उत्पादन परिचय : झोप येण्याकरिता चहा

मित्रहो.. अलीकडेच या अनोख्या चहाशी माझी ओळख झाली. आपल्याकरिता तिचा संक्षिप्त परिचय देवू इच्छितो. या चहाचा खरेच उपयोग होतो असे जाणवले. माझ्या पत्नीला गेल्या काही दिवसांपुर्वी झोप न येण्याचा त्रास जडला होता , इतका की तिला डॉक्टरांनी काही दिवसांकरिता झोपेच्या गोळ्या लिहून दिल्या होत्या. अशातच मला हे उत्पादन सापडले pinhealth या साईटवरुन हे मागवले. मलाही रात्री अनेकदा जाग येण्याचा त्रास अनेकदा होत असतो त्यामुळे आम्ही दोघांनी या चहाचा प्रयोग चालू केला आमची काही निरिक्षणे

• चहा घेतला की रात्री छान गाढ झोप लागते
• चहा घेतला म्हणून लगेच झोप येते असे नाही (झोपेच्या गोळ्यांप्रमाणे) तर झोपायला गेल्यावर थोड्या वेळानेच झोप लागते
• चहा पिल्यावर तरतरी येते
• चहाची चव फारशी चांगली नाही तरी सवयीने ठीक वाटू लागते.
• स्वप्न खूप पडतात
• रात्रीतून अनेकदा जाग येण्याचा त्रास खूप कमी होतो.
• सकाळी थोडा वेळ डोके किंचीत जड वाटते .. यामुळे आम्ही नंतर एक कप चहा घेण्याऐवजी एका मोठ्या मगात एकच सॅशे वापरुन जास्त चहा बनवायचा आणि दोघांनी घ्यायचा असे चालू केले
• सवय जडते असे आता तरी वाटत नाही.. म्हणजे चहा घेतला नाही तर झोप येतच नाही असं होत नाही. झालंच तर एका रात्री चहा घेतला तर पुढच्या एका रात्रीही काहीसा परिणाम जाणवतो.

तरी ज्यांना झोप न येण्याचा वा नीट /पुरेशी झोप न होण्याचा त्रास आहे त्यांनी या चहाचा प्रयोग करावा असे मी सुचवेन.. केल्यास आपले अनुभव नक्की लिहा.