ओंकाराची नाडीपरिक्षा

हा लेख वाचूनही नाडीवर विश्वास ठेवणारे असतील तर त्यांना अंधश्रद्ध म्हणावं नाही तर काय म्हणावं?

राजेश

घाटपांडे साहेब्,तुम्ही नाडीवाल्यान्ची नाडी ढीली करून त्यांची चड्डी काढली आहे...!!!

--नसूनही असलेला चक्रम कैलास...!!

ओक साहेबांच्या नाडी शास्त्राला जवळ जवळ सर्वच जण विरोध करताहेत आणि या विरोधकांच्या bandwagon मध्ये फलज्योतिषवाले देखिल सामिल आहेत. हे फलज्योतिष तरी शास्त्र आहे का?

शास्त्राचा मूळ निकष म्हणजे कुठलीही गोष्ट ही नियमां मध्ये अथवा सूत्रांमध्ये बांधलेली असावी आणि repeatable असावी. उदाहरणार्थ झाडावरुन पडणारं सफरचंद हे प्रत्येकवेळी खालीच पडणार.

मलातरी दोन्ही थोतांडच वाटतात.

नंदू

प्रत्येकाचे आयुष्य हा एक विधात्याच्या कथेवर बेतलेला सिनेमा आहे. त्यामुळे तो जसा दिसेल तसा बघावा. आधीच पुढची स्टोरी जाणण्याचा प्रयत्न करु नये. त्यामुळे नाडी, फलज्योतिष हे खरे असेल वा थोतांड. आपले विधिलिखित आपण बदलू शकत नाही तर कशाला हा खटाटोप ?

हर शख्सको अपना बनाके देख लिया
मिलेंगे ना किसीसे ये दिलमें ठानी है|

फलज्योतिषाचा विषय काढून उगाचच मुख्य चर्चा भरकटू देवू नका.
फलज्योतिष (?) साठी वेगळा धागा आधीच निघालेला असेल.

बाकी नाडीवाल्यांनी आता त्याच्या नाड्या आवळून वरती विज्ञानाचा पट्टा आवळावा.

घाटपांडे काकांचा प्रयत्न स्पृहणीय आहे. आता हे नाडीवाले नाडी पहायला येणार्‍यांना "तुम्ही नाडी सोडून विवस्त्र नाडी पहायला यावे" असे म्हणायला सुरूवात करतील बघा. किमानपक्षी त्यांची झडती तरी होईल किंवा आमच्या महर्षींना हे मान्य नाही असे म्हणतील.

हे एक पोट भरण्याचे साधन आहे हे का मान्य करत नाही.

डायबेटीस विरुद्ध लढा

महाराष्ट्र भाषा असे मराठी | घालीतसे लाथ नडणार्‍यांच्या कटी||

महाराष्ट्र संतकवी पाषाणभेद
शके १५६३

>> बाकी श्री घाटपांडे विरुद्ध ओक...वैचारिक सामने रंगतदार होत आहेत

सहमत...सामना निश्चितच रंगला आहे

श्री घाटपांडे यांनी 'पाट' काढला आहे...आता 'पलटी' होते का 'चितपट ' :?

पै. नाडीरत्न: आवळे-सोडे

***************************************************
दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

ओकाची नाडी ग्रंथ परीक्षा ?

नुकताच ओंकार पाटलांच्या नाडी परीक्षेचा लेख पुन्हा वाचनात आला. खरेतर यावर त्यांच्या लेखातील फोलपणा दाखवून देणारा लेख मी पुर्वीच प्रकाशित केला आहे. तरीही काही नव्या वाचक लोकांच्या समाधानासाठी खालील विचार व्यक्त करत आहे.

ओंकारांनी नाडी ग्रंथांना खोटे ठरवायला काय परीक्षा केली ?

