ओंकाराची नाडीपरिक्षा

आता काय म्हणायचं तुम्हाला? अगदीच अवैज्ञानिक ब्वॉ तुम्ही... किती नीट आणी वैज्ञानिक पद्धतीने भविष्य सांगितले जाते बघा... आणि तुमच्यासारखे लोक त्यात खोट काढत बसता. बिपिन कार्यकर्ते

आणि चड्डी काढून ** आवळल्या आहेत. तरी बरे. त्यांनी दोन केंद्रांचा अनुभव सांगितला आहे. नाहीतर ओकांनी "त्या विशिष्ट नाडीकेंद्रावर असे होत असेल" अशी सारवासारव केली असती. नितिन थत्ते (शु सुधारक संपादकांना सूचना : माझ्या लेखनात शुद्धलेखनाच्या चुका आढळल्यास ते दुरुस्त केले जावे. माझी हरकत नाही. मात्र ते दुरुस्त केल्या जाऊ नये)

आपले विधिलिखित आपण बदलू शकत नाही तर कशाला हा खटाटोप ? अगदी मनातलं बोललात...! बाकी श्री घाटपांडे विरुद्ध ओक...वैचारिक सामने रंगतदार होत आहेत. थांबवू नका चालू ठेवा...! :) -दिलीप बिरुटे [काठावर बसलेला]

सदर प्रतिसादाचा विषय आवडला: "ओकाची नाडी" बाकी चालू द्या. अदिती

प्रतिसाद वाचून ह ह पु वा. >>१. होय. नाडीपट्टीतील मजकूर वहीत उतरवून घेतला गेल्याची प्रत्यक्ष खात्री झाल्यावर ती वही त्याच व अन्य नाडीकेंद्रातील इतर अनेक वाचकांकडून वाचवून घेतली गेला. त्यांनी तो जशाचा तसा वाचून दाखवला. नाडीपट्टीतील मजकूरच वहीत लिहिला आहे का? याची शहानिशा दहा लोकांकडून (नाडीकेंद्रा बाहेरच्या) करून घ्यायला हवी होती. >>2. त्यातऱ्हेच्या अनेक लिखित वह्या नंतर अनेक नाडी ग्रंथांशी मुळीच संबंध नसलेल्या तमिळजाणकारांना दाखवून त्याचे भाषांतर करून घेतले. पुन्हा वह्यांचे भाषांतर कशाला? त्या वह्यांमध्ये नाडीपट्टीवरचा मजकूरच होता हे कोण तपासणार? >>3. नाडी केंद्रचालकांच्या सहकार्याने नाडीग्रंथ पट्ट्यांच्या फोटोतून दिसणारा मजकूर व वहीतील मजकूर यांची खात्री केली. ओके. पण नाडीपट्ट्या प्रत्यक्ष पाहिल्या का? >>4. नाडीपट्ट्यात जन्मकालच्या ग्रहपरिस्थिचे वर्णन खरोखर कसे केलेले असते का ? अंगठ्यांच्या ठशांचे वर्णन कसे दिलेले असते का? आदीचे पुरावे शोधले गेले. कसे शोधले? >>5. आपल्याकडून माहिती काढून तीच आपल्याला सांगितली जाते हे वरवर तसे 'दिसत' असले तरी तसे नाही कारण नाडी वाचक ताडपट्टीतील मजकूर वहीत लिहून घेऊन 'वाचत' असतो. तो ती पट्टीतून 'वाचतोय' का आधीची मिळवलेली माहिती लक्षात ठेऊन 'सांगतोय' याची पक्की खात्री न करताच फक्त एका व्यक्तीच्या एका ताडपट्टी शोधाच्या ' टेपच्या अनुभवावरून नाडी ग्रंथांना खोटे ठरवण्यात अपप्रचार जास्त व शोधाची तळमळ कमी असे चित्र प्रकट होते. जेव्हा आपणच दिलेल्या माहितीव्यतिरिक्त काहीही माहिती मिळाली नाही असे दिसते तेव्हा आणखी काय समजायचे? एक अनुभव नसून दोन अनुभव आहेत. >>6. ओंकारांच्या लेखातील मुख्य मुद्याला तो खरा आहे असे मानून हवाईदलातील काही लोकांच्या समावेत एकदा एक प्रात्यक्षिक केले गेले. ओकांनी ते सर्व प्रश्न एका मागून एक (हिंदीतून) वाचले. काहींना त्यातील उत्तरे लिहून नोंद करायला सांगितली तर काहींना नुसतीच आठवणीत ठेवायला सांगितली. त्यातील आलेला निष्कर्ष असा होता - सतत प्रश्नांचा भडिमार करून कोणत्या