प्रतिसाद पाहुनी मी झालो पसार नाही

आमची प्रेरणा मिलिंद फणसे यांची अप्रतिम रचना पाहून वादळाला झाला पसार नाही

प्रतिसाद पाहुनी मी झालो पसार नाही
मी कोडगा कवी जो विझण्या तयार नाही?

गेले अनेक वाचक सांगून रोज मजला
पण बंद लेखणी मी करण्या तयार नाही!

कवितेत रोज लिहितो मी काहणी 'मनोहर'
वृतात खरडले पण प्रतिसाद फार नाही!

कविता करीत जातो कडवी पाहत नाही
हा मोह लेखनाचा, की रोजगार नाही ?

थकतील वाचणारे मुक्ताफळांस माझ्या
ह्या शब्द-सागराला पण अंत, पार नाही

मी का न बडबडावे प्रस्थापितांप्रमाणे?
मी शाहजोग आहे! करतो विचार? नाही!!

गझलेत "केशवा"च्या , ना गझलियत जरा ही
ह्याच्या परीस कोणी इतका सुमार नाही

धिक्कार खूप झाला, वरती निषेध सुद्धा
वृतीत, "केशवा"च्या झाला सुधार नाही

लेखनविषय:	विडंबन

वाचने 2802

प्रतिक्रिया 15

प्रतिक्रिया

:)

प्रा.डॉ.दिलीप बिरुटे शुक्रवार, 22/05/2009 21:15

वरीजनलपेक्षा भारी !

धिक्कार खूप झाला, वरती निषेध सुद्धा
वृतीत, "केशवा"च्या झाला सुधार नाही

हे मात्र खरं आहे ! :) (ह. घ्या )

-दिलीप बिरुटे

अबाबाबाबा...

श्रावण मोडक शुक्रवार, 22/05/2009 21:28

केशवा, एका विडंबनातून एकाचवेळी किती 'पक्षी' मारावेत याला काही 'सुमार'?
विडंबन मस्तच.

मस्तच हो गुर्जी!

चतुरंग शुक्रवार, 22/05/2009 22:22

बे'सुमार' विडंबन! ;)

चतुरंग

जबर्दस्त!

क्रान्ति शुक्रवार, 22/05/2009 22:46

थकतील वाचणारे मुक्ताफळांस माझ्या
ह्या शब्द-सागराला पण अंत, पार नाही

१००% सहमत!!!!!!!!!!!! धमाल विडंबन!
क्रान्ति
***मन मृदु नवनीत | मन अभेद्य कातळ
मन भरली घागर | मन रिकामी ओंजळ***
अग्निसखा