Skip to main content

माझ्या मनातला गणपती

लेखक भटकीभिंगरी यांनी रविवार, 13/08/2017 या दिवशी प्रकाशित केले.
माझ्या मनातला गणपती मूर्ती असावी धातूची! विसर्जित नाही करायची!! विसर्जनाचे शास्त्र करून! ठेवून द्यावी तिला जपून!! दुर्वा फुले चार वाहून! हात जोडा मनापासून!! भारंभार फुलांनी झाकू नका! निर्माल्य कचरा करू नका!! थर्मॉकोलची नको आरास! पर्यावरणाचा होतो ह्रास!! घरच्या घेऊन वस्तू चार! मखर छानसे करा तयार!! नको विजेची प्रखर अती! रोषणाई ती झगमगती!! शोभा न्यारी ज्योतीची! निरांजनाची समईची!! गोड सुस्वर गा आरती! आरडा ओरडा नको अती!! स्पष्ट शब्द उच्चार करा! बाप्पावरती ध्यान धरा!! सण साजरा करूया! गणपती बाप्पा मोरया!! रचना ....
लेखनविषय:
वाचने 2084
प्रतिक्रिया 10

प्रतिक्रिया

धर्मराजमुटके रविवार, 13/08/2017
छान रचना ! आवडली आणि साध्या सरळ रचनेमुळे भावार्थ ही पोहोचला. आजकाल इतक्या निरागस कविता वाचायला मिळणे मुश्कील झाले आहे.

भटकीभिंगरी रविवार, 13/08/2017
अभिप्रयाबद्दल सगळ्यांचे आभार ..

चांदणे संदीप सोमवार, 14/08/2017
सहजसुंदर रचना! आवडलीच! Sandy

सतिश गावडे सोमवार, 14/08/2017
कविता आवडली. आता गणेशोत्सवात जो धुडगूस चालू असतो ते पाहत खरंच इतक्या साधेपणाने गणेशोत्सव साजरा करण्याची वेळ आली आहे.

भटकीभिंगरी मंगळवार, 15/08/2017
धर्मराजमुटके, कंजुस, पैसा ,संदीप चांदणे , सतीश गावडे, एकविरा ,पद्मावती, एस अभिप्रायाबद्दल सर्वांचे आभार ..