साहित्य पापलेटचे कालवण:
पापलेट साफ करुन त्याचे तुकडे करुन घ्यावे. तुकड्यांना किंचित हळद, मीठ व लिंबाचा रस लावून ठेवावे.
१ छोटी वाटी ओले खोबरे + मुठभर कोथिंबीर + ३-४ लसुण पाकळ्या + ३-४ हिरव्या मिरच्या + १/२ टीस्पून हळद सर्व एकत्र वाटून घेणे.
१ छोटा कांदा बारीक चिरून
चिंचेचा कोळ (आवडीप्रमाणे कमी-जास्त घालणे)
२-१/२ टीस्पून लाल तिखट (आवडीप्रमाणे कमी-जास्त)
१ टीस्पून हळद
१-१/२ टीस्पून धणेपूड
मीठ चवीनुसार
पाकृ:
एका भांड्यात तेल गरम करुन त्यात चिरलेला कांदा गुलाबी रंगावर परतून घ्यावा.
त्यात खोबर्‍याचे वाटण घालून चांगले परतावे.
वाटणात लाल -तिखट, हळद, धणेपूड व चवीनुसार मीठ घालावे व चांगले एकत्र करावे.
त्यात आवश्यकतेनुसार पाणी घालावे व उकळी आणावी.
उकळी आली की गॅस मंद करून त्यात आवडीप्रमाणे चिंचेचा कोळ घालावा.
पुन्हा उकळी आली की त्यात पापलेटचे तुकडे सोडावे व शिजवावे. मासे लवकर शिजतात.
तयार कालवण वाफाळत्या भाताबरोबर सर्व्ह करणे :)
साहित्य ग्रील्ड पापलेट:
पापलेट साफ करावे, त्यावर चिरा पाडून घ्याव्या दोन्ही बाजूने व किंचित हळद, मीठ व लिंबाचा रस लावून ठेवावे.
थोडी कोथिंबीर + थोडी पुदीन्याची पाने + १-२ हिरव्या मिरच्या + २-३ लसुण पाकळ्या + १ इंच आल्याचे तुकडे + लिंबाचा रस एकत्र करून वाटून घ्यावे.
पाकृ:
पापलेटला तयार केलेली चटणी दोन्ही भाजूने नीट लावून घ्यावी. चिरांमधे ही नीट चटणी चोळावी.
मॅरीनेट केलेल्या पापलेटवर १ चमचा तेल/बटर सोडावे व ग्रील रॅकवर ठेवून प्री-हीट केलेल्या ओव्हनमध्ये २०० डीग्री वर ८ मिनिटे ठेवावे. मग बाजु उलटवून पुन्हा ८ मिनिटे ठेवावे.
तयार ग्रील्ड पापलेट सॅलॅड व कांद्याबरोबर सर्व्ह करा :)
प्रतिक्रिया
18 Jan 2012 - 5:59 pm | सुहास झेले
अफलातून... !!
दोन्ही पाककृती नेहमीप्रमाणे बेष्ट आणि सादरीकरणामुळे पदार्थाची लज्जत अजुन वाढलीय.. :) :)
18 Jan 2012 - 6:36 pm | गणपा
खपल्या गेले आहे.
शेवटच्या फोटुतल्या पापलेटाला सानिकातैंच्या हातुन मोक्ष मिळाल्याने हर्षवायु झाल्याचे जाणवते. ;)
18 Jan 2012 - 10:50 pm | मेघवेडा
आपुनला मासे खायला उद्यक्त करनार तुमी!
मस्त फोटू हायेत!
19 Jan 2012 - 4:00 pm | बिपिन कार्यकर्ते
+२
22 Jan 2012 - 1:53 pm | पर्नल नेने मराठे
+३ :(
त्यात आता सावंत वैगरे मैत्रिणी झाल्यापासुन जास्तच ;) खावेसे वाटेल.
