घायाळ पापण्यांनी मैफ़ील सोडताना
नाही जमेस काही आयुष्य मोजताना
भाळून चालते का लाटेवरी कुणाच्या
काळीज सागराचे घेऊन हिंडताना
ना घातली हवा तू राखेस एकदाही
सारी हयात गेली अंगार शोधताना
आहेत कान त्यांच्या भिंतीस जाणतो मी
आवाज होत नाही स्वप्नात बोलताना
होतो बर्याचदा मी माझाच हाडवैरी
बेभान अक्षरांचे आसूड ओढताना
- उपटसुंभ
प्रतिक्रिया
23 Jan 2013 - 4:23 pm | स्पंदना
अप्रतिम.
सुरेख! सुरेख!! उपटसुंभ!
23 Jan 2013 - 4:43 pm | धमाल मुलगा
काय एकेक शेर आहे देवा...शरच जणु. मोजुन दोन मिनिटात काळजात उलथापालथ झाली!
तसा मी काव्यप्रकारांच्या वार्यालाही न थांबणारा, पण खरं सांगतो, नुसत्या शिर्शकानं हलवून सोडलं मला अन आपसुकच धागा उघडला
साला, ओळीओळीतलं दर्द. उरात झिरपलं!
जियो! जियो!! .
23 Jan 2013 - 7:23 pm | मिसळलेला काव्यप्रेमी
उपटसुंभ साहेब, बारामतीकरांचा प्रतिसाद लाभला या गझलला, सोन झालं गझलेच.
23 Jan 2013 - 7:54 pm | शुचि
रसिक आहेस :)
23 Jan 2013 - 4:49 pm | अभ्या..
व्वा.
अतिशय सुरेख.
अपर्णातैची परवानगी न घेता त्यांची स्वाक्षरी वापरुन एवढेच म्हणेन
शब्दांना नसते दु:ख, शब्दांना सुखही नसते ।
ते वाहतात जे ओझे, ते तुमचे माझे असते ॥
23 Jan 2013 - 4:50 pm | दत्ता काळे
गझल आवडली.
23 Jan 2013 - 5:34 pm | पैसा
खूप छान लिहिलंय.
23 Jan 2013 - 5:36 pm | मिसळलेला काव्यप्रेमी
आवडली
23 Jan 2013 - 6:10 pm | अग्निकोल्हा
काय बोललात राव! तगडं लिखाण.
23 Jan 2013 - 10:36 pm | जेनी...
स्वारी हं गिल्फुकाका .. पण मी खरच तंगडं लिखान वाचलं
आणि =))
मग तो टिंब अनुस्वार नीट जागेवर ठेवला ... आणि
मग एकदम तगडं लिखान :)
उपट्सुंभ्या खुपच छान रचना शब्दांची .
23 Jan 2013 - 6:37 pm | चाणक्य
अतिशय सुंदर गझल
23 Jan 2013 - 7:24 pm | दादा कोंडके
मस्त गझल.
23 Jan 2013 - 7:51 pm | प्रा.डॉ.दिलीप बिरुटे
आवडली रचना.
-दिलीप बिरुटे
23 Jan 2013 - 7:55 pm | शुचि
दर्दभरी रचना.
23 Jan 2013 - 8:23 pm | कवितानागेश
सुंदर रचना. अजून येउ देत. :)
23 Jan 2013 - 10:28 pm | संजय क्षीरसागर
लगे रहो.
23 Jan 2013 - 11:41 pm | अत्रुप्त आत्मा
झक्कासच लिहिलय....। :-)
समांतर- अशीच एक रचना...अगदी वृत्त साधर्म्य/आणी रचना साधर्म्यही असलेली... :-)
http://www.misalpav.com/node/23352
24 Jan 2013 - 1:33 pm | शैलेन्द्र
फेटा उडवण्यात आलेला आहे..
24 Jan 2013 - 2:09 pm | यश पालकर
व्वा व्वा काय शेर लिहिलाय उत्त्म...
24 Jan 2013 - 8:28 pm | सांजसंध्या
मला ते मिसरा, सानी-मिसरा, मक्ता असलं काही कळत नाही. इतकंच कळलं कि गझल खूपच आवडलेली आहे. मजा आया तो रिप्लाय देने मे कंजुसी नै करनेका :)
25 Jan 2013 - 12:03 pm | क्रान्ति
प्रत्येक शेर सव्वाशेर! अतिशय उत्तम गझल!
25 Jan 2013 - 12:09 pm | धन्या
अप्रतीम गझल.
हा अनूभव घेतला आहे. :(
25 Jan 2013 - 12:11 pm | अद्द्या
:)
25 Jan 2013 - 12:37 pm | मुक्त विहारि
छान लिहिले आहे..
25 Jan 2013 - 1:04 pm | पियुशा
खुप दिवसांनी काव्य विभागात आले अन त्याच सार्थक झाल :)
25 Jan 2013 - 11:22 pm | किसन शिंदे
वाह!!
शिर्षकामूळे धागा आपोआप उघडला जातोय. खरं सांगू, हि रचना तूमच्या आयडीला बिलकूल साजेशी वाटत नाहीये.
28 Jan 2013 - 6:20 pm | दादा कोंडके
कसं काय? रचनेच्या सौंदर्याबद्दल दुमत नहिये पण इतर कोणत्याही धाग्यावर प्रतिसाद न देता बक्ककरून कविता टाकणारा आयडी उपटसुंभ का असू नये बरं? उपटसुंभचा दुसरा अर्थ आहे काय?
29 Jan 2013 - 3:01 pm | उपटसुंभ
त्याचं काय आहे दादा, आम्ही वरचेवर हॉटेलात येत नाही. येतो ते असे मधेच आणि काहीबाही टाकून (इथे अर्थ पोस्ट करून, भलता अर्थ नको :)))निघून जातो. नियमीत येणं नसल्यामुळे फारशी ओळखही नाही इथे कुणाशी. त्यामुळे हे सगळं उपटसुंभपणाला साजेसं वर्तन आहे.
बाकी माहिती खात्यावर कळेलच..!
आता नियमीतपणे येण्याचा प्रयत्न करु.
27 Jan 2013 - 12:47 am | इन्दुसुता
अतिशय आवडली... प्रतिसादात आणखी लिहिण्यासाठी काळीज जागेवर नाही ...
29 Jan 2013 - 7:14 am | मनीषा
सुंदर गझल ..
+१
29 Jan 2013 - 3:18 pm | हासिनी
सुरेख!!
19 Mar 2013 - 11:04 am | सुमीत भातखंडे
अप्रतिम रचना