ती आणि ही,
दोघीही एकाच वयाच्या...जवळपास.
तेच नेहमीचं पाहून न पाहणं,
नजरेला नजर देऊनही अनोळखीपण जपणं.
तिची नेहमीची लगबग,
ही निवांत बसलेली.
आजचा दिवस?
जरा वेगळा,
ती नेहमीपेक्षा थोडी टापटीप,
हीच्या नजरेतून ते सुटलं नाहीच!!
पुन्हा तेच नेहमीचं पाहून न पाहणं,
नजरेला नजर देऊनही अनोळखीपण जपणं.
ती आज थोडी जास्त लगबगीत
ही मात्र नेहमीसारखीच निवांत, ढिम्म बसलेली.
ती पुढे गेलेली मागे आली,
कनवटीची दहाची नोट काढून हिच्या थाळीत टाकली...
पुन्हा लगबगीत निघाली..
नातवाच्या वाढदिवसाला काय करावं,
हा विचार तिच्या डोक्यात,
ही तिने दिलेल्या दहात पोट कसं भरेल
या विचारात गढून गेली
दुसर्या दिवशी तेच नेहमीचं पाहून न पाहणं,
नजरेला नजर देऊनही अनोळखीपण जपणं!!
प्रतिक्रिया
25 Jun 2015 - 5:46 pm | एस
चांगली कविता. तो 'ढिम्म' हा शब्द कवितेच्या एकूण संवेदनशील स्वभावाला थोडासा खटकणारा वाटला. ती ओळ जरा वेगळ्या पद्धतीने लिहून पहा.
25 Jun 2015 - 6:03 pm | वेल्लाभट
सेम हिअर. +१
26 Jun 2015 - 7:14 pm | प्यारे१
-1.
ढिम्म शब्द बरोबर आहे. चुकीचा तरी नक्कीच वाटत नाही. दोघीन्च्या परिस्थितीतली तफावत आणि त्याचं कारण कदाचित त्याच ढिम्म बसण्यात आहे.
25 Jun 2015 - 6:05 pm | टवाळ कार्टा
:(
25 Jun 2015 - 6:32 pm | अत्रुप्त आत्मा
आवडली.
25 Jun 2015 - 6:33 pm | मिसळलेला काव्यप्रेमी
......
25 Jun 2015 - 7:11 pm | यशोधरा
आवडली.
25 Jun 2015 - 8:20 pm | आदूबाळ
छान आहे. "ढिम्म" खटकलं नाही, राहू द्या.
25 Jun 2015 - 9:26 pm | यशोधरा
हां मलापण.
25 Jun 2015 - 8:27 pm | मधुरा देशपांडे
:(
26 Jun 2015 - 12:50 am | रातराणी
कविता आवडली.
26 Jun 2015 - 7:56 am | चुकलामाकला
+११
26 Jun 2015 - 9:48 am | पथिक
आवडली.
26 Jun 2015 - 5:49 pm | पद्मावति
छानच...मुक्तक आवडले. ...
तेच नेहमीचं पाहून न पाहणं,
नजरेला नजर देऊनही अनोळखीपण जपणं........... हे फारच छान लिहिलय.
26 Jun 2015 - 9:25 pm | किसन शिंदे
आवडली!
26 Jun 2015 - 9:51 pm | मुक्त विहारि
मस्त...
27 Jun 2015 - 1:30 am | सानिकास्वप्निल
छानचं......
27 Jun 2015 - 9:09 am | पैसा
सुरेख लिहिलंय!
27 Jun 2015 - 9:38 am | विशाल कुलकर्णी
वाह..
27 Jun 2015 - 3:13 pm | एक एकटा एकटाच
चांगली आहे.
27 Jun 2015 - 3:18 pm | विवेकपटाईत
कविता आवडली.
29 Jun 2015 - 9:23 pm | karan_143
छान आहे
29 Jun 2015 - 9:43 pm | बॅटमॅन
हाण तेज्यामारी.
29 Jun 2015 - 10:51 pm | डॉ सुहास म्हात्रे
छान आहे कविता ! जळजळीत वास्तव !