प्रश्नाला नक्की हो व कोणत्याला नाही म्हटले गेले यातून विचारून मिळवलेली माहिती इतक्या अचुकपणे नुसती लक्षात ठेऊन पुन्हा सांगणे शक्य नाही. तो संपुर्ण प्रात्यक्षिकाचा पुरावा व त्यांच्या विवेचनातून ओंकार वाचकांची दिशाभूल कशी न कळत वा कळत करतात, हे ओकांनी "बोध अंधश्रद्धेचा" पुस्तकातील लेखातून सादर केला आहे. सर्वसामान्य लोकांना लक्षात ठेवता येणे आणि विशिष्ट प्रकारे ट्रेन झालेल्याला लक्षात राहणे हे वेगळे नाही का? जसे हॉटेलातल्या कोणत्या टेबलावरील कोणत्या व्यक्तीने कायकाय ऑर्डर दिली त्यातले काय काय देऊन झाले आणि काय राहिले हे वेटरच्या लक्षात राहते. तुम्हाला एखादे दिवशी असे हॉटेलात सोडले तर तुमच्या ते लक्षात राहणार नाही. म्हणजे ते लक्षात ठेवता येत नाही असे नाही. >>7. त्यामुळे हा लेख फक्त वाचकांना त्यांनी काढलेल्या निश्कर्षांवर विचार करायला जरूर उद्युक्त करतो. मात्र प्रत्यक्षात नाडी पट्ट्या्वरील शोधकार्य न केले गेल्याने तसा निरुपद्रवी वाटतो आहे. तुम्हाला ते नाडीपट्टीवाले पट्ट्या दाखवायला तयार असतात असे दिसते. म्हणून तुम्हाला सहकार्य करण्याचे आवाहन केले असता तुम्ही ते नाकारल्याचे स्मरते. >>8. ओंकारांनी कूटलिपीची ढाल करून ही नावे ताडपट्टीत आहेत असे सांगायचा 'गोलमाल करायला' वाव आहे म्हणून भांडारकर सारख्या प्राच्यसंस्थेतील तज्ञांकरवी त्याची तपासणी व्हावी. तशी ती ओकांनी चेन्नईतील प्राच्य संस्थाकेंद्रातून केली आहे. एका फोटोतील 'शशिकांत' हे नाव कसे कोरून लिहिलेले आहे याचे प्रात्यक्षिक सादर केले आहे. धनंजय व हैयोहैयैयोंनी त्यावर आपले सकारात्मक मत नोंदले आहे. फोटोत शशिकांत लिहिलेल्या पट्टीवरील मजकूर हजारो वर्षांपूर्वी कोरलेला होता की त्याच वेळी (ओकांना पट्टी दाखवण्यापूर्वी ) कोरला होता हे ओकांनी कसे तपासले? >>9. हैयोहैयैयोंनी तमिळकुटलिपीवर आधारित लेखातून नाडीपट्टयातील लिपीचा उलगडा करता येतो. ती नाडीवाचकांच्या व्यतिरिक्त ही वाचायला येईल असे सुचवले आहे. ओकांनी त्यांना सवडीने कूटलिपीवर मराठी वाचकांसाठी मिपावरून जास्त प्रकाश टाकावा असे आवाहन केले आहे. >>10. ओंकारांनी काही मजकूर, शब्द, नोकरी-व्यवसाय वा अन्य सध्याच्या प्रचलित नवे शब्द संस्कृत मधून आहेत असे भासवून ग्राहकाला प्रभावित केले जात असावे, असा नाडीशब्दांचा एक शब्दकोश तयार करण्याची सुरवात झाली आहे. नाडीतील शंभर तमिळ शब्दांचा एका नमुना कोश २००७साली इन्स्टियुट ऑफ एशियन स्टडीजचे डायरेक्टर ड़ॉ.जी.जॉन सॅमियएल यांच्या हस्ते वितरित केला गेला. हा मुद्दा काय हे कळले नाही. >>11. ओंकारांनी नाडी ग्रंथात व्यक्तीच्या जन्मदिनांकाचे, जन्मकाळच्या ग्रहस्थितीचे वर्णन नसावे असा त्यांनी कयास बांधला. तो तसा असतो हे सोदाहरण दाखवून देण्यासाठी १७ डिसंबर२००९च्या कथनातील भाग मिपावर सादर केला गेला आहे. हे पुन्हा वाचून पाहीन. >>यावरून सुज्ञ वाचकांनी योग्य तो निष्कर्ष काढावा ही विनंती. असेच म्हणतो. नितिन थत्ते (शु सुधारक संपादकांना सूचना : माझ्या लेखनात शुद्धलेखनाच्या चुका आढळल्यास ते दुरुस्त केले जावे. माझी हरकत नाही. मात्र ते दुरुस्त केल्या जाऊ नये)