१) तांबरमच्या नाडीकेंद्रात जाऊन एक टेप रेकॉरेडर लपवून नाडी पट्टीच्या अगदी पहिल्या विचारणेपासून रेकॉर्ड केलेले संभाषण लेखाच्या रुपात सादर केले.
२) त्या विचारणेतून मिळालेल्या माहितीतील माहितीच पुन्हा आपणांस एका विशिष्ठ ताडपट्टीतून आली आहे असे भासवून सांगण्यात आले, असा त्यांचा दावा आहे.
३) शिवाय गिंडीतील एका केंद्रातील माहितीतून त्यांना नाडीग्रंथांबद्दल काय वाटले ते त्यांनी शेवटी सादर केले

आपल्या लेखात ओंकारांनी वाचकांना काय काय उल्लेखले नाही

* नाडी वाचकाबरोबर झालेले सर्व संभाषण 'चोरून' टेप करायची काही गरज नव्हती. कारण त्यांच्या टेबलावर टेप रेकॉर्डर सदैव असतोच. तोच त्यांना पहिल्यापासून चालू ठेवायला विनंती करून टेपरेकॉर्डिंगचे काम करता आले असते का नाही?
* त्यांना त्यांची पट्टी सापडली म्हटल्यावर त्यांच्यासाठीचा ताडपट्टीतून लिहून आलेला मजकूर एका ४० पानी वही दिला होता का नाही?.
* त्यानंतर एक भाषांतर केलेली टेपही नंतर दिली गेली होती की नाही?.
त्या टेपमधील मजकुरात, पट्टी शोधायला विचारलेल्या प्रश्नातून मिळालेल्या माहिती शिवाय आणखी काय माहिती पट्टीतून आली हे जाणता आले असते की नाही?.
* ओंकारांनी जो नाडीग्रंथाना खोटे ठरवण्यासाठीचा पुरावा मिळवला होता, त्याची शहानिशा तेथल्या तेथेच करून पहाता आली असती कि नाही?
ओकांना प्रत्यक्ष समोर असताना देखील भेटण्याचे टाळावे असा त्यांच्या सल्लागारांचा मानस असल्याने टाळले गेले की नाही?

* आता जे ओंकारांनी केले ते ओकांनी केले काय़?

* हो. असे संपुर्ण टेप ओकांनी अनेकदा केले होते. नव्हे तो त्यांचा आग्रह असे. नंतर त्यातील फोलपणा लक्षात आल्यावर ते टेप नंतर इतर कामाला वापरले गेले.

जे शोधकार्य ओंकारांनी केले नाही वा फक्त करावे असे सुचवले ते ओकांना केले काय?

