सामना जगज्जेतेपदाचा - आनंद वि. बोरिस - भाग ३

बोर्डापाशी बसले आहेत. आर्बायटरनी घड्याळ सुरु केले आणि डाव सुरु!

डी ४ सुरुवात परंतु आज आनंदने स्लाव कडे डाव न नेता निम्झो इंडियन कडे नेलाय! वेगवेगळी ओपनिंग वापरली जाताहेत. मजा आयेगा.

पहिली मारामारी झाली. डावाची सुरुवात संपून डाव मध्याकडे सरकलाय. आता स्ट्रॅटेजिक खेळ्या सुरु झाल्यात.
बी ६ खेळून आनंदने पांढरा उंट मुख्य कर्णात बसवण्याची तयारी सुरु केली. बओरिसने जी५ मधे उंट बसवून घोडा पिन केला.

कॉपीबुक स्टाईलने खेळ सुरु आहे. आता कोण आधी नवी खेळी करते बघायचे.
आता आनंद बहुदा घोडा डी७ मधे आणेल आणि हत्ती सी८ मधे बसवायचा प्रयत्न.
बोरिसची तयारी ई स्तंभात ताबा मिळवण्याची आहे. ई५ ह्या कमकुवत घरावर त्याचा डोळा आहे!

त्याने या खेळीला बर्‍यापैकी वेळ घेतलाय (जवळपास १० मिनिटे). बोरिसने त्याल बहुदा किंचित धक्का दिलाय. आनंद कॉम्प्लिकेशन्स वाढवतो की टाळतो हे बघायचे आता!

घोड्याची मारामारी झाली. आता आनंद वजीर सी ७ मधे हलवणार.

प्यादे पुढे काढून बोरिसने डी५ ची धमकी दिली. कारण तिथे प्याद्यांची मारामारी झाली की हत्तीचा काळ्यावजिरावर थेट हल्ला होतो. आणि त्याला सी पट्टी सोडूण जायला लागते.

वेळ घेतोय. १४ खेळ्यांनाच ४७ मिनिटे झालीत. टाईमप्रेशरमधे यायला नको शेवटी!

मारणेही फारसे चांगले दिसत नाही. कारण दुसरा घोडा तिथे येऊन बसतो!

काळा वजीर डी६ मधे आलाय . डी५ चे प्यादे पुढे ढकलावे की नाही या विचारात बोरिस आहे.
आता बोर्डाच्या मध्यात गळू अगदी ठसठसते आहे एखादी खेळी आणि ते फुटून वाहायला लागणार आहे! ;)

डी ५ किंवा सी५ दोन्ही खेळणे अवघडच आहे. बघू काय होते.

अपेक्षित मारामारी होऊन काळा हत्ती पुढे आला. बोरिस एक प्यादे कमी आहे. आता वजीर विरुद्ध दोन हत्ती अशी लढत होणार.

बघूयात अंदाज चुकतोय का!

असमतोल टिकून राहणार आणी डाव बरोबरीत सुटण्याची शक्यता नाही.
बोरिस ए प्यादे रेटणार आणो घोड्याला डावात येऊ देण्यापासून जितके लांबवता येईल तितके बघणार.

खेळण्यात दोघेही वाकबगार आहेत. आनंद तर अगदी गेलेल्या पोझीशन्स वाचवण्यासाठी प्रसिद्ध आहे!
अतिशय बारकाईने प्रत्येक पोझीशन अ‍ॅनालाईज करणे महत्त्वाचे. अनेक शक्यतांनी भरलेला डाव!

आणि तटाभोवती घोडा फिरवत ठेवून वजिराला दूर ठेवायला बघणार.
एकदा का वजिराने प्याद्यांच्य तटाला भोक पाडले की डाव अवघड होणार आनंदला!

आनंद सॉलिड डिफेन्स करतोय! बोरिस वेळात मागे पडलाय. साडेदहा विरुद्ध अडीच मिनिटे.

घोड्याचा वापर करण्यात अतिशय चतुर आहे हे पुन्हा एकदा सिद्ध होतंय! बोरिसला त्याचा बचाव भेदणं अशक्य दिसतंय.

घोडा एफ ६ ला जाणार मग जी ४ प्यादे पुढे सरकणार मग मारामारी. बोरिसच्या पदरी काही पडेल असे वाटत नाही.

