झाला तो सत्वर, मॅनेजर!

चतुरंग's picture
चतुरंग in जे न देखे रवी...
15 May 2009 - 8:33 pm

एकतर दुपारच्या जेवणानंतर लगेच असलेली मीटिंग मला अजिबात आवडत नाही! त्यात भर दुपारच्या मीटिंग दरम्यान आपण प्रयत्नांची पराकाष्ठा करुन झोप टाळायची आणि समोर सुखेनैव सुस्तावलेले काही डोलकर प्राणी बघितले की आपण जाणीवपूर्वक डोळे उघडे ठेऊन का बसलो आहोत ह्याचा सात्विक संताप येतो! X(
पूर्वी जात्यावर जशा बायकांना ओव्या स्फुरायच्या ना तव्दतच अशाच एका मीटिंगच्या दळणादरम्यान स्फुरलेल्या ओव्या! ;)
(ओव्यांच्याच चालीवर म्हणून बघा! )

कलत्या दुपारी, टेबलाच्या तीरी
पेंगतो मुरारी, मंद पहा..

टकल्या बेरका, उनाड वाळका
सारे एकमेका, टाळी देती..

'पॉईंट पॉवर', सरे भराभर
पहा रे समोर, कशासाठी?..

सावरीत 'कुंभ', उभा जणू खांब
बोले पहा शुंभ, भडाभडा..

झोपेतच दंग, डोलते सर्वांग
असंगाशी संग, का रे करा..

घोरतो हा बाबा, अवघड सभा
साहेबाच्या बोंबा, हापिसात..

मिटले नयन, घडले शयन
होणार शासन, काय आता?..

अहो चमत्कार, की हा अनाचार?
झाला तो सत्वर, मॅनेजर!..

वशिल्याचा सूर, 'रंगा' म्हणे दूर
गाजे भरपूर, जिथेतिथे..

चतुरंग

कविताविनोदप्रतिभा

प्रतिक्रिया

सर्वसाक्षी's picture

15 May 2009 - 8:55 pm | सर्वसाक्षी

एकदम झकास! सुरेख पकडलाय वास्तव

श्रावण मोडक's picture

15 May 2009 - 8:58 pm | श्रावण मोडक

नेमकी आणि मिटिंगवरच लिहिणाऱ्या सर्वसाक्षींचीच पहिली प्रतिक्रिया यावी हा विलक्षण मामला.

सँडी's picture

15 May 2009 - 9:09 pm | सँडी

हाहाहा!
मस्त! माझ्यासाठी मिटींग मिटींग म्हणजे ऐकत असल्यासारखं करत खाणं, पिणं आणि वेळ मिळालाच तर मस्त डुलकी...एकाचवेळी इतक्या गोष्टि म्हणजे त्रासच! ;)

३_१४ विक्षिप्त अदिती's picture

15 May 2009 - 10:07 pm | ३_१४ विक्षिप्त अदिती

हेच वर्णन दुपारी असलेल्या टॉक्स आणि सेमिनार्सनाही लागू पडतं! चांगला वक्ता कसा ओळखावा: त्याच्या टॉकात झोप नाही आली तर वक्ता चांगला.

ओव्या आवडल्याच!

प्रमोद देव's picture

15 May 2009 - 10:15 pm | प्रमोद देव

प्राजुच्या 'कृष्णमयी' ला मी चाल लावलेय. त्या चालीवर ही कविता मस्त जमतेय.
त्या कवितेचं हे विडंबन तर नव्हे ना रंगराव. :)

हाती नाही येणे,हाती नाही जाणे,हसत जगावे,हसत मरावे, हे तर माझे गाणे!

चतुरंग's picture

15 May 2009 - 10:23 pm | चतुरंग

मागे ज्यावेळी प्राजूची कविता आली त्यावेळी विडंबन करायचे डोक्यात होते म्हणून काही ओळी करुन ठेवलेल्या. नंतर ते मागे पडले, सगळे संदर्भही विसरलो.
मग पुन्हा ह्या मीटिंगच्या नाटकाने वेगळ्याच विषयाने उचल खाल्ली आणि कच्च्या मसुद्यात हा खर्डा सापडला. त्याबरोबर ओव्या पूर्ण केल्या आणि टाकल्या.
जुना संदर्भ दिल्याबद्दल धन्यवाद प्रमोदकाका! :)

चतुरंग

मीनल's picture

15 May 2009 - 10:37 pm | मीनल

ओव्यांच्याच चालीवर म्हणून बघितली.
जमली की मस्त!
मीनल.