1. होय. नाडीपट्टीतील मजकूर वहीत उतरवून घेतला गेल्याची प्रत्यक्ष खात्री झाल्यावर ती वही त्याच व अन्य नाडीकेंद्रातील इतर अनेक वाचकांकडून वाचवून घेतली गेला. त्यांनी तो जशाचा तसा वाचून दाखवला.
2. त्यातऱ्हेच्या अनेक लिखित वह्या नंतर अनेक नाडी ग्रंथांशी मुळीच संबंध नसलेल्या तमिळजाणकारांना दाखवून त्याचे भाषांतर करून घेतले.
3. नाडी केंद्रचालकांच्या सहकार्याने नाडीग्रंथ पट्ट्यांच्या फोटोतून दिसणारा मजकूर व वहीतील मजकूर यांची खात्री केली.
4. नाडीपट्ट्यात जन्मकालच्या ग्रहपरिस्थिचे वर्णन खरोखर कसे केलेले असते का ? अंगठ्यांच्या ठशांचे वर्णन कसे दिलेले असते का? आदीचे पुरावे शोधले गेले.
5. आपल्याकडून माहिती काढून तीच आपल्याला सांगितली जाते हे वरवर तसे 'दिसत' असले तरी तसे नाही कारण नाडी वाचक ताडपट्टीतील मजकूर वहीत लिहून घेऊन 'वाचत' असतो. तो ती पट्टीतून 'वाचतोय' का आधीची मिळवलेली माहिती लक्षात ठेऊन 'सांगतोय' याची पक्की खात्री न करताच फक्त एका व्यक्तीच्या एका ताडपट्टी शोधाच्या ' टेपच्या अनुभवावरून नाडी ग्रंथांना खोटे ठरवण्यात अपप्रचार जास्त व शोधाची तळमळ कमी असे चित्र प्रकट होते.
6. ओंकारांच्या लेखातील मुख्य मुद्याला तो खरा आहे असे मानून हवाईदलातील काही लोकांच्या समावेत एकदा एक प्रात्यक्षिक केले गेले. ओकांनी ते सर्व प्रश्न एका मागून एक (हिंदीतून) वाचले. काहींना त्यातील उत्तरे लिहून नोंद करायला सांगितली तर काहींना नुसतीच आठवणीत ठेवायला सांगितली. त्यातील आलेला निष्कर्ष असा होता - सतत प्रश्नांचा भडिमार करून कोणत्या प्रश्नाला नक्की हो व कोणत्याला नाही म्हटले गेले यातून विचारून मिळवलेली माहिती इतक्या अचुकपणे नुसती लक्षात ठेऊन पुन्हा सांगणे शक्य नाही. तो संपुर्ण प्रात्यक्षिकाचा पुरावा व त्यांच्या विवेचनातून ओंकार वाचकांची दिशाभूल कशी न कळत वा कळत करतात, हे ओकांनी "बोध अंधश्रद्धेचा" पुस्तकातील लेखातून सादर केला आहे.
7. त्यामुळे हा लेख फक्त वाचकांना त्यांनी काढलेल्या निश्कर्षांवर विचार करायला जरूर उद्युक्त करतो. मात्र प्रत्यक्षात नाडी पट्ट्या्वरील शोधकार्य न केले गेल्याने तसा निरुपद्रवी वाटतो आहे.
8. ओंकारांनी कूटलिपीची ढाल करून ही नावे ताडपट्टीत आहेत असे सांगायचा 'गोलमाल करायला' वाव आहे म्हणून भांडारकर सारख्या प्राच्यसंस्थेतील तज्ञांकरवी त्याची तपासणी व्हावी. तशी ती ओकांनी चेन्नईतील प्राच्य संस्थाकेंद्रातून केली आहे. एका फोटोतील 'शशिकांत' हे नाव कसे कोरून लिहिलेले आहे याचे प्रात्यक्षिक सादर केले आहे. धनंजय व हैयोहैयैयोंनी त्यावर आपले सकारात्मक मत नोंदले आहे.
9. हैयोहैयैयोंनी तमिळकुटलिपीवर आधारित लेखातून नाडीपट्टयातील लिपीचा उलगडा करता येतो. ती नाडीवाचकांच्या व्यतिरिक्त ही वाचायला येईल असे सुचवले आहे. ओकांनी त्यांना सवडीने कूटलिपीवर मराठी वाचकांसाठी मिपावरून जास्त प्रकाश टाकावा असे आवाहन केले आहे.
10. ओंकारांनी काही मजकूर, शब्द, नोकरी-व्यवसाय वा अन्य सध्याच्या प्रचलित नवे शब्द संस्कृत मधून आहेत असे भासवून ग्राहकाला प्रभावित केले जात असावे, असा नाडीशब्दांचा एक शब्दकोश तयार करण्याची सुरवात झाली आहे. नाडीतील शंभर तमिळ शब्दांचा एका नमुना कोश २००७साली इन्स्टियुट ऑफ एशियन स्टडीजचे डायरेक्टर ड़ॉ.जी.जॉन सॅमियएल यांच्या हस्ते वितरित केला गेला.
11. ओंकारांनी नाडी ग्रंथात व्यक्तीच्या जन्मदिनांकाचे, जन्मकाळच्या ग्रहस्थितीचे वर्णन नसावे असा त्यांनी कयास बांधला. तो तसा असतो हे सोदाहरण दाखवून देण्यासाठी १७ डिसंबर२००९च्या कथनातील भाग मिपावर सादर केला गेला आहे.
यावरून सुज्ञ वाचकांनी योग्य तो निष्कर्ष काढावा ही विनंती.

