एक सुंदर अरबी गाणे : यावर मराठी काव्य रचा...

लगेचच कविता स्फुरेल असे नाही पण
"बुगडी माझी सांडली ग! "

हे गाणे अगदी फिट्ट बसेल.

हे इजिप्तशियन गाणे असावे. चित्र फितीत जो फळे विकणारा आहे तो हातगाडीच्या ठेल्यावर स्ट्रॉबेरीज विकताना दिसतो आहे. असे चित्र इजिप्त मधे दिसते. तिथे स्ट्रॉबेरीज भयंकर स्वत आहेत.
अरबस्थानातील बहुतेक गायिका, नट्या ह्या इजिप्तशियन आहेत त्यानेही माझ्या दाव्याला दुजोरा मिळतो.

गाणं तसंच व्हिडिओ दोन्ही आवडले. धन्यवाद!

मराठी स्वैर रुपांतराचा हा प्रयत्न - छंदात वगैरे काव्य बसवण्याच्या फंदात पडलेलो नाही, अर्थ कळाला की इथले काही कवि त्याला छंद-रूप देतील अशी अपेक्षा आहे.

शब्दांबरोबर व्हिडीओ इथेच दिसावा म्हणून खाली देतो आहे:

तो शेजारी तरूण,
न कळे काय करावं तयाला
शीळ घाली साद घालून,
जिथे-तिथे दिसे मला

मी त्याच्या प्रेमात, हे त्याला आहे ठावे
दिवसभर उभा राही, न्याहाळत मला
झाले काय मला, त्याने असे का करावे
कसली ही काळजी नसती मनाला

नेहेमीच बाबा मला रोखून तो पाही
लाज वाटे मला, माझ्या डोळ्यांत डोकावे
कशावर आता माझा ताबाच नाही
प्रेमात झुरावे आणि जागत रहावे

त्याच्या प्रेमात दिवाणी
विसरले दिन रात
जणू झाले विरहिणी
कशी आग ही उरात

माझं हृदयही त्याचं, मी झाले त्याची प्रीती
खोडकर नजरेनं केलं घायाळ जीवाला
'पुरे आता खोड्या', लोक तयाला सांगती,
'असं सज्जात ठाकुनी, का छळशी पोरीला?'

नॅन्सीची गाणी मस्तच असतात... :)
या गायीका दिसयलाही गोड असतात ! ;)

(हायफाच्या गाण्यांचा चाहता) ;)

गाण्या फिण्यातले काही कळत नाही, पण बै आवडली.

आता राहवत नाही म्हणुन मला आवडणारे नॅन्सी चे दोन आणि हायफाचा एक इडियो इथे देत आहे. ;)

बहुगुणी अन चित्रगुप्तांच्या गाण्याच्या मागची कल्पना निराळी आहे.
@ चित्रगुप्त: "पैजार" म्हणजे पायातल्या चपला ना? की तुम्हाला पैंजण अभिप्रेत आहे?

हिचे मला हे गाणे आवडते.
अवांतर
पेठेकर काका म्हणतात त्याप्रमाणे इजिप्तचे सिनेसृष्टी ही अरब जगतातील विकसित झालेली असल्याने त्यांचे सिनेमे अखिल अरब जगतात पहिले जातात.
ह्यामुळे संपूर्ण अरब जगतात इजिप्तशियन अरबी उच्चार सर्वांना कळतात. एरवी आफ्रिका आणि मिडिल इस्ट मधील अरबी भाषेच्या उच्चारात कमालीचा फरक आहे.
ही लोक आणि लेबेनॉन आणि सिरीया शिक्षणाच्या बाबतीत अरब जगतात वासरात लगडी .........

अनाथालयाचे आहो आम्ही कार्यकर्ते,
मदती साठी मी घरोघर फिरते,
अनुभव माझे मी तुम्हाला सांगते,
जग फार सुंदर असते, जग फार सुंदर असते

कधी कधी गोड सानुले येतात,
पाहुन गाली खुदकन हसतात,
जाताजाता हाती फुलेही देतात,
मदतही करु असे वचन देतात,

हे सगळे किती छान असते,
जग फार सुंदर असते, जग फार सुंदर असते

वाटेत जाताना एक काका दिसतात,
काहीतरी प्रेमाने हातात देतात ,
पैसे नको असे लाजुन म्हणतात,
देव भले करो असे म्हणत जातात ,

हे सगळे किती छान असते,
जग फार सुंदर असते, जग फार सुंदर असते

अजीबाई तर रोज वाट बघतात,
मुलांसाठी काही खायला देतात,
भरभरुन मला दुवा त्या देतात,
उद्या जास्त देईन असे रोज म्हणतात,

हे सगळे किती छान असते,
जग फार सुंदर असते, जग फार सुंदर असते

एके दिवशी मला भेटला तरुण,
सांगे तुझसम होती माझीही बहीण,
रोज मनी असे त्याच्या तीची आठवण,
दाखवीले मला तिच्या पायीचे पैंजण,

जग किती प्रेमळ असते, जग किती दयाळु असते,
हे सगळे किती छान असते,
जग फारच सुंदर असते, जग फारच सुंदर असते