आमची प्रेरणा 'ठेव दरवाजा खुला...' ही भूषण कटककर यांची सुंदर गजल!

जाहले आहे कठिण, मी भेटणे म्हणजे तुला
बेरकी बापुस कधीचा शोधतो आहे मुला!

मी सदा वाईट ठरतो, चांगला ठरतो कधी?
बंधुराजे गाठ पडता, ठणकतो माझा कुला

दूरदर्शन व्हायचे मज तेवढी होती मुभा
हलवताना हात दिसली दूरच्या कोणा मुला

रोजचा हा सीन, देते पोरगी हुलकावणी
मारते फाट्यावरी पण मारते तोवर डुला!

छापकाटा चालला आहे नशीबाचा असा
वाट का मी बघत राही रातचा लकडी पुला!

रोज काटे टोचती जे आज देखिल टोचले
का पुन्हा मी हासलो पण आज दिसलेल्या फुला

हाय! ह्या गजलेवरी, वदलाच 'रंग्या' शेवटी
पाडण्या वीडंबना मज ठेव दरवाजा खुला!

चतुरंग