नाडी ग्रंथावरील अधिक माहितीसाठी
http://www.naadiguruonweb.org/
शशिकांत

मिपा वर नाडीसंबंधी उलटसुलट चर्चा व एकमेकांवर गरळ ओकत राहणे, यातून काहीही साध्य होणार नाही. नाडीसंबंधाने अरुंधती यांनी सुचवलेले मुद्दे जरी योग्य असले, तरी तश्या प्रकारचा अभ्यास मुळात हा सर्व बनवाबनवीचा प्रकार नाही, हे (मिपाकरांनी विविध नाडीकेंद्रांना स्वतः भेटी देऊन तेथील संभाषण टेप करून) सिद्ध झाले, तरच करणे योग्य व गरजेचे असेल.

या विषयी मिपा सदस्यांना खालील प्रमाणे कार्य करता यावे:

१. यात प्रत्यक्ष सहभागी होऊ शकत असलेल्या सदस्यांची यादी (संपर्क क्रमांक व गावाचे नाव यासह) बनवणे.

२. त्याप्रमाणे कोणकोणत्या नाडीकेंद्रांना भेट देणे सोयीचे होईल, याची यादी बनवणे (तिथले पत्ते, फोन, फी, वगैरे माहितीसह). यात श्री. ओकांचे सहकार्य मोलाचे आहे.

३. जे सदस्य स्वतः नाडीकेंद्रांना भेट देऊ शकत नाहीत, परंतु काही सहभाग देउ शकतात, त्यांनी ते काय करू शकतात, हे कळवावे. उदाहरणार्थ टेप रेकॊर्डर्स ची वा वाहनाची सोय करणे, गरज असल्यास आर्थिक भार उचलणे, नाडी केन्द्रांना फोन करणे, एकंदरीत या प्रकल्पाचे नियोजन, को-ऒर्डीनेशन करणे, वगैरे.

४. नाडी वाचनाचे वेळी व्हिडियो शूटिंग व ऒडियो रेकॊर्डिंग करणे शक्य आहे का, नाडी केन्द्रवाले तसे करू देतील का, हे श्री. ओक यांनी सांगावे. ते तसे करू देत नसल्यास गुप्तपणे करणे भाग आहे. श्री. ओकांनी उल्लेख केलेला केन्द्रवाल्यांचा टेपरेकॊर्डर हा नाडी वाचनाचे वेळी सुरू केला जात असेल. त्यापूर्वी पट्टी शोधताना विचारल्या जाणा‍र्‍या प्रश्नांचे व जातकाने दिलेल्या उत्तरांचे रेकॊर्डिंग केले जाते का (जसे श्री ओंकार पाटील यांनी केले आहे), हे श्री ओक यांनी स्पष्ट केलेले नाही. आपल्या संशोधनाचे दॄष्टीने, तेच जास्त महत्वाचे आहे.

५. त्यानंतर प्रत्यक्ष नाडीकेंद्रांना भेटी देऊन आपापल्या पट्ट्या काढवून त्या संपूर्ण प्रसंगाचे रेकॊर्डिंग करणे. यात काही जातकांना तुमची पट्टी मिळत नाही, असे सांगितले जाईल, तरीही काय संभाषण झाले, याची नोंद करावी.

६. आपण या प्रकाराची चिकित्सकपणे तपासणी करायला आलेलो आहोत, असे नाडीकेंद्र वाल्यांना वाटले, तर ते तुमची पट्टी मिळत नाही, असे सांगून वाटेला लावतील, अशी बरीच शक्यता वाटते, तरी आपण खरोखरच संकटात सापडलेले आहोत, व पट्टीत पापक्षालनार्थ सांगून येणारी धार्मिक कॄत्ये करण्यास उत्सुक आहोत, असा अविर्भाव असावा.

