माझ्या मनातला गणपती

भटकीभिंगरी's picture
भटकीभिंगरी in जे न देखे रवी...
13 Aug 2017 - 2:49 pm

माझ्या मनातला गणपती

मूर्ती असावी धातूची!
विसर्जित नाही करायची!!

विसर्जनाचे शास्त्र करून!
ठेवून द्यावी तिला जपून!!

दुर्वा फुले चार वाहून!
हात जोडा मनापासून!!

भारंभार फुलांनी झाकू नका!
निर्माल्य कचरा करू नका!!

थर्मॉकोलची नको आरास!
पर्यावरणाचा होतो ह्रास!!

घरच्या घेऊन वस्तू चार!
मखर छानसे करा तयार!!

नको विजेची प्रखर अती!
रोषणाई ती झगमगती!!

शोभा न्यारी ज्योतीची!
निरांजनाची समईची!!

गोड सुस्वर गा आरती!
आरडा ओरडा नको अती!!

स्पष्ट शब्द उच्चार करा!
बाप्पावरती ध्यान धरा!!

सण साजरा करूया!
गणपती बाप्पा मोरया!!

रचना ....

संस्कृती

प्रतिक्रिया

धर्मराजमुटके's picture

13 Aug 2017 - 6:28 pm | धर्मराजमुटके

छान रचना ! आवडली आणि साध्या सरळ रचनेमुळे भावार्थ ही पोहोचला. आजकाल इतक्या निरागस कविता वाचायला मिळणे मुश्कील झाले आहे.

कंजूस's picture

13 Aug 2017 - 8:58 pm | कंजूस

अगदी छान वाटली कविता!

पैसा's picture

13 Aug 2017 - 10:56 pm | पैसा

थोडक्यात गणपती पूजेचे सार सांगितलेत!

भटकीभिंगरी's picture

13 Aug 2017 - 11:06 pm | भटकीभिंगरी

अभिप्रयाबद्दल सगळ्यांचे आभार ..

एस's picture

13 Aug 2017 - 11:55 pm | एस

छान वाटली कविता.

चांदणे संदीप's picture

14 Aug 2017 - 12:31 am | चांदणे संदीप

सहजसुंदर रचना! आवडलीच!

Sandy

सतिश गावडे's picture

14 Aug 2017 - 11:16 am | सतिश गावडे

कविता आवडली. आता गणेशोत्सवात जो धुडगूस चालू असतो ते पाहत खरंच इतक्या साधेपणाने गणेशोत्सव साजरा करण्याची वेळ आली आहे.

एकविरा's picture

14 Aug 2017 - 11:59 am | एकविरा

साधी सरळ रचना

पद्मावति's picture

15 Aug 2017 - 1:49 am | पद्मावति

मस्तच.

भटकीभिंगरी's picture

15 Aug 2017 - 2:32 pm | भटकीभिंगरी

धर्मराजमुटके, कंजुस, पैसा ,संदीप चांदणे , सतीश गावडे, एकविरा ,पद्मावती, एस अभिप्रायाबद्दल सर्वांचे आभार ..