नभी काजळी दाटता सूर ओला
उरा अंतरातून बरसून गेला
झरा आत वाहे,तरीही सुनी मी
अधूरी सख्या रे तुझ्यावाचुनी मी
कुणी हासते वा कुणी गीत गाते
कुणी प्रेमरंगात रंगून जाते
उभी एकटी दूर सार्‍याहुनी मी
अधूरी सख्या रे तुझ्यावाचुनी मी
झरावे किती मेघ आतून सारे
फुलावे किती अंतरंगी शहारे
फिरो गार वारा किती आसमंती
तरी कोरडासा उरे जीव अंती
नव्याने नटो ही धरा मेघवेडी
नवी बावरी लाजुदे सांज थोडी
उभी पायथ्याशी नव्याने जुनी मी
अधूरी सख्या रे तुझ्यावाचुनी मी
सख्या,एकदा जीव ऐसा झुरावा
सुटावे जिणे,श्वास माझा सरावा
उरो शेवटाला तुझी होवुनी मी
अधूरी सख्या रे तुझ्यावाचुनी मी
© डॉ.अदिती शरद जोशी
प्रतिक्रिया
23 Jul 2014 - 6:36 am | पाषाणभेद
वा छान
23 Jul 2014 - 9:16 am | अत्रुप्त आत्मा
उभी पायथ्याशी नव्याने जुनी मी
अधूरी सख्या रे तुझ्यावाचुनी मी>>> येकच नंबर! *good*
23 Jul 2014 - 9:57 am | पद्मश्री चित्रे
सुंदर ,मनाला भिडणारी कविता
23 Jul 2014 - 10:16 am | अधिराज
क्या बात है! हृदयाचा ठाव घेणारी कविता!
23 Jul 2014 - 12:05 pm | एस
कविता मीटरवर म्हणायला मजा आली. पण अर्थाचे म्हणाल तर त्यातल्या सखीची आर्तता तितकीशी भिडली नाही. थोडे अलंकारिक लिहिण्याच्या नादात कदाचित थोडा विस्कळीतपणा आलाय की काय असे वाटले. राग मानू नका हो. हे कदाचित फक्त मलाच जाणवले असेल. इतरांना आवडलीय म्हणजे तसे नसेलही.
पुकशु.
25 Jul 2014 - 12:15 pm | असंका
+१
व्याकरणाला बांधून तरीही अगदी करकचून छंदबद्ध अशी ही कविता केली आहे (कविता मीटर!! :-)) ). पण ती फारच क्लीष्ट झाली आहे वाचायला...
23 Jul 2014 - 12:10 pm | प्रसाद गोडबोले
सुंदर :)
23 Jul 2014 - 12:30 pm | प्यारे१
आवडली.
23 Jul 2014 - 2:27 pm | प्रा.डॉ.दिलीप बिरुटे
झरावे किती मेघ आतून सारे
फुलावे किती अंतरंगी शहारे
फिरो गार वारा किती आसमंती
तरी कोरडासा उरे जीव अंती
खासच..!
-दिलीप बिरुटे
26 Jul 2014 - 6:55 am | इनिगोय
हेच कडवं आवडलं मलाही.
छान आहे कविता.
4 Aug 2014 - 6:56 pm | राघव
असेच म्हणतो. सुंदर रचना.
तसेच शेवटचे कडवे वेगळ्या दृष्टीनं बघीतलं तर आणिक सुंदर भासतंय..! खूप छान! :)
23 Jul 2014 - 11:17 pm | कवितानागेश
आवडली
23 Jul 2014 - 11:42 pm | बहुगुणी
(अवांतरः आनंदमयींच्या कवितांमुळे मिपावर याआधी लयदार कविता लिहिणार्‍या प्राजुची आठवण होते.)
24 Jul 2014 - 12:40 pm | मिसळलेला काव्यप्रेमी
अतिशय सुंदर रचना.... आवडली.
25 Jul 2014 - 12:08 pm | अनुप ढेरे
मस्तं! खूप आवडली कविता.
25 Jul 2014 - 12:37 pm | मुक्त विहारि
आवडली.
25 Jul 2014 - 1:13 pm | बॅटमॅन
असे वाचुनी जाहले दीस फार
अभिव्यक्ति केली पहा जोरदार
अशी येउद्या येथ काव्ये अपार
भुजंगप्रयाती 'य' येतात चार ||
25 Jul 2014 - 1:21 pm | एस
आले रे. :-D
25 Jul 2014 - 1:57 pm | अजया
कविता ाआवडली.
11 Aug 2014 - 12:21 pm | फिझा
खुप छान !!!!