हल्ली मिळणारे अगदी लहान, खिश्यात पेन सारखे अडकवता येणारे रेकॉर्डर्स खूपच सोयिस्कर पडतील. मुख्य म्हणजे यात डिजिटल फ़ाईल्स च्या स्वरूपात रेकॉर्डिंग होत असल्याने ते मिपावर सर्वांना ऐकता येइल.

सहज सुचलेले मुद्दे वर लिहिले आहेत, सर्वच मिपाकर अतिशय सूज्ञ, बुद्धिमान व कर्तबगार असल्याने या विषयी अजून जास्त चांगले नियोजन करून प्रत्यक्ष कार्यास सुरुवात करता येईल.

अन्य काही मुद्दे :
१] प्राप्तीकरविषयक अटी, हिशेब, पावत्या, करभरणी इ. इ. पूर्तता नाडीग्रंथवाचक करतात काय? की करचुकवेगिरी करतात?
२] नाडीग्रंथातील स्वतःची पट्टी बघायला आलेला व फी भरून नाडीपट्टी वाचन करवून घेणारा माणूस भारतीय ग्राहक संरक्षण कायद्या अंतर्गत येतात काय?
३] माहिती अधिकाराखाली ह्या सर्व व्यवसायाची पाळेमुळे खणून काढणे अशक्य आहे काय?
४] त्यांच्या 'उपाया'मध्ये जारण, मारण नसते तर मंत्र, तंत्र, उपचार, यंत्र इ. गोष्टी असतात ह्याकडे आपण लक्ष दिले आहेत काय?
५] नाडीवाचनाचा जर ''प्लासिबो'' इफेक्ट येणार असेल व त्याने वाचन करवून घेणार्‍यास मानसिक फायदा होणार असेल तर त्याला 'सायको थेरपी' म्हणावे काय?

अरुंधती

http://iravatik.blogspot.com/

प्रतिसाद पाहुन (वाचुन नव्हे) भोवळ आली ..

(शुद्धीत येत) ... च्यायला पब्लिकचा वेळ जात नाहीये काय ? काय हो घाटपांडे काका ? काय हो थत्ते काका ? ओकांचं ठिकाय ..त्यांचा फुलटाईम बिजनेस आहे ..

:)

माननीय ओक साहेबांनी लीहीलेले ईतके अभ्यासपुर्ण लेख न वाचता केवळ टींगलटवाळी करण्याचे काही सिनीयर सदस्यांचे चाललेले ऊद्योग पहाता मन दुखावले.

ओक साहेबांचा प्रतीसाद सर्व समर्पक आहे.

संजा.

ओक साहेबांनी केलेले पट्ट्या शोधून काढतानाचे रेकॉर्डिंग मिपावर प्रसिद्ध करावे.

