|| गौरवगीत || 'टूरटूर' पासून सुरुवात केली मागे वळून नाही पाहिले 'मोरूच्या मावशी' नंतर 'ब्रह्मचारी' केले भट साहेबांच्या साथीने नाटकात पाऊल ठेवले नटांमध्ये श्रेष्ठ तुम्ही प्रशांत दामले 'लिम्का बुकात' नाव तुमचे 'गेला माधव कुणीकडे' रवींद्र नाट्य मंदिरात एक आगळे नाट्य घडे 'गिनीज बुक ऑफ वर्ल्ड रेकॉर्ड' जागतिक विक्रम तुम्ही केले नटांमध्ये श्रेष्ठ तुम्ही प्रशांत दामले गाणे असते श्रवणीय तुमचे गळा तुमचा गोड सूर असती तुमचे पक्के मिळे तालाचीही जोड 'मला सांगा सुख म्हणजे नक्की काय असतं' गाण्याने मनावर गारूड केले नटांमध्ये श्रेष्ठ तुम्ही प्रशांत दामले खाण्याची तुम्हा भारी हौस चा

नवी मैत्री

नवी मैत्री आहे पण आहे खूप सुंदर कुठे ही असलो तरी कुणीच कोणाला देऊ नका अंतर.... आपलं ते गोड़ गुपित एकमेकींना सहज पणे बोलून गेलो तुझे तेच माझे म्हणत एकमेकींमध्ये रमत गेलो... नवीन आहे आपली मैत्री तरी जपतोय आपण फुलासारखी कायमच एकमेकींना साथ देऊ एकमेकींच्या आनंदासाठी. तृप्ती समीर टिल्लू http://www.truptiskavita.com

तुमच्यासुद्धा मनामध्ये एक रेखा असते ना? उच्चार नसाल करत भले, पण एक रेखा असते ना?

हे गगनराजा , थांबव तव उष्ण किरण शरा तव ऊर्जेने मज दाह होतो विनविते तुजला आज धरा उष्ण वात वाहती भवती तप्त ऊन पडे निष्पर्ण त्या वृक्ष लताना पाहुनी धरणी रडे शुष्क होती नद्या जलाशय तडफडती त्यात जलचरे एकमात्र ह्या थेंबासाठी शांत विहग चहूकडे विचरे वासरमणी, तुझिया योगे जलचक्र फिरते ज्ञात आहे मला परी तल्खली होई जीवाची कशी समजावू मी तुला? तव अनलशरे तनूसी भेगा आता किती मी साहू? हे दिनमणी न कळे मजला तुजवीण कोणा मी पाहू? करद्वय जोडुनी नमिते तुजला थांबव हे तप्त आप वरुणराजा बरसआता शमवि मम शरीर ताप ---- शब्दांकित वैभव दातार

मधुघट कुणा मिळे भरलेला शोधते जळकुंभ कुणी ।।धृ ।। बळ कैसे येईल अंगा जळही दुर्मिळ भासतसे अमृताची जरी हाव नसे ऐकेना व्याकूळ आर्जवाला ।।१।। लोळे कुणी मखमालीवरी वणवण, हाय! कुणा ललाटी भलीबुरी, ही जगरहाटी! कमवेना कुणी त्या गोडीला? ।।२।। भला जाणता दीन नेणता कष्ट करी अमाप जरी जैसे तैसे रहावे धरी साखरपाणी तो प्यालेला ।।३।। - संदीप चांदणे

पावसामुळे काय काय तुझी झाली ओली अर्धी साडी अन माझाही भिजला पुर्ण खांदा एकाच छत्रीमुळे झाला वांधा वरतून दणका जोरदार पावसाचा साथीला गोल गोल टपोर्या गारा भसकन शिरला त्याचवेळी छत्रीमध्ये वारा आणीक खोल फसला माझा चिखलात पाय धुमाकूळ घालून उलटे केले वार्याने छत्रीला तू ही गेली दुर निघूनी हातामध्ये दांडा आला प्रश्न: अ) सुचनेनुसार उत्तरे लिहा. १) पावसामुळे कुणावर परिणाम झाले? वाक्यात उत्तर लिहा. २) पावसामुळे कसे परिणाम झाले?

चंद्र एके तुझा चेहरा चंद्र दुणे अन डोळे दोन चंद्र त्रिक डोळ्यांतिल काजळ, भिवयांची वर चंद्रकोर चंद्र चोक वेणीत केवडा, चंद्र पाचा चपलाहार, चंद्र सक ओठावरचा तिळ, साता चंद्र हसू मधाळ निरीनिरीतुन लगबगणारी चंद्र आठा बोटे आठ खांद्यावरती पदर विसावे नव्वे चंद्र चोळीगाठ भांगेतिल कुंकू लावण्याने मुसमुसलेला चंद्रोदय गालावरच्या खळीत लाली चंद्र दाहे ज्योतिर्मय सर्वाना कोजागिरी पौर्णिमेच्या हार्दिक शुभेच्छा!

हळूच सोडतोस केस..माळतोस चांदणे... सख्या, कसे? कुठून रोज, आणतोस चांदणे? अधीर ओठ साधतात मौनही कसे तुझे? किती अरे, उरात खोल पेरतोस चांदणे! बनून स्वप्न चोरतोस झोप रोजचीच तू... विचारताच, चोर कोण? सांगतोस..चांदणे! उनाड चंद्रमा बनून हिंडतोस रात्रभर पहाट-वेळचे, टिपूर मागतोस चांदणे! नभात लक्ष तारका उधाणतात कैकदा मिठीत केवढे कसून घुसळतोस चांदणे! मधाळ चांद, वितळतो..रसाळ रात वाहते... असे कुण्या सुरांत रे! पुकारतोस चांदणे! —सत्यजित