मराठी दिन

'प्रेरणा'....
गाथा - अनन्त्_यात्री

विडंबनाची 'प्रेरणा' फक्त शीर्षकावरून मिळाली आहे. संतश्रेष्ठ, क्षमाशील तुकाराम महाराजांचा, समस्त भक्तगणांचा व मिपा कविवर्यांचा क्षमाप्रार्थी आहे.

प्रेरणा...
प्रपोज डे: लघु कथा - विवेकपटाईत

(प्रपोज डे)

आंग्ल भाषेत फतवा आला
पाश्चात्त्य संस्कृतीला खड्ड्यात घाला
वालेनटाईन दिन,हग दिन म्हणून पाळा
सनातन संस्कृतीचे अधःपतन टाळा

बुचकळ्यात पडलो.......मी तर रोजच......
पण मग टिव्हीवर दाखवलं,
इंग्रज लई हुश्शार,
काऊ हग दिन पाळत्यात
आणी होणारे रोग कसे टाळत्यात

आमचे शेजारी बी लई हुश्शार,
मोक्कार रात्र झाली होती,
उद्या विचारू म्हणत घोरू लागलो
मुंगेरीलाल ची स्वप्ने बघू लागलो.....

प्रेरणा...
लिही रे कधीतरी... - प्राची अश्विनी

(पाद रे कधीतरी...)

प्रेरणा...
सुप्रसिद्ध मराठी गीत - "मालवून टाक दीप... चेतवून अंग अंग"

(कालवून टाक भात)

कालवून टाक भात चिरडून कर भंग !
राक्षसा, किती भातात कोंबला तू हात थंड !

त्या तिथे उभ्या पिंपात
घातले तू दोन्ही हस्त
हाय तू मागू नकोस एवढ्यात पिण्या भांग !

गार गार या दह्यात
घालुनी बोटे सुखात
चाटुनी करून टाक पात्र सर्व शुभ्ररंग !

भुर्र भुर्र आवाजात
ढोसला सांबार मस्त
सावकाश घे गिळून एक दोन तीन वांगं !

हे तुला कधी कळेल ?
कोण उपाशी मरेल ?
थांब, का चालू असेच माकडा तुझे हे छंद ?

प्रेरणा -
काळजाच्या या तळाशी राहशी तू - Deepak Pawar

बिल्डींगच्या या तळाशी राहशी तू
सारखा शेजारी माझ्या नांदशी तू

मागणे ते, "उसणवार देत जावे मी तुला!"
कसे सांगू? संयम जणू माझा मागशी तू

चव नाही माझ्या मीठाला सांगताना
का रे आता? जीभ वेड्या चावशी तू?

एवढा आता कसा हा बदलला तू
जाऊनी वाटे, माझ्याशी भांडशी तू!

आठवू मी का तुला? म्हणतोस आणिक
उसणवाराला तरी आता जागशी तू?