चौकोनी मावेल कसे
मज सांग पिंजले असे पिसे
अवशेष विखुरल्या लाटांचे
वाटे झेलावे अलगदसे
भंगल्या तनूचे अणुरेणू
शोधिती हरवले जसे हसे
पंखात नितळ दंव सोनेरी
स्पर्शात भाव अस्पर्श असे
मोट बांधली मेघाची
पण पराधीन घरचे वासे
अंदाज न सुटल्या धाग्यांचे
क्षण जवळ न येती जराहिसे
.....................अज्ञात
प्रतिक्रिया
23 Nov 2012 - 1:02 pm | खटासि खट
अनेक शब्दांची बांधलेली मोट विखुरली असं काही म्हणायचं आहे का /
3 Dec 2012 - 9:04 pm | गणेशा
मोट बांधली मेघाची
पण पराधीन घरचे वासे
अंदाज न सुटल्या धाग्यांचे
क्षण जवळ न येती जरासे
अप्रतिम ओळी खुप खुप आवडल्या...
पुन्हा पुन्हा वाचाव्यात अश्या
----------
3 Dec 2012 - 9:14 pm | हारुन शेख
पंखात नितळ दंव सोनेरी
स्पर्शात भाव अस्पर्श असे
या ओळी खासच आहेत.