टिउ's picture

15 May 2009 - 10:42 pm | टिउ

मी तर शक्य असेल तेव्हा तेव्हा टेलीकॉन्फरंस करतो...फार नाईलाज झाला तरच प्रत्यक्ष मिटींगला जातो.

बेसनलाडू's picture

15 May 2009 - 11:21 pm | बेसनलाडू

(कर्मचारी)बेसनलाडू

राघव's picture

15 May 2009 - 11:28 pm | राघव

मस्त जमलेय!!

राघव

यशोधरा's picture

16 May 2009 - 12:09 am | यशोधरा

मस्त जमलेय!

ब्रिटिश टिंग्या's picture

16 May 2009 - 12:36 am | ब्रिटिश टिंग्या

मस्त जमलेय!

- (नवनिर्वाचित म्यानेजर) टिंग्या

बिपिन कार्यकर्ते's picture

16 May 2009 - 12:40 am | बिपिन कार्यकर्ते

ओ रंगासाहेब, एक लंबर जमलंय हो... मिटिंगांचं वास्तव एकदम सह्ही पकडलंय... मला तर मिटिंग सकाळ, दुपार, संध्याकाळ, रात्र कधीही असली तरी झोप येऊ शकतो...

बिपिन कार्यकर्ते

धनंजय's picture

16 May 2009 - 2:29 am | धनंजय

मजा आहे.

अवलिया's picture

16 May 2009 - 6:25 am | अवलिया

झक्कास !

:)

--अवलिया

प्राजु's picture

16 May 2009 - 9:23 am | प्राजु

मस्तच जमली आहे.
वाचताना , कुठेतरी वाचली आहे असं वाटत होतं . प्रमोदकाकांच्या आणि तुमच्या प्रतिसादावरून लक्षात आलं सगळं..
आवडलं विडंबन्/कविता.. :)
- (सर्वव्यापी)प्राजु
http://praaju.blogspot.com/

परिकथेतील राजकुमार's picture

16 May 2009 - 11:48 am | परिकथेतील राजकुमार

हे हे हे
यक नंबर !

अवांतर :- 'अत्यंत प्रभावी कविता, वाचता वाचता झोप यायला लागली' असे लिहिले तर मार बसेल काय ?

झोपाळु
©º°¨¨°º© परा ©º°¨¨°º©
फिटावीत जरा तरी जगण्याची देणी, एक तरी ओळ अशी लिहावी शहाणी...
आमचे राज्य

विसोबा खेचर's picture

17 May 2009 - 12:01 am | विसोबा खेचर

वशिल्याचा सूर, 'रंगा' म्हणे दूर
गाजे भरपूर, जिथेतिथे..

वा रंगा..!

तात्या.

स्वाती दिनेश's picture

17 May 2009 - 1:29 pm | स्वाती दिनेश

ओव्या आवडल्या,वास्तव एकदम नेमक्या शब्दात चपखल मांडलं आहे,
स्वाती

प्रा.डॉ.दिलीप बिरुटे's picture

17 May 2009 - 1:33 pm | प्रा.डॉ.दिलीप बिरुटे

कलत्या दुपारी, टेबलाच्या तीरी
पेंगतो मुरारी, मंद पहा..

खी खी खी !!!

टकल्या बेरका, उनाड वाळका
सारे एकमेका, टाळी देती..

लै भारी !

स्वगत: हा कवी लैच चाप्टर दिसतो ! काय बारकावे हेरत असतो.

-दिलीप बिरुटे

जयवी's picture

17 May 2009 - 2:52 pm | जयवी

सही !!

क्रान्ति's picture

18 May 2009 - 9:52 pm | क्रान्ति

(|: =)) =)) क्रान्ति
***मन मृदु नवनीत | मन अभेद्य कातळ
मन भरली घागर | मन रिकामी ओंजळ***

केशवसुमार's picture

18 May 2009 - 9:55 pm | केशवसुमार

रंगाशेठ,
ही कविता कशी काय सुटली आमच्या नजरेतून..
उत्तम चलु आहे चालू दे..
(बहुतेक तुमच्या सारख्याच मी पेंगा काढत असणार)
(डुलक्या)केशवसुमार