शुभ दसरा

विजयादशमीच्या सर्वांना अनेक शुभेच्छा =))

शुभशकुनांच्या पावलांनी
किरण सोनेरी येती घरा
अवगुण अंतरीचे मिटवूनी
करू सत्याचा विजय साजरा

दारी सजवू मांगल्याचे तोरण
दुःखक्लेशास न मिळो थारा
विवेकबुद्धीने करून आचरण
लाभो शक्ती दुष्टमतीच्या संहारा

नवविचारांचे जमवूनी सखेसोबती
पेटवुया जुनाट रीतींच्या अंधारा
जन्मू दे नवी उमा दुर्गा सरस्वती
स्वप्न यशाचे तरच येईल आकारा