19 Jan 2012 - 9:24 am | चिंतामणी
मिपाच्या "स़ंजीव कपुरने" जी प्रतिक्रीया दिली आहे, तीच्या मी पामर काय बोलणार.
(भगवंताच्या पहील्या अवतारावर प्रेम करणारा) चिंतामणी
19 Jan 2012 - 3:13 pm | मालोजीराव
अगदी अगदी...फ्राय झाल्यावर मासा एवढा हसताना पहिल्यांदाच पाहिला...बाकी साक्षात अन्नपुर्णेने बनवल्यावर हर्षवायू होणारच !
-मालोजीराव
15 Nov 2012 - 12:06 pm | बॅटमॅन
तंतोतंत!!!!!
काय ते सादरीकरण आणि काय त्या डिशेस......सानिकातैंची होते पाकृ, आमची होते निस्ती जळ्जळ!!!!
18 Jan 2012 - 6:45 pm | गणेशा
अप्रतिम ..
खुप छान !
पाकृ. विभागात पण आता लक्ष घालावेच म्हणतोय..
18 Jan 2012 - 6:52 pm | Mrunalini
अप्रतिम.... तोंपासु.... :)
18 Jan 2012 - 7:10 pm | Maharani
सानिका मी मीपा वर नवीन आहे पण तुमच्या बाकिच्या पण काही पाकॄ वाचल्या..उत्तम presentation!!
अप्रतिम छायाचित्रे...
18 Jan 2012 - 8:48 pm | कौशी
खरच खुपच अप्रतिम..
प्रेसेन्टेशन तर प्रश्नच नाही..आवडली.
18 Jan 2012 - 8:53 pm | रेवती
फोटू पाहिले नाहीत, कृती वाचली नाही, जळजळ अजिबात झाली नाही, व्यवस्थित मांडलेले साहित्य तर दृष्टीलाही पडले नाही.:)
18 Jan 2012 - 11:09 pm | स्मिता.
पापी लोकांना फोटू दिसत नाहीत हे ह. भ. प. पराण्णा महाराजांनी म्हटलंय ते उगाच नाही! ;)
19 Jan 2012 - 10:33 pm | रेवती
हळू बोला हो तै.
आजकाल 'पापी' या शब्दाचे मतलब अनेक आहेत.
वाचणार्‍याची 'गोची' होते आणि लेख येतात.;)
18 Jan 2012 - 9:24 pm | कॉमन मॅन
नि:शब्द..!
18 Jan 2012 - 9:28 pm | सुनील
झक्कास!
18 Jan 2012 - 9:30 pm | जाई.
मस्तच
तोँपासू
18 Jan 2012 - 9:39 pm | प्राजु
तुझ्या पाकृ नेहमीच इन्सिरेशन देतात....
अमेरिकेत पाप्लेटला काय म्हणतात कोणी सांगेल काय??
18 Jan 2012 - 9:43 pm | कॉमन मॅन
इन्सिरेशन म्हणजे काय..? कृपया मराठीतून अर्थ सांगितल्यास बरे होईल.
18 Jan 2012 - 10:37 pm | प्राजु
म्हणजे प्रेरणा.. स्फूर्ती!!
19 Jan 2012 - 8:15 am | नेत्रेश
प्रेरणा आणी स्फूर्ती? आता या दोघीजणी कोण?
18 Jan 2012 - 9:48 pm | सुनील
अमेरिकेत पाप्लेटला काय म्हणतात कोणी सांगेल काय??
एखाद्या एशियन (चिनी/विएतनामी) दुकानात गेल्यास दिसेल आणि दिसल्यावर ओळखता येईलच!
18 Jan 2012 - 10:38 pm | प्राजु
मला मासे ओळखता येत नाहीत.
त्यावर लिहिलेले असते का पाप्लेट/ किंवा पाँफ्रेट असं?
19 Jan 2012 - 7:23 am | स्वाती२
प्राजु, पाँफ्रेट असे लिहिलेले असते.
http://cool007moss.blogspot.com/2008/02/fish-names-english-marathi-hindi...
