मी आज केलेला व्यायाम...!!

या विषयावर धागा काढायची कल्पना भारीच आहे. आजपासून रोज (???!!!हाहाहा)जिम ला जायचं ठरवलं आहे. सध्या तरी फ्लोर एक्सारसैझ आणि ट्रेड मिल करायचं ठरवल आहे . आगे आगे देखेंगे होता है क्या.

आज लाट्स (म्हन्जे काखेचा व्यायाम का?) केले.
गेले काही दिवस उसाला आल्यापासुन व्यायाम होत आहे.
नाहीतर पुण्यात असताना मात्र रोज २.३० तास बसप्रवासाने व्यायाम शक्यच होत नाही.

मी रोज सकाळी पाच किलोमिटर ५८ मिनिटात संपवते.
आणि आठवड्यातून तिन दिवस झुंबा करते.
माझ्याकडे गिअर नसलेली सायकल आहे.पावसाळ्यात बंद केली होती. आता पुन्हा सुरु करेन.

Treadmill २० मिनिटे
Cross trainer १० मिनिटे
Climber १० मिनिटे
Cycle १० मिनिटे

एकमेकांना आपापल्या व्यायामाबद्दल माहिती देऊन प्रेरणा देत राहण्याचा हा उपक्रम उपयुक्त आहे. यासाठी मोदकचे आभार.

माझ्या बाबतीत सांगायचे तर नियमित असा साचेबद्ध व्यायाम मी करत नाही. परंतु शारीरिक हालचाल करत राहणे हे कटाक्षाने पाळतो. जसे हापिसात लिफ्टऐवजी जिन्यांचा वापर. त्यातही बहुतेक वेळा दोन पायर्‍या चढणे.

गेल्या वर्षी पासून मी फिटबीट चार्ज एचआर हा अ‍ॅक्टिव्हिटी ट्रॅकर वापरत आहे. केवळ १५-२० मिनिटे चार्जींग करण्यापुरता मी तो हातातून काढतो. या ट्रॅकरनुसार आज माझे ३३ मजले चढून झाले आहेत.

फिटबीटवर आपण इतरांना फ़्रेंड म्हणून अ‍ॅड करू शकतो. फ़्रेंड झाल्यावर एकमेकांना चॅलेंज करता येते. मिपाकरांपैकी कुणी फिटबीट वापरत असल्यास मला त्यांचे फिटबीट फ़्रेंड व्हायला आवडेल.

आज साधारण तास भर सायकलिंग केले

देश

मुळिच व्यायाम करत नाही मी :-( इछा असून सुद्धा कंटाळा करण्यामूळे व्यायाम केला जात नाही. आज इथले सगळे प्रतिसाद वाचून खरच लाज वाटली स्वतःची. पुढील प्रतिसादात नक्कीच काही प्रगती नोंदवायचा प्रयत्न करील.

अत्यंत उपयुक्त व उद्युक्त करणारा धागा काढल्याबद्दल विशेष धन्यवाद मोदक.

९.६ किमी ,१:३४ तास , वेग ६.१ किमी प्रतितास, ८२५ उष्मांक खर्च .

काल ६ किमी चाललो ( ९ मि /किमी ), ५७६ उष्मांक जाळले ,

पुढच्या आठवड्यापासून एक दिवस सायकल (२०-२५ किमी ), एक दिवस चालणे (७-८ किमी) असा प्लॅन आहे

व्यायामाचा विषय निघालाच आहे तर यु टूबची एक लिंक शेअर करतो. गुरु मान ची.
सध्या खुप ट्रेंड चाललाय यांचा. मसल बिल्डअप, फिट झोन, लीन मोड, श्रडेड, वगैरे अनेक प्रोग्राम त्याने डिझाईन केलेले आहेत. त्यासोबत डाएट प्लानही दिला आहे. शिवाय लोकांच्या मनात आहार अन व्यायामाबाबतीत असणारे मिथ, समज, गैरसमज त्याने दूर करण्याचा प्रयत्न केला आहे. काही प्रोडक्टचे रिव्ह्युही दिलेले आहेत. त्यामुळे हेल्थ बाबतीत सजग असणार्‍यांसाठी हे कदाचित फायदेशीर ठरेल
https://www.youtube.com/channel/UCGMOauU8dOd4mv2bT3Tx57w
https://www.youtube.com/user/TheBodyworkouts/playlists

माझी उंची साडे पाच फुटांच्या आतबाहेर असून महिन्यापूर्वी वजन 91 किलो होते.
थोडीअक्कल येऊन कुठल्याही प्रकारचे बाहेरचे खाणे सोडून दिले असून चहा वर्ज्य केला .
दिवसाला ५-६ लिटर पाणी, कॅलरीजचा ताळमेळ घालत आहार वगैरे सुरु आहे.
रोज जिममध्ये जाऊन वन डे वन मसल च्या धर्तीवर आठवड्यातले ६ दिवस मन लावून व्यायाम करतो.
काल वजन केले असता ते ८६ किलो भरले. ७० किलोचे टार्गेट आहे, बघूया कुठंवर होतंय

खुप छान लेख ! असे म्हणतात, "जो व्यायामाला वेळ काढत नाही तो आजारपणाला हमखास वेळ काढतो" ! व्यायाम करावा किंबहुना त्यासाठी मी आग्रही असते. माझा रोज सकाळी १ तास व्यायाम असतो. ह्यामध्ये सायकलिंग, १२ सूर्यनमस्कार, सकारात्मक लहरी वाढवणारे संगीत ऐकत योगासनांचे विविध प्रकार आवर्जून करते . रोज जिन्याचा वापर असतो . संध्याकाळी ( रोज होतेच असे नाही) बागेत आल्हाददायक वातावरणात चालणे खुप स्फुर्तीदायक ठरते. आरोग्यम् धनसंपदा !

