आयर्नमॅन : कौस्तुभ राडकर

आजच लंकावी - मलेशिया येथे पार पडलेली आयर्नमॅन स्पर्धा यशस्वीरित्या पूर्ण करून पुण्याच्या कौस्तुभ राडकरने विक्रम प्रस्थापित केला. अत्यंत कठिण अशी ही स्पर्धा पूर्ण करण्याची ही त्याचे नववी वेळ आहे. हा पराक्रम करणारा तो एकमेव भारतीय असून, जगातील सर्व खंडांमध्ये भाग घेऊन ही कामगिरी करणार्या मोजक्या दुर्मीळ ट्रायथलीट्समध्ये त्याने स्थान मिळवले आहे.

आयर्नमॅन विषयी :
आयर्नमॅन ही जगातील सर्वात कठीण स्पर्धांपैकी एक समजली जाते. जलतरण, धावणे, व सायकलिंग या तिन्हीचा समावेश असलेल्या ट्राएथ्लॉन या क्रीडाप्रकारातिल ही स्पर्धा जगभरात विवइध ठिकाणी भरवली जाते. जगभरात या अत्यंत मानाच्या मानल्या जाणार्या स्पर्धेसाठी नामांकित ट्राएथलीट्स वर्षभर तयारी करत असतात. नुसते पार करायचे अंतर जरी लक्षात घेतले तरी या स्पर्धेच्या दर्जाची कल्पना येईल.

पोहणे : ३.८ किमी
सायकलिंग : १८० किमी
धावणे : ४२ किमी

कौस्तुभ राडकर विषयी :
पुण्यात टिळक तलावावर लहानपणापासून सराव करणार्या कौस्तुभने जलतरणात राष्ट्रीय पातळीवर अनेक पदके जिंकली आहेत. उच्च शिक्षणासाठी अमेरिकेत स्थाईक झाल्यानंतर तो ट्राएथ्लॉन या प्रकाराकडे वळला. त्यानंतर एकामागोमाग एक अशा ८ आयर्नमॅन स्पर्धा त्याने पूर्ण केल्या आहेत. वर्षभरापुर्वीच कौस्तुभ भारतात परत आला असून, दर्जेदार अ‍ॅथलीट्स घडवण्यासाठी एक अ‍ॅकॅडमी त्याने नुकतीच सुरू केली आहे. अतिशय खडतर स्पर्धा पार करणार्या या विक्रमवीर खेळाडूच्या अनुभवाचा फायदा नवोदित खेळाडूंना नाकीच होईल यात शंका नाही.

काही वर्षांपुर्वी कौस्तुभच्या या क्रीडाप्रकारातील यशाबद्दल लेख मिइ मिपा वर लिहिला होता. त्याची ही विक्रमी कामगिरी सर्वांसमोर यावी म्हणून पुनश्च हा लेखनप्रपंच.