घटं भिंद्यात, पटं छिंद्यात, कुर्यातरासभरोहणं, येनकेनप्रकारेण, प्रसिध्द: पुरुषो भवेत। आम्ही पुण्यात हे प्रकरण १९९४ पासुन पहात आहोत. त्यावेळी नाडी केंद्रे पुण्यात नव्हती. माध्यमातुन या प्रकरणाचा बराच गवगवा झाला होता. खरतर मिपाचा नाडी आखाडा होउ नये असे आम्हाला वाटत असल्याने फारसा प्रतिसादा आम्ही देत नाही/ नव्हतो. तरी पण नवीन आलेल्या लोकांसाठी काही बाबी. यात पुनरावृत्तीचा दोष/ गुण आहे. या मुळे या विषयाला विनाकारण प्रसिद्धी मिळत आहे हे माहित असुन देखील हे आम्ही लिहित आहोत. कारण यातुन काही श्रद्धाळु लोकांचा नकळत बळी जाईल. आमचा प्रयोग आम्ही या विषयावर पत्रकार परिषद घेउन एक आवाहन केले होते ते येणे प्रमाणे पाच हजार वर्षापूर्वी अगस्त्य ऋषिंनी लिहिले आहे असे सांगितले जाणाऱ्या नाडी भविष्याचा पडताळा घेण्याचा प्रयोग फलज्योतिष चिकित्सा मंडळ हे फलज्योतिषाची चिकित्सा करणाऱ्या मंडळींचा एक अनौपचारिक ग्रुप आहे. मंडळातर्फे नाडी भविष्य या ज्योतिष पध्दतीचा अभ्यासप्रकल्प जनहितार्थ हाती घेण्यात आला आहे. या विषयाच्या अनुषंगाने सर्व वाचन साहित्य मंडळाकडे विनामूल्य उपलब्ध आहे.या विषयावरील लोकांचे विविध अनुभव व मते जाणून घेण्याकरिता मंडळाने दि. १-४-२००१ रोजी खुल्या गप्पांचा कार्यक्रम आयोजित केला होता. त्यात पूर्वदूषितग्रह न बाळगता सत्यासत्यता तपासावी असा सूर होता. उपलब्ध माहितीनुसार गेल्या एक वर्षात दक्षिणेकडून आलेली अशी चार केंद्रे पुण्यात कार्यान्वित झाली आहेत. तेथील माहितीपत्रकानुसार अंगठयाचा ठसा वा पत्रिकेवरुन नाडी पटटी शोधून व्यक्तीचे नांव, आईवडिलांचे नांव, पति/पत्नी, व्यवसाय, भावंड, संतती इ. खुलासा केला जातो. प्रत्यक्षात संबंधिताने अंगठयाचा ठसा दिल्यावर त्याच्याकडूनच अनेक प्रश्न विचारुन ही माहिती काढून घेतली जाते याची आम्ही खात्री केली आहे. नाडी पट्टीतील मजकुर हा कूट तामिळ लिपीत असतो असे तेथे सांगितले जाते. त्यावरुन ते हिंदीत प्रश्न विचारतात. नाडीपट्टी शोधण्यासाठी असे प्रश्न विचारावे लागतात असे नाडीवाचक सांगतात. सर्वांच्याच पटटया सापडतात असे नाही असे नाडी केन्द्राने अगोदरच सांगितले आहे. पट्टी सापडल्यास वाचनाचे रूपये तीनशे आकारले जातात. आम्ही असे म्हणतो की, पोलीस खात्याच्या अंगुलीमुद्रा तज्ज्ञांच्या मते अंगठयाचा प्रत्येक व्यक्तिचा ठसा हा 'युनिक` असतो. त्या ठशाचे पॅरामिटर्स पुन्हा कधीही रिपीट होत नाही. तसे नसते तर अंगुलीमुद्राशास्त्र केव्हाच मोडीत निघाले असते. चोर सोडून संन्याशाला फाशी बसली असती. मग व्यक्तीचे नांव आणि ठसा हे दोन्ही पॅरामीटर्स अन्य कुणातरी व्यक्तीचे बाबत जुळतील अशी शक्यताच नाही हे ठामपणे म्हणता येते. मग या दोन पॅरामीटर्सच्या आधारे त्यांना व्यक्तीची पट्टी निश्चित करण्यासाठी कुठलीच अडचण येता कामा नये. तरीही पटटी हुडकून काढण्यासाठी सोपे पडावे म्हणून हे दोन घटक कमी आहेत असे घटकाभर मानू. जन्मसाल व पित्याचे नांव हे अजून क्ल्यू देउ. स्वत:चे