gazal

मांडतो आहे नव्याने...

सत्यजित...'s picture
सत्यजित... in जे न देखे रवी...
16 Aug 2017 - 5:39 pm

चाललो शहराकडे मी..गाव सांभाळून घे
मांडतो आहे नव्याने..डाव सांभाळून घे!

सवय झाली एकदा की क्षीण होते वेदना
लागतो जो जो जिव्हारी..घाव सांभाळून घे!

कवितागझलgajhalgazalमराठी गझल

भरवू नकात आता...

सत्यजित...'s picture
सत्यजित... in जे न देखे रवी...
1 Aug 2017 - 4:42 pm

भरवू नकात आता बाजार आरश्यांचा
येथे कुणी न उरला खरिदार आरश्यांचा!

अाजन्म राहिलो मी वस्तीत आंधळ्यांच्या
केला कसा न जाणे,व्यापार आरश्यांचा!

कवितागझलgajhalgazalमराठी गझल

फुंकिले मी प्राण माझे...

सत्यजित...'s picture
सत्यजित... in जे न देखे रवी...
25 Jul 2017 - 1:15 am

फुंकिले मी प्राण माझे,बासुरीचा सूर झाले
गायचे तू टाळलेले..गीत मग मशहूर झाले!

हे बरे झाले खरे तर..मी तुला मंजूर नव्हते
जाहले नाही तुझी पण,या जगा मंजूर झाले!

चालले होते कुठे मी? मज कुठे रस्ते कळाले?
पाय जेथे थांबले ते,गाव ही निष्ठूर झाले!

सांगतो आहेस आता,खूण माझ्या आठवांची
पास मी होते तुझ्या तर,कोण होते दूर झाले!

काजवे घेवून हाती,शोध माझ्या सावल्या तू
घेवुनी हाती उन्हे मी,चांदण्याचा धूर झाले!

जीवना बघ..मी तुझाही,साजरा मधुमास केला
तू विखारी दंश करता,अमृताचा पूर झाले!

—सत्यजित

कवितागझलgajhalgazalमराठी गझल

कधी मध्यम,कधी पंचम...

सत्यजित...'s picture
सत्यजित... in जे न देखे रवी...
21 Jul 2017 - 8:30 pm

कधी मध्यम कधी पंचम,सुरांचा साज अलबेला
किती समतोल आहे हा,तुझा अंदाज अलबेला!

मनाचा वेगही अाता अनावर वाढला आहे
मला हाकारतो आहे तुझा आवाज अलबेला!

असे भरतेस काजळ तू तुझ्या डोळ्यांत बंगाली
निशाणा बांधतो कोणी निशाणेबाज अलबेला!

कवितागझलgajhalgazalमराठी गझल

...नवल!

सत्यजित...'s picture
सत्यजित... in जे न देखे रवी...
16 Jul 2017 - 4:33 pm

नजर टाळणे..पण पहाणे..नवल!
तुझे लाजणे अन् बहाणे..नवल!

मला जाग आली सुगंधी किती!
तुझे अत्तराचे नहाणे...नवल!

जुनी वाट हरवून गेली तरी
तुझे रोज येणे नि जाणे..नवल!

कवितागझलgajhalgazalमराठी गझलरतीबाच्या कविता

झाली...पहाट झाली!

सत्यजित...'s picture
सत्यजित... in जे न देखे रवी...
9 Jul 2017 - 5:46 am

रानात पाखरांची..चर्चा अफाट झाली
उगवेन सूर्य आता ही रात्र दाट झाली!

फांदीवरुन कानी येतात सूर काही
मी ऐकतो भुपाळी जी चिवचिवाट झाली!

गेला चुकून ताफा येथून राजशाही
इतक्यात राजरस्ता ही पायवाट झाली!

कवितागझलgajhalgazalमराठी गझलरतीबाच्या कविता

ये,बैस ना जराशी...

सत्यजित...'s picture
सत्यजित... in जे न देखे रवी...
7 Jul 2017 - 10:18 am

ये,बैस ना जराशी,कर बात चांदण्याची
दररोज येत नाही ही रात चांदण्याची!

हिणवून काल मजला,गेलाय चंद्र रात्री
दे दाखवून त्याच्या औकात चांदण्याची!

कळतेय ना मलाही,होतो उशीर आहे
कवळून जा उराशी तादात चांदण्याची!

येतेस तू अताशा,स्वप्नात रोज माझ्या
स्वप्नांत भेट होते साक्षात चांदण्याची!

स्वप्नांत चांदण्याच्या,गेल्या कितीक राती
घेवून रात ये तू दारात चांदण्याची!

आलीस ना छतावर झटकून केस ओले?
शहरात होत आहे बरसात चांदण्याची!

—सत्यजित

कवितागझलgajhalgazalमराठी गझलरतीबाच्या कविताशृंगार

अन् फुलांचे देह ओले पेटवावे तू!

सत्यजित...'s picture
सत्यजित... in जे न देखे रवी...
3 Jul 2017 - 12:17 am

बागडावे वाटले की बागडावे तू...
मी फुलांना पाहिले की आठवावे तू!

मी पिसे पिंजून माझी बांधले घरटे
पाखरा,अलवार या घरट्यात यावे तू!

कवितागझलgajhalgazalमराठी गझलशृंगार

ती उत्तर मागत नाही...

सत्यजित...'s picture
सत्यजित... in जे न देखे रवी...
29 Jun 2017 - 4:00 pm

निखळून स्वप्न एखादे गालावर येते तेंव्हा
मी नाव टाळतो ज्याचे,ओठावर येते तेंव्हा!

मी वादळातही करतो,मौजे मौजेची स्वारी
ओढाळ नाव भरकटते,काठावर येते तेंव्हा!

कवितागझलgajhalgazalमराठी गझल

घराला मनांचा उबारा करु!

सत्यजित...'s picture
सत्यजित... in जे न देखे रवी...
27 Jun 2017 - 6:48 am

नको तेच ते तू दुबारा करु
हवा देउनी मज निखारा करु!

भिजू दे मला तू मिठीशी तुझ्या
पुन्हा पावसाला इशारा करु!

नको मोकळे केस झटकून तू
इथे चांदण्याचा पसारा करु!

कवितागझलgajhalgazalमराठी गझलशृंगार