आमची प्रेरणा मिलिंद फणसे यांची अप्रतिम रचना पाहून वादळाला झाला पसार नाही
प्रतिसाद पाहुनी मी झालो पसार नाही
मी कोडगा कवी जो विझण्या तयार नाही?
गेले अनेक वाचक सांगून रोज मजला
पण बंद लेखणी मी करण्या तयार नाही!
कवितेत रोज लिहितो मी काहणी 'मनोहर'
वृतात खरडले पण प्रतिसाद फार नाही!
कविता करीत जातो कडवी पाहत नाही
हा मोह लेखनाचा, की रोजगार नाही ?
थकतील वाचणारे मुक्ताफळांस माझ्या
ह्या शब्द-सागराला पण अंत, पार नाही
मी का न बडबडावे प्रस्थापितांप्रमाणे?
मी शाहजोग आहे! करतो विचार? नाही!!
गझलेत "केशवा"च्या , ना गझलियत जरा ही
ह्याच्या परीस कोणी इतका सुमार नाही
धिक्कार खूप झाला, वरती निषेध सुद्धा
वृतीत, "केशवा"च्या झाला सुधार नाही
प्रतिक्रिया
22 May 2009 - 9:15 pm | प्रा.डॉ.दिलीप बिरुटे
वरीजनलपेक्षा भारी !
धिक्कार खूप झाला, वरती निषेध सुद्धा
वृतीत, "केशवा"च्या झाला सुधार नाही
हे मात्र खरं आहे ! :) (ह. घ्या )
-दिलीप बिरुटे
22 May 2009 - 9:28 pm | श्रावण मोडक
केशवा, एका विडंबनातून एकाचवेळी किती 'पक्षी' मारावेत याला काही 'सुमार'?
विडंबन मस्तच.
22 May 2009 - 10:22 pm | चतुरंग
बे'सुमार' विडंबन! ;)
चतुरंग
22 May 2009 - 10:46 pm | क्रान्ति
थकतील वाचणारे मुक्ताफळांस माझ्या
ह्या शब्द-सागराला पण अंत, पार नाही
१००% सहमत!!!!!!!!!!!! धमाल विडंबन!
क्रान्ति
***मन मृदु नवनीत | मन अभेद्य कातळ
मन भरली घागर | मन रिकामी ओंजळ***
अग्निसखा
23 May 2009 - 2:14 am | पिवळा डांबिस
वा गुरुदेव,
भलतेच फॉर्मात आहांत की!!!
मस्त आहे...
:)
निंदास्तुती जनांची, का व्यर्थ मनी धरावी?
काव्यात 'केशवा'च्या, कणही सुमार नाही
(म्हंजे काव्य हुच्च हाये आसं म्हनायचं हाय! नायतर हितले टवाळखोर लागतीन फिदफिदायला!!!)
:)
23 May 2009 - 7:33 am | सहज
केसुगुर्जीकी जय हो!
23 May 2009 - 8:53 am | विसोबा खेचर
मस्त रे केशवा! :)
23 May 2009 - 10:52 am | वेताळ
हाणा .........खुपच छान
खविस,हडळ,मुंजा,गोस्ट,डेव्हिल,वेताळ
23 May 2009 - 11:02 am | परिकथेतील राजकुमार
हा मोह लेखनाचा, की रोजगार नाही ?
हे हे हे जबर्याच !
बेरोजगार
©º°¨¨°º© परा ©º°¨¨°º©
फिटावीत जरा तरी जगण्याची देणी, एक तरी ओळ अशी लिहावी शहाणी...
आमचे राज्य
23 May 2009 - 1:20 pm | अवलिया
वा! मस्त हो केसुशेट !!
--अवलिया
23 May 2009 - 3:33 pm | दत्ता काळे
कविता करीत जातो कडवी पाहत नाही
हा मोह लेखनाचा, की रोजगार नाही ?
. . . हे खरंच आहे.
23 May 2009 - 5:48 pm | प्रियाली
मस्त!!! :)
23 May 2009 - 6:02 pm | नितिन थत्ते
प्रतिभेस केशवाच्या काही लिमीट नाही
खराटा
(रंग माझा वेगळा)
23 May 2009 - 11:51 pm | राघव
तसं आता हे ठरलेलंच असतं.. केसुंचे विडंबन वाचायचे अन् हसता हसता पुरेवाट करून घ्यायची!!!
लय भारी... ब्येश्टेश्ट!!
राघव
25 May 2009 - 1:01 pm | केशवसुमार
प्रतिसाद देणार्या आणि प्रतिसाद न देणार्या सर्व वाचकांचे मनापासून आभार!!
(आभारी)केशवसुमार