काही ठिकाणे काही आठवणी - २ [खादाडी स्पेशल भाग]

आपण पहिला भाग वाचू शकता ह्या लिंक वर:-
http://www.misalpav.com/node/37088

०१: श्री हनुमान डेअरी - ठाणे \ श्रद्धा सर्व्हिसेस ठाणे
गोड प्रचंड आवडत असल्यामुळे राम मारुती रोड वरची श्री हनुमान डेअरी म्हणजे जन्नत. गरम गरम जिलबी , काजूकातली , कलिंगड बर्फी ह्या सगळ्या गोष्टी प्राणाहून प्रिय. हनुमान डेअरी मध्ये नमकीन सुद्धा मिळत. पोहे चिवडा / कचोरी तर अगदी उत्तम.
दुसरे ठिकाण म्हणजे श्रद्धा सर्विसेस. आता हे पण मिठाईचे दुकानच आहे. पण माझ्या लहानपणि ते घंटाळी बागेच्या मागे असलेल्या लष्करी बाराक सारख्या ठिकाणी असायचे सध्या ते घंटाळी देवी मंदिर समोर आहे. इथे मी आजी आणि आई बरोबर जायचो , बाकरवडी तर चितळेंपेक्षा उत्तम मिळायची आणि ताजी ताजी मिळायची.
तसाच खुशखुशीत पोहे चिवडा , चकली , कडबोळी , केला वेफेर्स नारळ वाडी आहाहा तोंडाला आत्तापण पाणी सुटलंय.

०२: वृंदावन सोसायटी- ठाणे
१९९७ साली आम्ही वृंदावन सोसायटी मध्ये राहायला गेलो.. मुंबई मध्ये आरे चे स्टॉल फेमस आहेत ( होते) तसेच दोन स्टॉल वृंदावन मध्ये पण होते . तिथे मी आरे मसाला दूध प्यायचो. २०० मिली च्या टिपिकल काचेच्या बॉटल मध्ये मिळायचे. 'वृन्दावन मधला अजून एक स्पॉट म्हणजे जोशी स्वीट्स सामोसा हि इथली खासियत . तसा मला सामोसा आवडत नाही पण त्याचा कव्हर खूप आवडत. मग रविवारी खास बाबांच्या मागे लागून मी सामोसा आणायला सांगायचो. मग भातात ते सामोसा कव्हर कुस्करून खायला खूप मजा यायची. वृन्दावन मध्ये एक मॉन्जिनीस पण होते इथे दांडके घायला जायचो ( ब्रेड स्टिक ना मी दांडके म्हणायचो).

०३: खंडेलवाल स्वीट्स ठाणे
जेव्हा ठाण्यात टीप-टॉप हे फक्त थाळी हॉटेलक होते तेव्हा ठाण्याच्या हलवाई विश्वात खंडेलवाल स्वीट्स चा नाव मानाने घेतले जात होते. माझे आजोबा नेहेमी सुतार फेणी , सोन-पापडी अनंत असत. पण मग खराब मावा पकडला गेला आणि मग खंडेलवाल चा विश्व उध्वस्त झाला आणि टीप-टॉपचा उदय झाला.

०४: गोखले उपहार गृह- ठाणे
गोखले रोड वरचे गोखले यांचे कोवळे उपहार गृह! मराठी पदार्थांसाठीचा दादर च्या प्रकाश च्या तोडीस तोड अस ठाणे मधला हे उपहार गृह . उत्तम प्रतीचे उपासाचे पदार्थ , पियुष , कोथिंबीर-अळू वाडी , दही आणि साधी मिसळ , झालेच तर सदा आणि मेंदू वाद अश्या पदार्थासाठी ठाण्यातले उत्तम दुकान . दुकान तास कळकट होता . म्हणजे एका भिंतीला कला कडाप्पा लावून तिथे लोकांना प्लेट्स ठेवायाला जागा आणि बरोब्बर दुसऱ्या बाजूला मोठा काऊंटर. आद्य ठाणेकरांना ते नक्की आठवत असेल कसा होता ते . आता मात्र एकदम पॉश झालाय रामवाडी-विष्णूनगर मध्ये गोखले हॉलच्या खाली नवीन ठिकाणी चालू झाला आहे . उत्तम आहे . खरंतर मिपाकरांच्या कट्ट्या साठी उत्तम जागा आहे. पुढचा ठाणे कट्टा इथे करूया का?

०५: कात्रज डेअरी - पुणे
माझे डोंबिवली चे आजोबा-आजी पुण्याला शिफ्ट झाले आणि मग मला एक नवीन ठिकाण मिळाले . पुण्यातल्या सर्पोद्यान च्या बरोब्बर समोर कात्रज डेअरी आहे इथे सुगंधी दूध मिळते ते प्यायला मी आजोबा आणि माझे दोन्ही मावस भाऊ एकवेळ डुक्कर रिक्षा आणि एकवेळ चालत असे जायचो . आता खरंतर आमच्या तिघांच्या प्यायलेल्या दुधाची किंमत हि आमच्या रिक्षा भाड्यापेक्षा कमीच होई पण माझ्या हट्टाखातर दार वेळी मी पुण्याला धनकवडी ला गेलो कि आजोबा मला इथे घेऊन जात.

तर असा ह्या खादाडी स्पेशल भाग . पुढचा भाग लवकरच टाकीन बाकी तुमच्या पप्रतिक्रियांचा नेहेमीच स्वागत आहे . मिपाकरांना विनंती आहे कि त्यांनी मागील भागाप्रमाणेच या हि भागात भरभरून प्रतिक्रिया द्याव्यात.