डेस्टिनेशन ∞

अनन्त्_यात्री's picture
अनन्त्_यात्री in जे न देखे रवी...
6 Mar 2021 - 3:46 pm

अनंताच्या यात्रेसाठी
जय्यत तयारी केली आहे

चांदणचुर्‍याचे भूकलाडू
हिमनगांचे तहानलाडू
(तहानभूक हरपू दे पण)
रसद टकाटक तयार आहे

प्रकाशवर्षी मोजपट्टी
डार्कमॅटरचा भव्य फळा
धूमकेतूचा खडूतुकडा
होल्डाॅलमध्ये भरला आहे

दिशा कोन ढळून जातील
घड्याळ काटे उलटे फिरतील
उद्याच्या बातम्या काल कळतील
याची तयारी ठेवली आहे

मुक्कामाला पोचलो तर
दृृृष्ट तिथे काढतील माझी
त्यासाठी मी कृृृष्णविवरछाप
काजळडब्बी घेतली आहे

आता फक्त यान कुठचे
इंधन साठवायला कॅन कुठचे
उकडले तर फॅन कुठचे
ह्या प्रश्नांशी लढतो आहे

अनंताच्या यात्रेसाठी
फक्त निघायचं बाकी आहे

अविश्वसनीयकैच्याकैकवितामुक्तकमौजमजा

प्रतिक्रिया

सरीवर सरी's picture

11 Mar 2021 - 12:39 pm | सरीवर सरी

हिमनगांचे तहानलाडू
(तहानभूक हरपू दे पण).. छानच!

मुक्त विहारि's picture

11 Mar 2021 - 1:20 pm | मुक्त विहारि

आवडले ....

(राजकीय दृष्टीने, 2-3 मे पर्यंत थांबूया...)

चौथा कोनाडा's picture

11 Mar 2021 - 1:28 pm | चौथा कोनाडा

भारी !

प्रकाशवर्षी मोजपट्टी
डार्कमॅटरचा भव्य फळा
धूमकेतूचा खडूतुकडा
कृृृष्णविवरछाप काजळडब्बी

उल्लेखनीय हे !

ज्ञानोबाचे पैजार's picture

11 Mar 2021 - 4:49 pm | ज्ञानोबाचे पैजार

आता फक्त यान कुठचे
इंधन साठवायला कॅन कुठचे
उकडले तर फॅन कुठचे
ह्या प्रश्नांशी लढतो आहे

सोप्या प्रश्र्णाचे उत्तर अवघड करुन का शोधत आहात?

पैजारबुवा,

अनन्त्_यात्री's picture

13 Mar 2021 - 2:16 pm | अनन्त्_यात्री

पसंत पडलेल्या सर्वांना धन्यवाद.