आधार टाळण्याचे, शोधू किती बहाणे
एकांत पाळण्याचे, शोधू किती बहाणे
शिशिरात मोग-याचा, फुलला इथे फुलोरा
गजरा न माळण्याचे, शोधू किती बहाणे
ती भेट त्या दिसांची, रात्रीस ओढ देते
विरहास भाळण्याचे, शोधू किती बहाणे
देहात जागणा-या, वणव्यात आग आहे
इच्छांस जाळण्याचे, शोधू किती बहाणे
ही ओल पावसाची, स्वप्नास स्पर्शणारी
नक्षत्र गाळण्याचे, शोधू किती बहाणे
आशा जरी न होती, ना नांदते निराशा
आनंद चाळण्याचे, शोधू किती बहाणे
संध्या
२९.१२.२०१२
प्रतिक्रिया
29 Nov 2012 - 11:16 pm | अविनाशकुलकर्णी
छान कविता ..आवडलि
29 Nov 2012 - 11:23 pm | लीलाधर
अप्रतिम
साद घातली कवीने त्याला प्रतिसाद देण्यासाठी शोधु किती बहाणे !
29 Nov 2012 - 11:24 pm | अत्रुप्त आत्मा
सुप्पर लाइक.... :-)
अवांतर- (चाल दिलेली ती हीच रचना ना?.. )
29 Nov 2012 - 11:27 pm | सांजसंध्या
अआ
नाही नाही. ती जुनीच आहे. ही इतक्यातच सुचली. वृत्त सेम असल्याने वाटत असेल. :)
सर्वांचे आभार.
30 Nov 2012 - 11:55 am | प्रचेतस
कविता आवडली.
ती चाल दिलेली रचना पण येऊ देत.
30 Nov 2012 - 1:39 am | बहुगुणी
आधीची सुरांत बांधलेली गझल कोणती ते माहीत नाही, पण हीदेखील गेय आहे, शब्दरचना आवडलीच.
30 Nov 2012 - 1:46 am | जेनी...
मस्तच्गं ! :)
30 Nov 2012 - 9:38 am | ज्ञानराम
अप्रतिम
30 Nov 2012 - 10:57 am | मदनबाण
सुंदर ! :)
30 Nov 2012 - 11:54 am | सूड
छान !! असं काही काव्य विभागात पाह्यलं की बरं वाटतं. नाहीतर बेचव जिलब्या पडतच असतात रोज.
30 Nov 2012 - 11:57 am | प्रचेतस
मग तुम्ही पाडा की कायतरी चवदार.
30 Nov 2012 - 12:01 pm | सुहास..
खतरनाक कच्चा माल आहे कविता, हात शिवशिव करत आहेत पण आवरते घेतो ;)
30 Nov 2012 - 7:17 pm | सांजसंध्या
विडंबनासाठी ना ? नेकी और पूछ पूछ :)
30 Nov 2012 - 12:10 pm | स्पा
सुरेख गुम्फ्लीये गझल
30 Nov 2012 - 7:17 pm | सांजसंध्या
सर्वांचे मनापासून आभार.
30 Nov 2012 - 9:59 pm | प्यारे१
काहीतरी छान छान आहे खरंतर पण मला काही अर्थबोध होईना...(कोण रे तो दगड म्हणतोय?)
हे म्हणजे फुल्टु चानस आहे पण मी लांब लांब पळत आहे असं काहीसं आहे का???? का उलटं काही आहे???
कुणीतरी ज्येष्ठ उचकटून सांगेल काय?
30 Nov 2012 - 10:08 pm | पैसा
कवितेमधे धडा कुठून आला हा? :D
असो. कविता छान आहे!
30 Nov 2012 - 10:11 pm | प्यारे१
तुला ग-धडा म्हणायचंय का पैसा 'ताई'???
:)
30 Nov 2012 - 10:17 pm | पैसा
मी ताई का? म्हणजे काही बोलायची सोयच नाही! तरी ते बाकी सगळं सिंहगड रोड-धायरी-चिंचवड साहित्य संघवाले म्हणतीलच! काळजी नको.
1 Dec 2012 - 8:30 am | ५० फक्त
आणि धडा म्हणले की प्रश्न पण आले, हल्ली आम्ही विडंबकसंघाचा राजीनामा देउन नवनितपेक्षित्संघ पकडलेला आहे.
2 Dec 2012 - 12:56 am | मोदक
ओ ताई... सिंहगड रोड-धायरी-चिंचवड साहित्य संघवाले दिसेल त्या कवितेचे विडंबन पाडत नाहीत बर्र का!
तस्मात् आमच्या संघाला उगाच आव्हान देवू नये, नतीजा तुम्ही पाहिला आहेच. कळ्ळे? ;-)
1 Dec 2012 - 8:22 am | चौकटराजा
एक मन निराशेने व्याप्त आहे.आशादायी काही घडत असतानाही त्या मनाची ओढ मात्र भलतीकडेच आहे. पण.... अखेर त्याचे त्यालाच उमगते की सगळेच काही बिघडलेले नाही.
संध्येस सांगतो मी, येईल पुन्हा प्रकाश
अंधार टाळण्याचे शोधू किती बहाणे
गजल पुषकळ्शी जमलीय ! सुप्पर डुप्पर लाईक !
1 Dec 2012 - 8:25 am | किसन शिंदे
आवडली.
1 Dec 2012 - 10:10 am | जयवी
छान :)
5 Dec 2012 - 3:43 pm | सुधीर
कविता आवडली.
5 Dec 2012 - 4:04 pm | चाणक्य
आवडली.
5 Dec 2012 - 4:13 pm | बॅटमॅन
उत्तम वृत्तबद्ध रचना. आशयाबरोबरच फॉर्मदेखील मस्त जमलाय.
5 Dec 2012 - 5:21 pm | मीनल
खूप आवडली. तूमचा ब्लॉग आहे का? तूमचे अजून लेखन वाचायला आवडेल.
5 Dec 2012 - 5:23 pm | हारुन शेख
गजल हा तुमचा Forte दिसतोय. मस्त गजल लिहिता तुम्ही.
7 Dec 2012 - 1:48 pm | सांजसंध्या
सर्वांचे आभार. मीनल थँक्स. लिंक देईन मी :)
14 Mar 2015 - 9:25 pm | एक एकटा एकटाच
आवडली