धुसफूस भावनांची विसरू कधीतरी
जरी आठवून ढाळू अश्रू कधीतरी
आणू कुठून सांगा शोधून एक मित्र
जो ना म्हणेल कधीही 'भेटू कधीतरी'
मग मोट अनुभवांची बांधू कधीतरी
संधी पुढे आम्हीही साधू कधीतरी
जैसे तुम्ही करावे, तैसेच भरावेही
होईल हे तुम्हाला, लागू कधीतरी
आम्हासही कधी, पुसतील लोक सारे
आम्हीही मग अलिप्त, राहू कधीतरी
कक्षा जरी स्वतःच्या जाणू सदा तरी
आकाश बंधनांचे भेदू कधीतरी
आहोत तेच आपण, जाणू कधीतरी
'तो' मी कधीतरी, 'तो' तू कधीतरी
मागू आम्हास आम्ही काहीच ना अपूर्व
कुण्या चेह-यास हासू मागू कधीतरी
प्रतिक्रिया
17 Jul 2013 - 7:32 pm | मिसळलेला काव्यप्रेमी
आवडले.
18 Jul 2013 - 1:34 am | निनाव
khoop chhaan!
18 Jul 2013 - 9:10 am | वेल्लाभट
अनेक आभार, निनाव
18 Jul 2013 - 9:10 am | वेल्लाभट
धन्यवाद, काव्यप्रेमी जी.
17 Jul 2013 - 10:15 pm | चाणक्य
२ रा आणि ५ वा शेर विशेष आवडले.
18 Jul 2013 - 2:03 pm | वेल्लाभट
@ चाणक्यः अनेक आभार!