कसला सॉलिड डिफेन्स केला आनंदने!!
प्रत्येक बुद्धीबळपटूने हा डाव अभ्यासावा असाच आहे. बोरिसचे चिवटपणाने बचाव भेदण्याचे प्रयत्न करणे आणि आनंदने तितक्याच चिकाटीने अभेद्य बचाव करणे. एंडगेम थिअरीचे प्रात्यक्षिकच!! :)

आज आनंदने ई४ ने सुररुवात केली! तिसर्‍याच खेळीला उंट बाहेर काढून आणि पुढच्याच खेळीला उंट आणि घोड्याची मारामारी करुन आनंदने इरादे दाखवून दिले की आज निकाल हवा आहे. बोरीसही तापलेला आहेच!
आज जुगलबंदी जोरदार होणार बुवा! :)

करुन खेळत जातात तसे वाटते आहे! घोड्याच्या उड्या मस्तच. आता वजिरावजिरी अटळ आहे.
काय डाव सुरु आहे! दोघांचा किल्लेकोट नाही, आनंदने तर सरळ राजा मध्यात ठेवलाय, वजीर स्मोरासमोर.

काळ्याचे प्याद्यांचे स्ट्रक्चर बोंबलले आहे. सी स्तंभात दुहेरी प्यादी आहेत. किल्लेकोट झालेला नाही. उलट पांढर्‍याचा उंट मुख्य कर्णात आहे. घोडा चांगल्या जागी विराजमान आहे. दुसर्‍या घोड्याच्या एका खेळीत दोन्ही हत्ती समन्वयात येतील अशी चिन्हे आहेत. आनंद निश्चितच काहीतरी सखोल योजना करुन आलेला आहे. क्या बात है!

राजा एफ १ असा नेणे हा आनंदचा उद्देश असावा.
बोरिस राजाच्या बाजूची मोहरी एकेक करुन बाहेर काढायला लागला आहे. तो किल्लेकोट करेल की नाही सांगता येत नाही कदाचित राजाच्या बाजूला करेल.
आनंदला मध्यात हत्ती आणायला जितके लांबवता येईल तितका बोरिसचा डाव सुरक्षित होत जाणार. दोन घोड्यांनी आनंद आज काहीतरी करामत दाखवेल! :)
येस! मला अपेक्षित असलेली घोडा डी२ खेळला आनंद!!

किल्लेकोट केला बोरिसने (अर्थात आजच्या परिस्थितीत ह्याला किल्लेकोट म्हणणे म्हणजे मल्लिका शेरावतने अंगभर कपडे घातले आहेत असे म्हणण्यासारखं आहे!) ;)

त्यात मला घरच्या तयारीचा भरपूर सहभाग वाटतो आहे. पुढच्या खेळीला आनंद आता राजा एफ १ मधे हलवणार का हे बोरिस हत्ती कुठे ठेवतो त्यावर ठरेल.

त्याच्या सातही प्याद्यांची फळी कमितकमी उघडली आहे! काळ्याच्या डावात अनेक भगदाडे पाडून घोड्यांना कुठेही उड्या मारता येतील याची व्यवस्था करुन ठेवली आहे. पण त्याला प्रतिकार करायला बोरिसचे दोन उंट आहेत.
आनंदचा डाव अजूनही माझ्या लक्षात येत नाहीये!

राजाच्या बाजूची प्यादी आता तो रोलर कोस्टर करत पुढे ढकलणार असे वाटते.
कारण एक हत्ती सोडला तर आनंदची जवळजवळ सगळी मोहरी राणीच्या बाजूलाच सभा भरवून बसली आहेत त्यंची पळापळ होऊ शकेल का?

सी३ मधे येऊन बसला तर अवघड आहे!

तो बी४ मधे बसलाय.
आनंद आता मारामारी करेल का? कारण सी२ वरचे प्यादे दुबळे आहे तिथून हत्तीला फोर्क बसू शकतो!
आनंद मुद्दाम बोरिसला चाटण लावत पुढेपुढे आणतो आहे असे मला वाटते आहे कारण दिसणारे फोर्क इतके ऑब्विअस आहेत की ते लक्षात येणार नाहीत हे शक्यच नाही!