लिही रे कधीतरी...

Primary tabs

प्राची अश्विनी's picture
प्राची अश्विनी in जे न देखे रवी...
24 Jan 2023 - 11:13 am

लिही रे कधीतरी.
काहीही, अगदी काहीssही चालेल.
पत्र, कविता, दोनोळीची चिठ्ठी पण पळेल.
पण कागदावरच्या शाईला हुंगता आलं पाहिजे.
शब्दांवर बोट अस्संss फिरवता आलं पाहिजे.
मग कान्याच्या मागे खांब खांब खेळेन,
वेलांटीच्या तळ्यात डुबकी मारेन.
अनुस्वाराच्या डोक्यावर हलकी थाप..
मात्रेवर चढताना लागेल धाप..
खोडलेलं अक्षर पाहून विचारात पडेन,
काय बरं लिहाताना अडखळलं पेन?
पण "माझ्यासाठी" लिहिलंस! हे खासंखास
जणू प्रत्यक्ष भेटीचाच होईल भास.
....म्हणूनच म्हटलं, लिही की रे कधीतरी....

काहीच्या काही कवितामुक्तक

प्रतिक्रिया

चांदणे संदीप's picture

24 Jan 2023 - 11:26 am | चांदणे संदीप

कविता आवडली.

एकतरी ओळ अशी लिहावी शहाणी' हे उगीचच आठवले.

सं - दी - प

प्राची अश्विनी's picture

24 Jan 2023 - 11:31 am | प्राची अश्विनी

संदीप खरेय :)

स्वधर्म's picture

24 Jan 2023 - 12:37 pm | स्वधर्म

आवडली कविता

राजेंद्र मेहेंदळे's picture

24 Jan 2023 - 12:40 pm | राजेंद्र मेहेंदळे

खरंच!! सध्याच्या ऑनलाईन जमान्यात माणसाचा माणसाशी संबंधच संपत चालला आहे की काय असे वाटते.
पुर्वी कसे, पत्र आले की माणुसच भेटल्याचा आनंद व्हायचा. त्यामुळे कविता भावली मनाला.

प्राची अश्विनी's picture

25 Jan 2023 - 5:38 pm | प्राची अश्विनी

मनापासून धन्यवाद.

Bhakti's picture

24 Jan 2023 - 1:30 pm | Bhakti

क्या बात!सुपर्ब!

ज्ञानोबाचे पैजार's picture

24 Jan 2023 - 2:15 pm | ज्ञानोबाचे पैजार

आवडली
पैजारबुवा,

Deepak Pawar's picture

24 Jan 2023 - 2:24 pm | Deepak Pawar

आवडली कविता.

स्मिताके's picture

24 Jan 2023 - 10:11 pm | स्मिताके

खूप सुंदर.

>>खोडलेलं अक्षर पाहून विचारात पडेन,
काय बरं लिहाताना अडखळलं पेन?

हे फार आवडलं.

प्राची अश्विनी's picture

25 Jan 2023 - 5:37 pm | प्राची अश्विनी

धन्यवाद.

अत्यंत आवडले. हाताने लिहीण्याची बातच न्यारी. आता दुर्मिळ होत चालेली ही गोष्ट पुन्हा नव्याने सुरु करायला हवी.
कुणास ठाऊक, पुढे भविष्यात कधीतरी निव्वळ ते हस्तलिखित आहेत, एवढ्याच कारणाने सुद्धा फाटक्या तुटक्या कोणत्याही कागदाच्या तुकड्यांचे लिलाव 'सॉदबीज' वगैरे करतील आणि मोठमोठ्या संग्रहालयांमधे जतन करून ठेवले गेलेले ते तुकडे तेंव्हाचे लोक अश्चर्याने बघतील.
"उदाहरणार्थ त्या काळी लोक हाताने 'शाई' नामक पदार्थ वापरून लिहीत वगैरे असत ... आता कुणी विचारेल की 'शाई' म्हणजे काय, तर सध्या यावर संशोधन सुरु आहे... 'कोसला'

प्राची अश्विनी's picture

25 Jan 2023 - 5:37 pm | प्राची अश्विनी

हे आठवत नाहीये. कोसला वाचून कैक वर्षे झाली. पुन्हा वाचली पाहिजे.

कर्नलतपस्वी's picture

25 Jan 2023 - 12:16 pm | कर्नलतपस्वी

लिही की रे कधीतरी....

लिहिणाऱ्या ने लिहीत जावे
वाचकाने प्रतिसादत जावे
लिहीणे वाचणे अदान प्रदान
भावनांच्या कुस्तीचे जणू मैदान

आवडली.

आंद्रे वडापाव's picture

25 Jan 2023 - 2:24 pm | आंद्रे वडापाव

कधीतरी...

प्राची अश्विनी's picture

29 Jan 2023 - 11:12 am | प्राची अश्विनी

गुरुजींचा प्रतिसाद वाचल्यावर तुमचा प्रतिसाद समजला.

प्राची अश्विनी's picture

25 Jan 2023 - 5:39 pm | प्राची अश्विनी

सगळ्यांना धन्यवाद.

सस्नेह's picture

25 Jan 2023 - 7:27 pm | सस्नेह

हात आणि पेनने लिहिणारी मला वाटतं ही आपलीच पिढी अखेरची. पत्रं लिहिण्यातली मजा इथून पुढच्या लोकांना माहितीच नाही होणार :(

प्राची अश्विनी's picture

29 Jan 2023 - 11:16 am | प्राची अश्विनी

खरंय.
मागे Netflix वर Her नावाचा पिक्चर पाहिला होता. त्यातल्या भविष्यकाळातल्या नायकाचा पत्र लिहायचा job असतो. आजोबांना, प्रेयसीला इ. Orderप्रमाणे पत्र लिहायची.
ते आठवलं.

प्रा.डॉ.दिलीप बिरुटे's picture

26 Jan 2023 - 4:06 pm | प्रा.डॉ.दिलीप बिरुटे

''कागदावरच्या शाईला हुंगता आलं पाहिजे''

क्लास. आवडली कविता.

-दिलीप बिरुटे

श्रीगुरुजी's picture

26 Jan 2023 - 5:52 pm | श्रीगुरुजी

रे कधीतरी

श्रीगुरुजी's picture

26 Jan 2023 - 5:53 pm | श्रीगुरुजी

लिहिलं बरं "रे कधीतरी".

श्रीगुरुजी's picture

26 Jan 2023 - 5:55 pm | श्रीगुरुजी

कविता छान आहे. कोणीतरी लिहिलेले पत्र घरी येऊन ७-८ वर्षे तरी झाली असावी.

बाजीगर's picture

29 Jan 2023 - 12:01 am | बाजीगर

प्राचीताई तुमच्या कवितेत इंदिरा संत यांच्यासारखी नजाकत आणि हळूवारपणा आहे.

कृपया लिहीत रहा.
कधीतरी नाही ....नेहमीच.

प्राची अश्विनी's picture

29 Jan 2023 - 11:17 am | प्राची अश्विनी

खूप खूप धन्यवाद.

अत्रुप्त आत्मा's picture

2 Feb 2023 - 8:07 pm | अत्रुप्त आत्मा

मस्स्स्स्स्स्त!

बोलले मन .. श्ब्दान्चे धन
साठलेले अजर्व, खुले पान