(चाल: रेशमाच्या रेघांनी, लाल काळ्या धाग्यांनी...)
लाचखोर लोकांनी, भ्रष्ट साऱ्या मार्गांनी
स्वार्थासाठी कायदाही तोडीला
पायबंद घालू त्यांच्या खोडीला |धृ|
नवी कोरी गाडी काळ्या पैशाची
भरली ती भेसळीच्या मालाची
गुंड आले तडीपार, तडीपार जोडीला |१| पायबंद घालू..
जात येत विमानानं देशात, परदेशात
दलालीत डल्ला मारी देशात, मायदेशात
त्यांनी मायदेशाचा टॅक्स का हो बुडविला |२| पायबंद घालू..
चीड नाही त्यांना देशद्रोहाची
मिरवित शेखी स्विस बँकेची
घोळघालू नाती सारी भूखंडाच्या वाढीला |३| पायबंद घालू..
प्रतिक्रिया
24 Jul 2011 - 1:44 pm | पाषाणभेद
विडंबन झकास झाले आहे.
24 Jul 2011 - 2:44 pm | अत्रुप्त आत्मा
झकास जमलय विडंबन
24 Jul 2011 - 6:23 pm | नरेशकुमार
मला पन एक कविता सुचत आहे.
24 Jul 2011 - 7:40 pm | रणजित चितळे
मस्त वाटली कविता
25 Jul 2011 - 8:23 pm | कच्ची कैरी
अगदी १ नंबर झाली कविता !!
25 Jul 2011 - 8:40 pm | चिरोटा
झक्कास विडंबन
28 Jul 2011 - 10:51 am | पिंगू
फर्मास विडंबन..
- पिंगू