अत्यंत उपयुक्त धागा सुरु केल्याबद्दल मोदक भाऊंना धन्यवाद

काल १६.९ किमी सायकलिंग केले आणि स्ट्रावा वरती 2 नवीन वैयक्तिक विक्रम नोंदवले.

आज ५किमी पळालो.
वेळ: २९मि. ३२से.

गेल्या चार वर्षांपासून मी नियमितपणे दररोज सकाळी ६.५ किमी चालतो. त्याआधी दररोज सकाळी मी सायकलींग करीत होतो. आता अधून मधून संध्याकाळी (वेळ मिळेल तसे) सायकलींग चालू असते.
अर्थात डॉ. श्रीहास, मोदक, मा. प्रशांत मालक, केडी इ. इ. (अजून बरीच नावे आहेत ) या सर्व सायकल वीरांच्या पुढे माझी सायकलींग किरकोळ .....
धागा एकदम मस्त ....

गेली वर्षभरापासून नियमित चालतो. कधी कधी कामामुळे खूप गॅपही पडतो. बॅडमिंटन खेळलो नाही तर सहा किलोमिटर मिनिमम चालतो. नाही तर मग चार पाच किलोमिटर चालणे आणि बॅडमिंटन असं दोन्हीही सुरु असतं. किती किलोमिटर चाललो यासाठी अँड्रॉइडसाठी असलेले माय मॅप रन नावाचे अ‍ॅप्लिकेशन वापरतो.

आमचाच चालण्याचा हायष्ट् रेकॉर्ड १०.५१. लवकरच हाही मोडून टाकेन. हाय काय आन नाय काय.

-दिलीप बिरुटे

फेसबुकवर असच एक पेज आहे.. Did you run today?
रोज व्यायाम केला तरी तिथे पोस्ट करत नाही.. कधीतरी काही खास असेल तरच पोस्ट करतो..

हा धागा नवीनच असल्याने आज तरी लिहितो..

सध्या मुंबई मॅरॅथॉनची तयारी सुरु आहे. त्यामुळे आठवड्याला ५०-६० किमी धावतो. एकदा हिल रिपीट्स, एकदा इंटरवल्स, एकदा tempo run आणि रविवारी लाँग रन असे ४ दिवस.
बाकी २ दिवस तासभर जिम. आणि शनिवारी पूर्ण विश्रांती.

या रविवारी एक हाफ आयर्न ट्रायथलॉन आहे त्यासाठीही तयारी सुरु केली होती पण खांद्याच्या दुखापतीमुळे पोहोण्यावर मर्यादा आल्याने हाफ आयर्नचे स्वप्न तूर्तास पुढे ढकलले आहे.

वय ६३ पूर्ण- रोज २४ मजले चढून जातो. १५ मिनिटे जागीचे सायकलिंग व १५ मिनिटे ब्रिस्क वॉक. इतकेच आहे. खेरीज तुरळक मनगट खांदे मान यांचे व्यायाम. मजा येते दमछ्काक नाही. पण वजन ६६ किलो वाढतही नाही कमीही होत नाही.

मला आमच्या आॅर्थो ने सांगितले की एकावेळी तिनच मजले चढावे. नै तर पुढे गुडघ्यांना त्रास होतो.नक्की काय समजावे.
चौराकाका चोवीस मजले बाब्बो. मला आठ मजले चढतांनाही दोनदा थांबावे लागते.

चांगला धागा आहे की हा!
माझं रोज 3 किमी चालणे होते तसेच दिवसातून किमान दोनदा 3 मजले चढणे उतरणे...
घरी गेल्यावर अंदाजे 30 मिनिटे व्यायाम...
व्यायाम म्हणजे 3 सेट पुश अप चे, 3 सेट स्क्वाट्स(20 च करतो शक्यतो एका सेट मध्ये ) , ट्रायसेप्स 3 सेट आणि प्लॅन्क 3 सेट (पहिले 2 सेट 1min चे होतात पण तिसरा जात नाहीये अजून!!)

काल व्यायाम करणे नाही शक्य झालं, आज घरी गेल्यावर करेनच! :)

रोज 1 तास चालते आणि 15 मिनिटे योगासने करते. गेली अनेक वर्षे. पण अलीकडे वजन वाढले आहे थोडे. त्यामुळे सायकलिंग करण्याचा विचार आहे, त्यात नेमका हा धागा आणि त्यावरील प्रतिसाद वाचले. आता तर नक्कीच सायकलिंग सुरु करणार.