या ब्लॉग वरची लिस्ट उपयोगी आहे.
18 Jan 2012 - 9:51 pm | विशाखा राऊत
उगाच उघडला हा धागा
19 Jan 2012 - 4:17 am | बबलु
._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_.._/\_..
अशक्य.
19 Jan 2012 - 4:22 am | मराठमोळा
+१२३४५६७८९
सहमत..
खल्लास...
19 Jan 2012 - 7:24 am | स्वाती२
छान!
19 Jan 2012 - 10:20 am | दीपा माने
सानिका तुमच्या पाकृ नेहेमीच छान असतात. मी नेहेमीच वाचते.
प्राजु ,अमेरिकेत चायनीज फिश मार्केटमध्ये पापलेटाला पांपानो म्हणतात.
19 Jan 2012 - 10:48 am | sneharani
मस्त पाकृ! फोटो ही जबरदस्त!!
:)
19 Jan 2012 - 10:50 am | पियुशा
जबरदस्त !
19 Jan 2012 - 11:00 am | गवि
छळवाद.
19 Jan 2012 - 12:46 pm | सुमो
पाककृती आणि त्यांचं सादरीकरण ह्यात हातखंडा आहे आपला...
घरी अवन नसल्याने ह्याला
केळीच्या पानात बांधून स्टीम करुन उकड्या तांदळाच्या भातासोबत हादडावे म्हणतो.....
12 Nov 2012 - 10:32 am | चिंतामणी
"पात्रानी मच्छी" अशीच करतात.
केळीच्या पानात बांधून स्टीम करुन
19 Jan 2012 - 4:05 pm | इरसाल
मिपाच्या "स़ंजीव कपुरने" जी प्रतिक्रीया दिली आहे, तीच्या मी पामर काय बोलणार.
सहमत.
21 Jan 2012 - 2:14 pm | प्रभाकर पेठकर
गरम गरम वाफाळणारा पांढरा शुभ्र बासमती (किंवा आंबेमोहोर) तांदूळाचा भात आणि पापलेट कालवणासोबत ओव्हन-फ्रेश किंवा चरचरीत तळलेला मासा. स्वर्ग स्वर्ग म्हणतात तो हाच.
13 Nov 2012 - 12:55 am | एस
सोबत एक Sauvignon Blanc...
13 Nov 2012 - 12:55 am | संदीप चित्रे
पेठकरकाकांशी एकदम सहमत :)
12 Nov 2012 - 9:43 am | रुप्स
मला हि रेसिपी दिसत नाही :(
12 Nov 2012 - 9:53 am | मृदुला सूर्यवंशी
फोटो आणि रेसिपी दोन्ही दिसत नाही :(
12 Nov 2012 - 10:05 am | प्रा.डॉ.दिलीप बिरुटे
फोटो आणि रेसिपी आता दिसतील.
-दिलीप बिरुटे
12 Nov 2012 - 10:27 am | चिंतामणी
कोण आहे रे ते हा धागा आत्ता वर काढणारा????
दिवाळीत फराळाचे खायचे आहे की नाही.
12 Nov 2012 - 11:10 am | मृदुला सूर्यवंशी
हो! आता दिसत आहेत फोटो. जबरदस्तं सादरीकरण...मगाशी फोटो दिसत नव्ह्ते तेच चांगलं होतं ;)
12 Nov 2012 - 11:10 am | अनिल हटेला
जीव खल्लास जाहला!!!
:-)
12 Nov 2012 - 12:19 pm | ज्ञानराम
जीव .......... घेतला .....
13 Nov 2012 - 12:54 am | संदीप चित्रे
पाकृ जरी आधीच दिलेली असली तरी मी आत्ता ऐन दिवाळीत ती पाहिली आणि दिल खूष हो गया :)
पापलेट.. खरंतर 'मासे' हा आपला एक वीक प्वाईंट हाये!
त्यात अशी सचित्र पाकृ म्हणजे खपलोच :)