मनोगत

खिलजि's picture
खिलजि in जे न देखे रवी...
30 Apr 2021 - 2:18 pm

खिशात माझ्या घेऊनि फिरतो

वादळ घोंघावते

इंद्रधनू भवताली माझ्या

सतरंग पसरते

भावनांचा लाव्हा जिभेवर

आस नाही मज कसली

यमकांची मोळी बांधुनी

मी विस्तवात टाकली

जान्हवी जणू डोळे माझे

जिथे तिथे पोहोचते

अनुभवाची लाट उसळुनी

मनसागरात धडकते

लखलखतो तो सूर्य हाती

शब्द जाळत फिरतो

विसरतो मी रीत सारी

आठवेल ते लिहितो

कधी बरसतो मेघ सावळा

थेंबे थेंबे पाणी

काव्य नसे हे अव्वल मित्रा

हि तर अनुभवाची कहाणी ....

हि तर अनुभवांची कहाणी .................

=====================================

सिद्धेश्वर विलास पाटणकर

धोरणजीवनमानतंत्र

प्रतिक्रिया

रंगीला रतन's picture

18 Aug 2022 - 6:04 pm | रंगीला रतन

हि तर अनुभवांची कहाणी .................
वाह.

ज्ञानोबाचे पैजार's picture

19 Aug 2022 - 9:22 am | ज्ञानोबाचे पैजार

भावना पोचल्या...

लिहित रहा

पैजारबुवा,

चांदणे संदीप's picture

19 Aug 2022 - 3:45 pm | चांदणे संदीप

कविता आवडली.
लिहित रहा.

सं - दी - प