माझ्यकडे प्रचंड रिकामा वेळ आणि फुकटात अ‍ॅव्हलेबल जिम, स्विमिंग पुल आणि योग/झुम्बा/पिलाटेस चे क्लास आहेत. पण मी दिवसातले ८ तास (९-५) लॅपटॉपवर टाइमपास करते.

आधी लाज वाटायची. आता त्याचीही सवय झाली.

पण मोदकने धागा काढलाय म्हणुन प्रयत्न करुन पाहु.

मला जिममध्ये मी करु शकेन असं लहानसं रुटीन कुणी सांगेल का? आणि पोहता येतं मला आता थोडं थोडं. तर कुणी कृपा करुन काही कॉम्बिनेशन सांगितलं तर जिम+पोहणे+योग असं करुन मन रमवता येईल.

ह्यात थोडं खाण्यापिण्याचंही सांगा.

१ महिना रोज पोहुन १ ग्रॅमही वजन कमी झालं नाही म्हणुन नैराश्यातुन सगळं सोडलंय मी... वजन कमी व्हायलाच पायजेल असा उपाय असेल तर सांगा..

मंडळी, आज ५.०५ किमी चाललो. वेळ एक तास लागला. चालण्याचा वेग जरा मंद होता. पर किमी १२ मिनिट लागले. ११ ते साडेअकरा मिनिट लागतात सामान्यपणे मला. १० मिनिट पर किमी यायचं आहे. आज जरा थंडी होती. उबदार रग सोडायचं जीवावर येत होतं. उद्यापासून फुल बाह्यांचा टीशर्ट आणि कानटोपी आवश्यक आहे, आज कोपरापासून हात आणि कान चांगलेच गार पडले. धन्यवाद. आपका दिन शुभ रहे.

-दिलीप बिरुटे

सांगण्यासारखं फार काही नाही. पुण्यात आज जास्त थंडी पडली होती. त्यामुळे लगेच येऊन गोधडीत दडी मारली. ;-) नंतर उठून थोडासा वॉर्मअप केला. हात, पाय, मान इ. गोष्टी हलवल्या. वर्किंग कंडिशनमध्ये आहेत हे पाहून हायसं वाटलं. उद्या दोन सूर्यनमस्कारांचं लक्ष्य आहे. मग परवापासून चार, सहा, आठ, दहा, बारा असं वाढवत नेणार. :-)

आजपण नो व्यायाम.

१२.७६ किमी चाललो , लागलेला वेळ २.०८ तास , खर्चलेले उष्मांक १०८० , वेग ६ किमी/तास ,गाळलेला घाम १.१४ लिटर .

हायला, ही सगळी अ‍ॅप कसली कंटाळवाणी आहेत. धावून,पोहून,सायकल चालवून झाल्यावर अंतर किती झाले असेल इथवर ठीक आहे. पण किती उष्मांक जळले, किती एलिव्हेशन वगैरे जरा अतिच वाटले.
त्यातून धावताना ही अ‍ॅप सारखी इतके किमी झाले, इतका एवरेज स्पीड आहे, इतके उष्मांक जळले वगैरे
पिरपिरत बसतात. धावण्याचा आनंद काय मिळणार अशाने?
एखाद्या माणसाने सुग्रास जेवण जेवण्याऐवजी तेवढ्याच एक्विव्हॅलन्ट प्रथिने, जीवनसत्वे वगैरेच्या नुसत्या गोळ्याच खाव्यात तसे वाटते.

हा धागा माय्बोलीसारखा वाहता करा

मिपा वर हे पाककृती आणि व्यायाम हे दोन्ही विभाग ताबडतोब बंद करावे असा मी प्रस्ताव मांडतो.
लोक एक तर अशा खतरनाक पाककृती टाकतात त्यामुळे आमच्या आहाराचा बोऱ्या वाजतो. (मोठ्या मुश्किलीने सुटू पाहणारे पोट इतकी वर्षे सांभाळून ठेवले आहे)
त्यातून या धाग्यावर व्यायाम करणारे नतद्रष्ट लोक मी इतका व्यायाम केला इतकी सायकल चालवली असे चढाओढीने लिहून आमच्यासारख्या आरामशीर( कोण रे तो आळशी म्हणतोय) लोकांना न्यूनगंड देत राहतात.

कालचा माझा अपर हाफचा दिवस होता जीम मध्ये. शोल्डर, बाय्सेप्स, ट्रायसेप्स, बॅक आदी कचकुन केले.
शिवाय, कोअर अ‍ॅब्स होत्याच सोबतीला.

आज लेग्स + अ‍ॅब्स.

काल बॅक आणि ट्राय सेप्स् . आज चेस्ट आणि बाय सेप्स्. सोबतीला ecliptor ३0 मिनिटे नेहमिच.
देऊ का? व्यायाम करण्याच्या आधी पाच मिनिटे मी ब्लॅक कॉफी पिते..साखर नाही. त्या कॅफिनने एक्सर्साइज़ करायला एनर्जी बूस्ट मिळतो.