जुन्या वहीची कोरी पाने
खिन्न उदासी त्यांच्यावरती
हुशार अवखळ मुले आजची
होड्या का हो बनवत नाही
अंगणातली हळवी माती
वाट पाहुनी थकून गेली
इवले इवले पाय चिमुकले
इथे कधी का धावत नाही
सडा गुलाबी गोड फळांचा
बदाम आहे उभा कधीचा
मगज आतला शुभ्र बदामी
कुणा कधी का खुणवत नाही
आंब्याची ती डहाळ वेडी
कैर्यांच्या वजनाने झुकली
तिला वाटते तुटून जावे
एकाकीपण सोसत नाही
सुट्टी येते ....
संपून जाते.....
गावाकडची जुनाट आज्जी
उगा बिचारी वाट पहाते
.....वाट पहाते....
(पहिल्या कडव्याची कल्पना एका हिंदी शेरावर आधारित.)
प्रतिक्रिया
19 Apr 2015 - 10:31 am | एस
कविता आवडली.
19 Apr 2015 - 10:32 am | ज्ञानोबाचे पैजार
आज्जीच्या नशिबी आता फक्त वाट पहाणेच उरले आहे.
पैजारबुवा,
19 Apr 2015 - 6:30 pm | बॅटमॅन
अगदी खरे. :(
19 Apr 2015 - 10:22 pm | पलाश
अलिकडे आजी व्हायचा आधीच आई असतानाच असा "जुनाट" झाल्याचा अनुभव काही प्रमाणात येतो. बहुदा जागतिकीकरणाच्या रेट्यामुळे नव्वद च्या दशकात व त्यानंतर जन्मलेल्या मुलांच्या आयांसाठी हे जग फार वेगाने बदलते आहे. जीव घाबरा होतो हे असं वाचलं पाहिलं की !!! :(
हे वास्तव आहे हे माहित आहे तरीसुद्धा स्वीकार करवत नाही. आशा सुटत नाहीच. असो. :)
19 Apr 2015 - 10:35 am | स्पंदना
मस्तच!
19 Apr 2015 - 10:47 am | स्पा
अंर्तमुख करणारी कविता,
आवडलीच
19 Apr 2015 - 11:17 am | अत्रुप्त आत्मा
अत्तीशय सुंदर..आणि आशयपूर्ण!
19 Apr 2015 - 12:40 pm | एक एकटा एकटाच
आवडली
आज्जीची आठवण झाली
आजच जाऊन आजीला भेटुन येतो
19 Apr 2015 - 1:20 pm | चुकलामाकला
"आजच जाऊन आजीला भेटुन येतो"
बरं वाटलं वाचून!
19 Apr 2015 - 1:51 pm | ज्योति अळवणी
आजच वास्तव
19 Apr 2015 - 2:21 pm | पगला गजोधर
म्हातार्या आज्जीला वाटच पाहत बसावी लागणार बहुतेक !
कारण नातवं बहुतेक उन्हाळी शिबिरात डाम्बली गेली असावीत कदाचित.
19 Apr 2015 - 4:18 pm | पलाश
सुंदर कविता!! आवडली.
19 Apr 2015 - 4:25 pm | आतिवास
आवडली कविता.
19 Apr 2015 - 5:22 pm | पैसा
कविता आवडली.
19 Apr 2015 - 5:45 pm | अजया
जीयो चुकलामाकला!सुरेख कविता!!
19 Apr 2015 - 6:43 pm | रेवती
कविता आवडली. 'वो कागज की कश्ती वो बारिश का पानी' ची आठवण झाली.
19 Apr 2015 - 8:32 pm | चिमिचांगा
आजीला सांगा घराला चकाचक रंग काढून घे. मस्त गाद्यागिर्द्या टाकून सगळ्या खोल्यांच्या लक्झरी स्वीट्स बनवून टाक. डिश टीव्ही आणि वायफाय कनेक्शन दे. मग 'ग्रँडमा'ज रिझॉर्ट' वगैरे पाटी लावून पेप्रात जाहिरात दे. पब्लिकची रीघ लागेल. अंगणात इवल्या पावलांच्या जागी दारूने जड झालेले पाय नाचायला लागतील. आंब्याच्या डाळीला झोपाळा टांगून हनिमून कपल्सची गळ्यात गळा घालून बसायची सोय करता येईल. साला आपल्या लोकान्ला बिझ्नेस सेन्स नाय.
19 Apr 2015 - 8:42 pm | प्रीत-मोहर
आवडली.
19 Apr 2015 - 10:28 pm | नेत्रेश
अशा भरपुर आज्या आजकाल खेड्यात पहायला मीळतात.
19 Apr 2015 - 10:33 pm | पियुशा
खुप आवडली
20 Apr 2015 - 9:03 am | पॉइंट ब्लँक
प्रगती प्रगती म्ह्णतात ती, हीच असावी बहुतेक.
20 Apr 2015 - 9:40 am | शैलेन्द्र
आवडली..
20 Apr 2015 - 2:46 pm | मधुरा देशपांडे
आवडली
20 Apr 2015 - 3:20 pm | किसन शिंदे
कविता मस्तच फार आवडली. ते 'डाळ'च्या ऎवजी 'डहाळं' हवेय.
20 Apr 2015 - 8:38 pm | चुकलामाकला
बरोबर,डहाळी हा शब्द हवा.
20 Apr 2015 - 3:25 pm | नाखु
आज्जी असीच असावी असे वाटते....
पण आत्ताची आज्जे होसूयामीघ+जुयेरेघा+जम नी तिलाही आठवणी पेक्षा पाठवणीत जाम रस असतो..
=====
गावाकडच्या आज्जीची साथ फकस्त २च वर्षे अनुभवलेला
जुनेर नाखु
20 Apr 2015 - 5:24 pm | किसन शिंदे
होसूयामीघ+जुयेरेघा+जम
हे काय म्हणे?
20 Apr 2015 - 8:37 pm | चुकलामाकला
हो, सगळे डोक्यावरून गेले भाऊ.
21 Apr 2015 - 4:51 pm | नाखु
सून (एक्दाची) मी या घरची
जुळून येती (कश्याला त्या) रेशीम गाठी
जयमल्हार (जीतेण्द्र-श्रीदेवी(जुनी)+जयप्रदा+रेखा+इतर त्यागी हिरवणी) यांच्या (सन १९८० ते १९९०) त्रिकोणी प्रेमकथांचा एक भक्तीपूर्ण-धार्मीक्ता मिश्रीत सुरस आणि अचाट २०१५ सालासाठी अवतार
20 Apr 2015 - 3:36 pm | गुनि
निदन आजि तरि आहे.
20 Apr 2015 - 8:28 pm | चाणक्य
आवडली कविता
21 Apr 2015 - 8:53 pm | यशोधरा
काय सुरेख कविता.. फार सुंदर.
22 Apr 2015 - 8:27 am | चुकलामाकला
सगळ्यांनाच धन्यवाद!
6 Jun 2015 - 12:58 am | B amol
सुरेख कविता
6 Jun 2015 - 3:47 am | रातराणी
छान आहे, आवडली!
7 Jun 2015 - 8:01 am | नूतन सावंत
सुरेख आहे कविता.
8 Jun 2015 - 11:20 am | चुकलामाकला
धन्यावाद!
9 Jun 2015 - 10:42 am | विशाल कुलकर्णी
मस्तच...