खिशामध्ये हात घालुन काही तरी खात होता
एका हातात हांडा घेऊन घाईघाईने जात होता
रखरखीत ऊन्हात वहात होत्या घामाच्या धारा
विचारले आम्ही त्याला कुठे जातोयस रे पोरा
त्यानेही अगदी सहजतेने आम्हाला उत्तर दिले
घरी आहेत आई वडिल तहाणेने व्याकुळलेले
कष्ट करुन त्यांना आलेय थोडी कणकण
पाण्यासाठी आमची होतेय अशी वनवन
शेजारच्या गावामध्ये म्हणे टँकर येतोय दोनदा
बघतो तिथे मिळ्तोय का पाण्याचा एखादा हंडा
तसं तर धरण पण आहे आमच्या गावाच्या उषाला
पण म्हणतात ना धरण उषाला अन कोरड घशाला
आमच्या ही बाबतीत असच काही तरी घडलय
धरणातले पाणी शेजारच्या जिल्ह्यांना सोडलय
तुमच तर काय साहेब बिसलेरी बाटलीवर भागत
हांडाभर पाण्यासाठी आम्हाला रात्रभर जागाव लागतं
प्रतिक्रिया
3 May 2013 - 8:31 pm | दिपक वायळ
वा वाह छान
6 May 2013 - 9:58 am | नगरीनिरंजन
दारूण परिस्थिती आहे; पण शुद्धलेखनातल्या चुकीने कवितेतल्या कारूण्याला विनोदाची झालर लागली आहे.
'धरण उशाला' असं म्हणायचं आहे असं समजून घेतले आहे पण शीर्षकात 'धरण उषाला' हे वाचून भलताच अर्थ वाटला होता. असो.
6 May 2013 - 11:55 am | Bhagwanta Wayal
शीर्षकात झालेल्या शुध्दलेखन चुकीमुळे जो कही गैरसमज झाला त्याबद्दल क्षमा....!
प्रतिक्रियेबद्दल धन्य्वाद