प्रेमाचं गणित

अॅस्ट्रोनाट विनय's picture
अॅस्ट्रोनाट विनय in जे न देखे रवी...
10 May 2017 - 6:12 pm

तुझं शंकुसारखं धारदार नाक
शुभ्रवर्णी दंतमाला
अन हसल्यावर उमटणारा
गालावरचा पॅराबोला

इंटिग्रेशनच्या चिन्हासारखे तुझे
लिमिटबद्ध लांबसडक केस
डोळ्यांमधले कूटप्रश्न अन
देहबोलीचे अॅनालॉग संदेश

तू मॉडमध्ये टाकल्यासारखी
नेहमी पॉझिटिव्ह असायची
अपुर्णांक होतो मी
वजाबाकीच फक्त जमायची

तू आयुष्यात आलीस अन मला
शुन्याचा शोध लागला
जगण्याचा भाव माझा
दसपटींनी वाढला

माझ्या खिशातल्या पाकिटाचं
व्हॉल्यूम तू कधी पाहिलं नाहीस
तुझ्या नातेवाईकांच्या स्वभावाचं
घनफळ मी मोजलं नाही

माझे प्रश्नचिन्ह तू वाचलेस
तुझे स्वल्पविराम मी वेचत गेलो
वेगवेगळी समिकरणं होतो आधी
एकत्र आलो अन सुटत गेलो

------------------------------------------

मुक्त कविताकविताप्रेमकाव्य

प्रतिक्रिया

टवाळ कार्टा's picture

11 May 2017 - 12:33 pm | टवाळ कार्टा

भारी

पैसा's picture

11 May 2017 - 12:42 pm | पैसा

एकदम wow कविता!!

प्राची अश्विनी's picture

11 May 2017 - 12:45 pm | प्राची अश्विनी

मस्त!

आषाढ_दर्द_गाणे's picture

12 May 2017 - 3:56 am | आषाढ_दर्द_गाणे

कविता छान!

माझे प्रश्नचिन्ह तू वाचलेस
तुझे स्वल्पविराम मी वेचत गेलो
वेगवेगळी समिकरणं होतो आधी
एकत्र आलो अन सुटत गेलो

हे कुठल्या संगणकीय भाषेसंदर्भात आहे का?
:)

ज्योति अळवणी's picture

16 May 2017 - 9:08 am | ज्योति अळवणी

तू आयुष्यात आलीस अन मला
शुन्याचा शोध लागला
जगण्याचा भाव माझा
दसपटींनी वाढला

मस्त आवडलं खूप हे कडवं