माझ्या मते BSNL काकांनी वापरलेली पद्धत अत्यंत 'अवैज्ञानिक' आहे.
(स्वैपाक्पाण्यातून थोडा वेळ मिळाला तर मीपण अशी लांबलचक प्रश्नोत्तरे लिहून काढेन;)
कुठलाही प्रयोग करताना निदान १०० बिंदू घ्यावेत!
इथे फक्त १च आहे, तोदेखील स्वतःचा = biased!
यांच्या विरुद्ध अनुभव असणारेही अनेक 'बिंदू' सापडतील, ( माझ्याकडे ३, ओकांकडे ५००-६००), त्यांचे काय?
(माझ्या माहितीतल्या एका MD डॉक्टरला तिच्या १८व्या वर्षीच तिची डिग्री आणि तिच्या नवऱ्याचे पूर्ण नाव सांगितले होते.)
शिवाय ते लोक जे काही सांगतील, त्या माहितीचे स्वतः, इतर नातेवाईक, भूत, वर्तमान, भविष्य अशी वर्गवारी करून त्यातील किती टक्के माहिती बरोबर आली याची 'खरी' नोंद करावी.
आम्ही घरातलेच ३ जण एका नाडीकेंद्रात गेले असताना, त्यानी फक्त अंगठ्याचे ठसे घेतले, नंबर्स दिले, नाव कधीही विचारले नाही!
आम्हाला भविष्य सांगणारे बुवा, हिंदी नीट येत असल्याने, फार प्रश्नांच्या भानगडीत पडले नाहीत.
१० दिवसांनी फोन करायला सांगितला, तेंवा देखील आधी स्वतःचे नाव विचारले नाही.
४-५ पत्त्यांपैकी कुठली जुळते, ते पाहण्यासाठी फक्त आई आणि वडलांच्या नावातील अक्षरांची संख्या विचारली!
त्यांनी माझ्या आईला पहिला प्रश्न विचारला, तुमच्या आईची २ नावे आहेत का? हो म्हटल्यावर विचारले, १ दोन अक्षरी आणि १ चार अक्षरी आहे का?
हो म्हटल्यावर दोन्हीही नावे त्यांनीच सांगितली, तीसुद्धा बरोबर. यावरून त्यांनी ४-५ पैकी १ पट्टी 'फायनल' केली.त्यानंतर
बुवा: वडिलांचे नाव ३ अक्षरी आहे का?
आई: नाही. ४ अक्षरी.
बुवा: नाही. ३ अक्षरीच आहे. पहिले जोडाक्षर आहे.
आई: ( कपाळावर आठ्या!) ( मनात: आगाउच आहे हा बुवा!)
बुवा: पहिले अक्षर त, न, म आहे का?
आई: हो . न.
बुवा: ३ अक्षरीच नाव आहे.
आई: (जास्त आठ्या)
मी: ( मध्येच तोंड खुपसून) दुसरे अक्षर काय?
बुवा: दुसरे स, तिसरे ह .
मी: बरोबर आहे. नृसिंह !
गम्मत म्हणजे, आम्ही सगळे आजोबांचे नाव नरसिंह असे सांगतो, आजोबा स्वतः मात्र, 'नृसिंह' असेच सांगायचे व लिहायचे.
थोडक्यात बुवांना /महर्षी ना जास्त नीट माहिती होती आमच्यापेक्षा !
पुढे..
बुवा: तुम्ही ८ भाऊ बहिणी, ४ भाऊ ४ बहिणी.
आई: ( आठ्या!) नाही.
बुवा: १ भाऊ गेला.
आई: ( मनात: कशाला रे मेल्या अभद्र बोलतोस!) नाही.
बुवा: तुमच्या आईची ८ बाळंतपणे झाली आहेत असे इथे लिहिलेय.
आई: खरेच की. (first son was still born!)
बुवा: तुम्हाला भावाबहिणींची खूप मदत आहे.. .....etc. etc.
आई: होय.होय........
-------------------------
सांगायचा मुद्दा हा, कि आपली स्वतःचीच स्वतःबद्दलची माहिती काही वेळेस कमी पडते.
कदाचित BSNL काकांच्या बाबतीतही असे झाले असेल,
तेंव्हा उत्सुक व्यक्तींनी ती नीट घेऊन मगच प्रयोग करायला जावे.
आम्हाला भविष्य सांगणारे बुवा, हिंदी नीट येत असल्याने, फार प्रश्नांच्या भानगडीत पडले नाहीत. त्यामुळे 'भविष्यकथन' मिळवणे सोपे झाले.
त्यांनी जो काही भूतकाळ आणि वर्तमान सांगितला तो तिघांच्याही बाबतीतला अगदी खरा ठरला,
भविष्य काल आईच ७० %, दादाचा ७० % आणि माझा ( माझ्या 'अक्कलहुशारीने'!!? ) ५० % इतकाच खरा ठरला.
त्यांनी १५ वर्षांनी परत याल, मग पुढचे वाचन करता येईल, आत्ता 'आज्ञा' नाही असे सांगितले.
याचा मात्र मला खूप राग आला!
मला स्वतःला तरी कुठेच फसवाफसवी जाणवली नाही
पण फी खूप घेतात असे मात्र वाटले.
आधीच अडचणीत असलेले लोक भविष्य बघायला येतात, त्यांच्याकडून पुन्हा २-४ हजार रुपये घेऊन व तितक्याच रुपयांच्या पूजा-अर्चा सांगून त्यांना अजून अडचणीत टाकणे योग्य नाही असे मला प्रामाणिकपणे वाटते.
इथे सगळ्याच गोष्टी लिहिणे आत्ता शक्य नाही.
पण मी मारलेला १ स्टंट मात्र त्यांनी मला सांगितला. तो फक्त माझ्या एका मैत्रिणीला माहित होता, आणि त्यांनी मला, 'तू 'असे असे' केलास का बाळा, म्हणून प्रश्न विचारला असता तर मी सरळ 'अजिबात नाही' म्हणून खोटे सांगून मोकळी झाले असते.
पण एकदा पट्टीची खात्री झाल्यानंतर त्यानी एकही प्रश्न विचारला नाही, declare करायला सुरुवात केली.
आता मी बिनधास्त सांगते, कि मला नाही नाही ते जीवावरचे खेळ करायची सवय आहे, आणि त्यातून मी सहीसलामत वाचते!! ( ४ पायांवर,अलगद, माउसारखी!)
हे तिकडे कसे काय लिहून आले कुणास ठाऊक?
थोडक्यात मी नाडी शास्त्राला थोतांड म्हणण्याचा करंटेपणा कधीच करणार नाही.
पण पुन्हा ना जाण्याचा नक्कीच करेन!
कारण हे लोक पैशाचा अति हव्यास करून आणी हिंदी, इंग्लिश, भाषा नीट ना शिकून त्यांच्याच हातात असलेल्या एक अत्यंत उपयोगी शास्त्राचे नुकसान करत आहेत.

