खुप दिवसांनी काही ओळी सुचल्या आणि ते ही कॉपी पेस्ट न करता . अस्सल स्वतःच्या . बघा आवडतात का
अल्बम - कॉपीपेस्ट वर बोलू काही
मी कॉपी केली नाही, मी पेस्टही केले नाही
मी राईट क्लिक साठी ,कधी माऊस घेतला नाही.....
भवताली सतत चाले, ते इंटरनेट बघताना
कुणी धाग्यातून चिडताना, कुणी एकट्याने लढताना
मी सदस्य होउनी बसलो, फेसबूकवरती जेंव्हा
ते पहायला देखील, मग कुणी राहिले नाही.....
एकच ब्लॉग मी पाहे, मूळ लेखन जिथल्या तेथे
काढूनी प्रिंटही त्याची वेळीच टॅगली पाने
पण झोपेतून एकदम, जागच आली नाही
कुणी लाईकही केले नाही, कुणी लाईटली घेतले नाही......
काढलेला एकच धागा, चाहत्यांची उलटी मुंडी
जालावर अजुनी दिसती, डिलीट पोस्टच्या नोंदी
मी सोम्यालाही भ्यालो, मी गोम्यालाही भ्यालो
मी मनाशी सुध्दा माझ्या,कधी पंगा घेतला नाही
मज जन्म स्थळाचा मिळता, मी ‘याहू’ झालो असतो
वाढवायची असती यादी तर ‘हॉटमेल झालो असतो
मज डिलीट करता कोणी रडलो वा हसलो नाही
मी फॉलो केले नाही अन करुन घेतले नाही
अमोल केळकर
मला इथे भेटा
प्रतिक्रिया
12 Feb 2013 - 4:47 pm | स्मिता चौगुले
छान आहे
12 Feb 2013 - 4:52 pm | सुखी
Ctrl+C आणी Ctrl+V पण चालतो हो ;)
छान वाटल वाचुन
12 Feb 2013 - 4:52 pm | सुखी
Ctrl+C आणी Ctrl+V पण चालतो हो ;)
छान वाटल वाचुन
12 Feb 2013 - 4:53 pm | अग्निकोल्हा
मजेशीर!!!
12 Feb 2013 - 4:58 pm | अत्रुप्त आत्मा
मी भरपूर केली कॉपी,मी भरपुर केले पेस्टींग
ही कविता तुमची मजला,लै वाटते हो विंट्रेस्टींग ;-) ॥
12 Feb 2013 - 5:48 pm | अमोल केळकर
हा हा हा मस्तच
सर्वांचे धन्यवाद :)
अमोल केळकर
मला इथे भेटा
12 Feb 2013 - 6:09 pm | पैसा
एकदम फ्रेश!
12 Feb 2013 - 6:55 pm | अनन्न्या
कधी काव्यही केले नाही, कधी कथाही स्फुरली नाही,
तरीही...
दिन एकही न ऐसा आला की, मिसळपाव क्लिकले नाही!!
12 Feb 2013 - 7:27 pm | शुचि
टू गुड!!!!
12 Feb 2013 - 7:43 pm | पप्पु अंकल
हाउर आंदो
12 Feb 2013 - 9:03 pm | प्रकाश घाटपांडे
मस्तच अमोल! आवडले.
12 Feb 2013 - 9:33 pm | अमोल केळकर
धन्यवाद घाटपांडे साहेब
अमोल केळकर
आम्हाला इथेही भेटा
12 Feb 2013 - 9:03 pm | तर्री
हया कवितेस " जालीय " संदर्भ आहे से वाटते !
कविता जेथे पेष्ट करायला हवी तिथे झाल्यास उद्रेक होणार .
कविता - विडंबन - चिमटे आवडून राहिले.
12 Feb 2013 - 9:34 pm | अमोल केळकर
:)
अमोल केळकर
12 Feb 2013 - 9:33 pm | अविनाशकुलकर्णी
मी कॉपी केली नाही, मी पेस्टही केले नाही
तुझे मिर्ची लगी तो मै क्या करु???????
13 Feb 2013 - 1:02 am | कवितानागेश
एकदम भारी. :)
13 Feb 2013 - 1:11 am | विकास
एकदम आवडली!
13 Feb 2013 - 1:12 am | जेनी...
मी काहिच पहिले नाहि .. मी अजिबात वाचले नाहि =))
भारीये .
13 Feb 2013 - 12:36 pm | चावटमेला
विडंबन आवडले.
13 Feb 2013 - 12:43 pm | सुहास झेले
मी सोम्यालाही भ्यालो, मी गोम्यालाही भ्यालो
मी मनाशी सुध्दा माझ्या,कधी पंगा घेतला नाही
हा हा हा.... जबरी :) :)
13 Feb 2013 - 2:10 pm | चौकटराजा
मी सोम्यालाही भ्यालो, मी गोम्यालाही भ्यालो
मी मनाशी सुध्दा माझ्या,कधी पंगा घेतला नाही
फेसबुक आर्कुट यांचा चेहरा म्हणजे या दोन ओळी आहेत. आता तर पालघर प्रकरणापासून लाईक व अनलाईक करायलाही
बोटे थरथरतात !
13 Feb 2013 - 10:00 pm | ३_१४ विक्षिप्त अदिती
या चोप्य-पस्तेमधे बुद्धीचे बळ दिसले.
14 Feb 2013 - 9:16 am | अमोल केळकर
धन्यवाद
काल आलेल्या व्यक्तिगत निरोपात एका रसिकाला नवग्रहांचे बळही दिसून आले :)
असो
कॉपी पेस्टच्या वृत्ती संगे, युध्द आमचे सुरु
जिंकू किंवा मरु
सर्वांचे आभार
अमोल केळकर