वाघोबा वाघोबा किती वाजले

श्रीगुरुजी's picture
श्रीगुरुजी in जे न देखे रवी...
21 Jun 2017 - 3:03 pm

वाघोबा वाघोबा किती वाजले

वाघोबा वाघोबा किती वाजले,
पाऊस न येताच राजीनामे भिजले|

वाघोबा वाघोबा किती वाजले,
म्याव म्याव च्या डरकाळीने घसे बसले|

वाघोबा वाघोबा किती वाजले,
भूकंपाच्या धमकीने हसू फुटले|

वाघोबा वाघोबा किती वाजले,
आदिलशहा* येताच शेपूट घातले|

वाघोबा वाघोबा किती वाजले,
यांच्या मर्कटलीलांनी केजरीवाल लाजले|

वाघोबा वाघोबा किती वाजले,
धाकल्याच्या चतुराईने थोरले बिथरले|

वाघोबा वाघोबा किती वाजले,
बनियासमोर** लोटांगण घातले|

वाघोबा वाघोबा किती वाजले,
यांच्या वल्गनांनी मावळे शरमले|

वाघोबा वाघोबा किती वाजले,
असा पक्ष, असे नेते हे दुर्दैव आपुले|

(* - विधानसभा निवडणुकीत उधोजींनी अमित शहांचा उल्लेख 'आदिलशहा' असा केला होता.
** - मुंबई महापालिका निवडणुकीआधी गुजरात्यांची मते मिळविण्यासाठी उधोजींनी हार्दिक पटेलला मातोश्रीवर निमंत्रित करून त्याच्याकडून पाठिंबा मिळविला होता.)

vidambanकाहीच्या काही कविताकविताविडंबन

प्रतिक्रिया

अभिजीत अवलिया's picture

21 Jun 2017 - 3:56 pm | अभिजीत अवलिया

बडबडगीतासारखे वाटतेय :)
राग मानू नका :)

जेम्स वांड's picture

21 Jun 2017 - 4:01 pm | जेम्स वांड

हार्दिक पटेल बनिया नाही हा तांत्रिक भाग वगळता फर्मासच जमलं आहे काव्य, खूप आवडलं.

विशुमित's picture

21 Jun 2017 - 4:20 pm | विशुमित

जे न देखे रवी... या सदरामध्ये देखील गुरुजींचा दमदार शिरकाव.

अभिनंदन..!!

(कृपया हलके घ्या )

अरूण गंगाधर कोर्डे's picture

21 Jun 2017 - 4:36 pm | अरूण गंगाधर कोर्डे

सद्यस्थितीवरील कविता चांगली जमवली आहे.

ज्योति अळवणी's picture

21 Jun 2017 - 8:43 pm | ज्योति अळवणी

म्याव म्याव वाल्या वाघोबानी वाचावी अशी कविता. मस्त