============
माउ

१ किंवा २ व्यक्तींच्या नाडीपट्टी पाहून फक्त त्यावरून काढलेले निष्कर्ष तोटके व त्रुटीपूर्ण आहेत. नाडीपट्टी हुडकून काढताना जे प्रश्न विचारले गेले [उदा आई-वडील हयात, भावंडे इ.इ.] हे व त्यांची उत्तरे नाडीवाचकाने रेकॉर्ड केली होती काय? जर तसे नसले तर सुमारे १५० पेक्षा जास्त प्रश्नांची उत्तरे त्यांनी कशी ''लक्षात'' ठेवली ह्या गूढ-रहस्याबद्दल त्यांचा सत्कारच करावा लागेल! [मला समोरच्या व्यक्तीचे नाव ती व्यक्ती नवीन असेल तर १५ मिनिटांनी लक्षातही राहात नाही... आणि इथे आई-बापाचे नाव, भावंडांची संख्या - लिंग - विवाहित्/अविवाहित, मृत्/जिवंत, जातकाचे नाव - वय - जन्मतारीख-साल, शिक्षण, विवाहित्/अविवाहित, व्यवसाय, पत्नीचे नाव, शिक्षण, व्यवसाय/नोकरी, अपत्ये, संख्या, लिंग, राहते घर, इस्टेट, जमीन-जुमला, कोर्ट कचेरी इ. इ. इ. सर्व तपशील एका झटक्यात लक्षात ठेवले म्हणताय?] आहे बुव्वा! कोठे आहेत ते नाडीवाचक? त्यांचे जरा पाय धरावे म्हणते मी! :-)

नाडीपट्ट्यांचे ओंकार पाटील यांच्या नाडीवरून काढलेले निष्कर्ष संपूर्ण नाडीग्रंथांवर अन्यायकारक वाटतात. केवळ एका नाडीपट्टीवरून तुम्ही हजारो लोकांच्या नाडीपट्टीत आलेले कथन खोटे ठरवणार?

