Skip to main content

गाईन मीच गाणी, गर्दभ नका म्हणू...

लेखक विशाल कुलकर्णी यांनी रविवार, 22/11/2015 22:48 या दिवशी प्रकाशित केले.

जिलब्या इथे कुणाला का आवडू नये?
वादात या कुणीही सहसा पडू नये

लपला टवाळ कोठे? तू शोधशी मला...
हातात आज धोंडा या सापडू नये...

गाईन मीच गाणी, गर्दभ नका म्हणू
आधीच सांगतो मी, कोणी नडू नये

राजाच मी मनाचा, हासू नका कुणी
खरडेन लेख माझे, तेव्हा रडू नये..,

तूही जरा चरावे, मीही चरेन ना,
बेकार भांडणांनी दोघे सडू नये

नाहीस तू तरीही आहे निवांत मी,
माझ्याविना तुझेही काही अडू नये,

वागा हवे तसे रे, जखमा नका करू
वाढेल वाद, वाढो, नाते झडू नये ... 

नव-हझलकार इरसाल म्हमईकर

काव्यरस
हझल
हास्य
लेखनविषय:
वाचने 13729
प्रतिक्रिया 24

प्रतिक्रिया

मांत्रिक रविवार, 22/11/2015 22:51

हायला विश्ल्याअण्णा, तू पण विडंबने करणार? मग आमच्या राकुंनी जायचे कुठ्ठे? अस्सं नै करायचं!!!बरं का!!!

इडली डोसा रविवार, 22/11/2015 22:53

काही असो पण हा गाणारा प्रचंड प्रसिद्ध झाला आहे आणि त्याचा इथे येऊन लोकांचे लक्ष वेधुन घेण्याचा उद्देश सफल झाला आहे असे म्हणेन. बाकी काव्य अगदि प्रसंगोचित आहे? :)

अभ्या.. रविवार, 22/11/2015 23:04

च्यामारी सेल्फ नमस्कार??
आरशात बघून का?
गाईन मीच गाणी आणि करीन मीच नमस्कार झालेय काय?

विशाल कुलकर्णी सोमवार, 23/11/2015 07:47

अभ्याभौ, अरे तो नमस्कार समस्त मिपाकरांना आहे आणि कोट केलेले वाक्य ही समस्त मिपाकरांना हात जोडून केलेली विनंती आहे.

जव्हेरगंज रविवार, 22/11/2015 23:10

आर्र तिच्या, स्वतःच्या काव्याला दंडवत? असे का हो?

बाकी कविता एकदम 'हाण्ण' झाली आहे.

""""""""""""""""""""""""""""""""""""""""""""""""""""""""""""""""
निवडक
https://phuphata.blogspot.com

विशाल कुलकर्णी सोमवार, 23/11/2015 08:11

मी तरी काय वेगळे म्हणतोय गजोधरजी..?

नाहीस तू तरीही आहे निवांत मी,
माझ्याविना तुझेही काही अडू नये,

वागा हवे तसे रे, जखमा नका करू
वाढेल वाद, वाढो, नाते झडू नये ...

अत्रुप्त आत्मा सोमवार, 23/11/2015 07:55

राजाच मी मनाचा, हासू नका कुणी खरडेन लेख माझे, तेव्हा रडू नये..

अगदी अगदी...

पण त्या आत्मांध मतिमंदाला हे कळेल काय?

नाखु सोमवार, 23/11/2015 08:12

तिच्या मारी......


खरडेन लेख माझे, तेव्हा रडू नये..,

साठी एक मस्तानी (पेय) लागू आपलेकडून..