'ती' एक बातमी!!

निनाव's picture
निनाव in जे न देखे रवी...
2 Jul 2013 - 1:59 am

सांज होता
वाट आंधळी
जनावरांची काया
भयाण करणारी

मात्र ,
जंगल म्हण्जे जनावरेच
नि शहर असायला माणसेच
असा काही नियम नाही

रक्त वाहिले का
कुणी पाहिले का
खोल किती जखमा
चौकशी चा चष्मा

घातले लोखंडी सळे
वय होते खुळे
सगळे मात्र कळे
तरी
निरपराध मी

रोज रोज तेच
रस्ते वेगळे नावे वेगळी
भुकेल्यांची ताटे भरली
उद्वेगांची गर्दी
निराशेत सरली

वेशी वर लखतरे
मोकाट जनावरे
लपलेली 'समोर'
मात्र 'न' दिसणारी

रडणारी ओरडणारी
सोसून छळ
प्राण सोडणारी
निष्पाप… निरागस
लक्ष वेधणारी
निर्लज्जांचे , बाधिरांचे,

पुन्हा एक बातमी
उद्या च्या अंकात
सांडलेल्या स्याहीनं
ओरबाडलेल्या कागदावर
लिहिणारी…

सांज होता
वाट आंधळी
जनावरांची काया
भयाण करणारी

करुणकविता

प्रतिक्रिया

मिसळलेला काव्यप्रेमी's picture

2 Jul 2013 - 3:32 am | मिसळलेला काव्यप्रेमी

भन्नाट... सिंपली भन्नाट!!!

:(
अप्रतिम लिहितायत. शुभेच्छा.

स्पंदना's picture

3 Jul 2013 - 5:18 am | स्पंदना

घातले लोखंडी सळे
वय होते खुळे
सगळे मात्र कळे
तरी
निरपराध मी

चर्र्र्र्र्र्र्र्र्र्र्र्र्र!!!

यशोधरा's picture

3 Jul 2013 - 5:21 am | यशोधरा

:(

बहुगुणी's picture

3 Jul 2013 - 9:14 am | बहुगुणी

आतपर्यंत हलवून नि:शब्द करणारी कविता....

Bhagwanta Wayal's picture

6 Jul 2013 - 1:30 pm | Bhagwanta Wayal

रडणारी ओरडणारी
सोसून छळ
प्राण सोडणारी
निष्पाप… निरागस
लक्ष वेधणारी
निर्लज्जांचे , बाधिरांचे,
खुपच छान...!

इन्दुसुता's picture

9 Jul 2013 - 2:08 am | इन्दुसुता

मात्र ,
जंगल म्हण्जे जनावरेच
नि शहर असायला माणसेच
असा काही नियम नाही

करेक्ट !!!!

मोकाट जनावरे
लपलेली 'समोर'
मात्र 'न' दिसणारी

परत, करेक्ट......
बहुगुणींप्रमाणेच म्हणते "आतपर्यंत हलवून नि:शब्द करणारी कविता.... "