त्यासाठी, सप्रमाण सिध्द करण्यासाठी नमुना म्हणून किमान ५० ते १०० नाडीपट्ट्यांचे, त्यांतील किती टक्केवारी भविष्य/भूत्/वर्तमान हे बरोबर्/चूक निघाले इत्यादी सरासरी/आलेख काढलात तर त्या आकडेवारीने आपल्या वक्तव्यास पुष्टी येईल. अन्यथा चमत्कृतीपूर्ण कथाकथनासारखेच आपले निष्कर्षही एकाच व्यक्तीच्या नाडीपट्टीसाठी लागू होतात असे सखेद म्हणावे लागेल.

<< श्रद्धा -अंधश्रद्धा यांचा विचार करताना खरा प्रश्न येतो ते विधायक अथवा विघातक श्रद्धा याचा. ज्या श्रद्धा बाळगल्याने समाजाचे काही नुकसान होत नाही अशा श्रद्धा बाळगल्यास त्यास हरकत नसते. (अर्थात तात्विक पातळीवर वाद-संवाद घडताना त्याला देखील हरकत असते असे मात्र आढळते) >>

ही हरकत कोणाची? भारतीय संविधानाची? कायद्याची? की अजून कोणाची?

हे नुकसान/ फायदा कोण ठरवणार? जनता? अंनिस? कायदा? सरकार? कोण?

तात्विक वादात मी नुकसान हा फायदा कसा व फायदा हे नुकसान कसे हे सिध्द करू शकते. कारण ते सापेक्ष आहेत.
पण ह्या नुकसान/ फायद्याची कायदेसंमत काही व्याख्या आहे काय? की केवळ त्याला तर्काचीच पुष्टी? जर फायदा-नुकसानीचीच भाषा करायची तर ते भौतिक, शारीरिक, मानसिक, आर्थिक, आध्यात्मिक....नक्की कोणत्या पातळीवरील नुकसान/ फायदा?

ज्या श्रध्दा/ अंधश्रध्दा कायद्याने असंमत आहेत, गैर आहेत त्यांवर थेट कायदेशीर कारवाई करता येतेच की! मग त्यासाठी वेगळे प्रबोधन कितपत उचित आहे? फक्त अमुक अमुक गोष्ट ही कायद्याने गैर आहे, त्यात भाग घेतल्यास तुम्हाला कायदेशीर शिक्षा होऊ शकते एवढा प्रसार पुरेसा नाही काय?

आणि जिथे जिथे शोषण होत आहे, गैरफायदा घेतला जात आहे तिथे तिथे सप्रमाण तसे सिध्द केल्यास कायदा काहीच करू शकत नाही का ?

अरुंधती

http://iravatik.blogspot.com/

अनेक वर्षांपूर्वी तांबरम मधील नाडीकेंद्रात श्री. ओक यांना आमची नाडी सापडली होती....
त्यावेळी आम्ही तेथे हजर नसल्याने पट्टी शोधताना कोणकोणती माहिती दिली गेली, हे ठाऊक नाही.
त्यात जी नावे "लिहून" आली होती, त्यात आईचे नाव चूक होते (आईचे व पत्नी चे नाव एकच आले होते)

पट्टीत भूतकाळ व भविष्य काळ काहीही लिहिलेला नव्हता.
पूर्वजन्मीच्या पापकॄत्यांमुळे या जन्मी त्रास, बदनामी होईल, वगैरे होते. त्यासाठी परिहार व दीक्षा कांडम वेगळी फी भरून काढवावे लागणार होते, ते आम्ही केले नाही.

याशिवाय ज्ञान-कांडम काढवले होते, त्यातील मजकूर पोरकट होता, थक्क होण्यासारखे काहीही सांगितले गेले नव्हते.
यासाठी घेतली गेलेली फी त्या काळच्या मानाने खूपच जास्त वाटली होती.
या गोष्टीला फार वर्षे झाली..... ती वही व कॅसेट (यात पट्टी शोधतानाची प्रश्नोत्तरे नव्हती) सापडल्यास मिपावर देऊच.