली आणि त्या इमारतीतल्या एका घरापाशी ठिय्या देवून बसली.त्या घरतली कुत्री पण हिचा वास आल्यावर भुंकायला लागली.त्या घरच्यांनी पण हिला आणि आमच्या कुटुंबियांना घरात घेतले.

आता तर आमची कुत्री त्यांच्या घरातली कुत्री ("बॉस्की" नावाची अल्सेशियन) चांगल्या मैत्रिणी झाल्या आहेत.

बीगलेचे दुर्गूण....

१. अंगात प्रचंड उर्जा, मस्ती,सहनशक्ती आणि काटक.त्यामुळे तिच्या उडीच्या आसपास किंवा तिच्या हातात सापडणार्‍या प्रत्येक गोष्टीचा सत्यानाश.

२. शिस्तीची अजिबात आवड नाही.त्यामुळे बस, उठ, खा, अशा साध्या गोष्टी शिवायला पण १०-१२ दिवस लागले.अद्यापही एका जागी २-३ मिनिटाशिवाय एका जागी बसत नाही.

३. वासावरच जगत असल्याने, फ्रीजचे दार उघडे राहिले की लगेच फ्रीज मधील वस्तू पळवते.

४. सतत घराबाहेर जायचे असते.त्यात ह्यांच्या पायांचा अजिबात आवाज येत नाही आणि पटकन दिसत पण नाहीत, त्यामुळे घराचा दरवाजा उघडा ठेवता येत नाही.

थोडक्यात काय तर, एका वाक्यात सांगायचे म्हणजे, लॅब्रेडॉर जर देखणे असतील तर बीगल म्हणजे कलंदर.

पुढच्या भागात आपण ओळख करून घेणार आहोत एका अतिशय रुबाबदार कुत्र्याची, म्हणजेच जर्मन शेपर्ड उर्फ अल्सेशियनची.