Skip to main content

घायाळ पापण्यांनी मैफ़ील सोडताना

लेखक उपटसुंभ यांनी बुधवार, 23/01/2013 16:18 या दिवशी प्रकाशित केले.
घायाळ पापण्यांनी मैफ़ील सोडताना नाही जमेस काही आयुष्य मोजताना भाळून चालते का लाटेवरी कुणाच्या काळीज सागराचे घेऊन हिंडताना ना घातली हवा तू राखेस एकदाही सारी हयात गेली अंगार शोधताना आहेत कान त्यांच्या भिंतीस जाणतो मी आवाज होत नाही स्वप्नात बोलताना होतो बर्‍याचदा मी माझाच हाडवैरी बेभान अक्षरांचे आसूड ओढताना - उपटसुंभ
काव्यरस
मराठी गझल
लेखनविषय:
वाचने 5166
प्रतिक्रिया 32

प्रतिक्रिया

धमाल मुलगा बुधवार, 23/01/2013 16:43
काय एकेक शेर आहे देवा...शरच जणु. मोजुन दोन मिनिटात काळजात उलथापालथ झाली! तसा मी काव्यप्रकारांच्या वार्यालाही न थांबणारा, पण खरं सांगतो, नुसत्या शिर्शकानं हलवून सोडलं मला अन आपसुकच धागा उघडला साला, ओळीओळीतलं दर्द. उरात झिरपलं! जियो! जियो!! .

मिसळलेला काव्यप्रेमी बुधवार, 23/01/2013 19:23
उपटसुंभ साहेब, बारामतीकरांचा प्रतिसाद लाभला या गझलला, सोन झालं गझलेच.

शुचि बुधवार, 23/01/2013 19:54
नुसत्या शिर्शकानं हलवून सोडलं मला अन आपसुकच धागा उघडला
रसिक आहेस :)

अभ्या.. बुधवार, 23/01/2013 16:49
व्वा. अतिशय सुरेख. अपर्णातैची परवानगी न घेता त्यांची स्वाक्षरी वापरुन एवढेच म्हणेन शब्दांना नसते दु:ख, शब्दांना सुखही नसते । ते वाहतात जे ओझे, ते तुमचे माझे असते ॥

अग्निकोल्हा बुधवार, 23/01/2013 18:10
आहेत कान त्यांच्या भिंतीस जाणतो मी आवाज होत नाही स्वप्नात बोलताना
काय बोललात राव! तगडं लिखाण.

जेनी... बुधवार, 23/01/2013 22:36
स्वारी हं गिल्फुकाका .. पण मी खरच तंगडं लिखान वाचलं आणि =)) मग तो टिंब अनुस्वार नीट जागेवर ठेवला ... आणि मग एकदम तगडं लिखान :) उपट्सुंभ्या खुपच छान रचना शब्दांची .

अत्रुप्त आत्मा बुधवार, 23/01/2013 23:41
झक्कासच लिहिलय....। :-) समांतर- अशीच एक रचना...अगदी वृत्त साधर्म्य/आणी रचना साधर्म्यही असलेली... :-) http://www.misalpav.com/node/23352

यश पालकर गुरुवार, 24/01/2013 14:09
होतो बर्‍याचदा मी माझाच हाडवैरी बेभान अक्षरांचे आसूड ओढताना
व्वा व्वा काय शेर लिहिलाय उत्त्म...

सांजसंध्या गुरुवार, 24/01/2013 20:28
मला ते मिसरा, सानी-मिसरा, मक्ता असलं काही कळत नाही. इतकंच कळलं कि गझल खूपच आवडलेली आहे. मजा आया तो रिप्लाय देने मे कंजुसी नै करनेका :)

धन्या शुक्रवार, 25/01/2013 12:09
अप्रतीम गझल.
घायाळ पापण्यांनी मैफ़ील सोडताना नाही जमेस काही आयुष्य मोजताना
हा अनूभव घेतला आहे. :(

किसन शिंदे शुक्रवार, 25/01/2013 23:22
वाह!! शिर्षकामूळे धागा आपोआप उघडला जातोय. खरं सांगू, हि रचना तूमच्या आयडीला बिलकूल साजेशी वाटत नाहीये.

दादा कोंडके सोमवार, 28/01/2013 18:20
तूमच्या आयडीला बिलकूल साजेशी वाटत नाहीये.
कसं काय? रचनेच्या सौंदर्याबद्दल दुमत नहिये पण इतर कोणत्याही धाग्यावर प्रतिसाद न देता बक्ककरून कविता टाकणारा आयडी उपटसुंभ का असू नये बरं? उपटसुंभचा दुसरा अर्थ आहे काय?

उपटसुंभ मंगळवार, 29/01/2013 15:01
त्याचं काय आहे दादा, आम्ही वरचेवर हॉटेलात येत नाही. येतो ते असे मधेच आणि काहीबाही टाकून (इथे अर्थ पोस्ट करून, भलता अर्थ नको :)))निघून जातो. नियमीत येणं नसल्यामुळे फारशी ओळखही नाही इथे कुणाशी. त्यामुळे हे सगळं उपटसुंभपणाला साजेसं वर्तन आहे. बाकी माहिती खात्यावर कळेलच..! आता नियमीतपणे येण्याचा प्रयत्न करु.