नांव व ठसा या 'नेसेसरी कण्डीशन` झाल्या. अंगठयाचा ठसा, स्वत:चे नांव, पित्याचे नांव व जन्मसाल या 'सफिशंट कण्डीशन` झाल्या. असे करत करत व्यक्तीच्या ठशाबरोबर व्यक्तीचे नांव, व्यक्तीचे जन्मसाल, महिना, आठवडा, व्यक्तीच्या आईचे नांव, वडिलांचे नाव, पती/ पत्नीचे नांव, स्वत:चा व्यवसाय, शिक्षण, भावंडाची माहिती, संततीची माहिती तयार देउ व मोअर दॅन सफिशंट या कण्डीशनपाशी येवून ठेपू. याआधारे आम्ही नाडी केन्द्राला खालील प्रयोग सुचवला आहे. मंडळाचे सदस्य मा. श्री. रिसबूड यांनी नाडी केन्द्राला एक रजिस्टर्ड पत्र पाठविले असून त्यात संशोधनासाठी हा प्रयोग करण्याचे आवाहन केले आहे. त्यात असे म्हटले आहे की, आम्ही आपणास जन्मतारीख व वेळ सोडून वरील सर्व माहिती देउ. सोबत सील केलेली कुंडली देउ. ठसा व माहितीवरून नाडीपटटीतील कुंडली केंद्राने शोधावी. ती जर सील केलेल्या कुंडलीशी जुळली तर आपल्या नेहमीच्या फीच्या दुप्पट फी आम्ही देउ. पत्राला त्यांनी लेखी उत्तर दिले नाही. परंतु रिसबूडांनी फोनवर विचारणा केली असता आपण हा प्रयोग दि.१३ एप्रिल २००१ रोजी सायंकाळी पाच वाजता करु असे तोंडी सांगितले आहे. या पत्रकाद्वारे मंडळ पत्रकारांना असे आवाहन करिते की, त्यांनी सदर प्रयोगाचे वेळी प्रत्यक्ष उपस्थित रहावे प्रसंगी स्वत:च्या अंगठयाचा ठसा देउन कुंडली शोधण्यास नाडी केन्द्रास उद्युक्त करावे व नाडी भविष्याची सत्यासत्यता पडताळून जनतेसमोर आणावी. त्यासाठी पत्रकारांना पत्रकार भवन येथून नाडीकेंद्रापर्यंत नेण्याआणण्याची सोय फलज्योतिष चिकित्सा मंडळातर्फे करण्यात येत आहे. तरी सर्वांनी दि.१३.४.२००१ रोजी सायं. ५.०० वा. पत्रकार भवन, नवी पेठ, या ठिकाणी उपस्थित रहावे. ============================================================= वरील प्रयोगाला पत्रकार आले नाहीत. पण आम्ही दोन तीन लोक सोबत घेउन सिंहगड रोड च्या नाडीकेंद्रात ठरल्याप्रमाणे गेलो. प्रत्यक्ष प्रयोगात तुमची माहिती तुमच्या जवळच ठेवा आम्हाला तिची गरज नाही असे सांगून तुमचे फक्त ठसे आम्ही घेतो असे सांगितले. आम्ही तिघांचेही ठसे त्याला दिले. आता पट्टी सापडेपर्यंत थांबा असे त्याने आम्हाला सांगितले. दरम्यानच्या काळात मुंबईहून आलेल्या एका दांपत्याची नाडीपट्टीही सापडली व नाडीवाचनही झाले. अर्ध्या तासानंतर तुम्हा तिघांच्याही नाडी पट्टया या केंद्रात नाहीत. आम्ही त्या मद्रासवरुन मागवून घेउ व तुम्हाला फोन करु असे सांगून आम्हास वाटेला लावले. त्यानंतर आजतागायत अनेकदा फोन करुनही आमच्या पट्टया सापडल्या नाहीत यावरुन सूज्ञ वाचक काय ते समजून घेतील. त्याअगोदर एकदा माझी पत्नी मंजिरी ता. २३-२-२००१ रोजी श्री रिसबूड व श्री प्रकाश पेंडसे यांच्या समवेत पुण्यातल्या नाडी-केंद्रात गेली. तिने तिच्या अंगठयाचा ठसा, पूर्ण नाव व जन्मतारीख सांगितली पण जन्मवेळ मात्र माहीत नाही असे सांगितले. काही काळानतंर ज्योतिष्याने नाडी-बंडलातली एकेक पट्टी भराभर उलटत तिला बरेच प्रश्न विचारले. तिची रास धनू आहे हे दरम्यानच्या काळात तिच्या जन्मतारखेवरून पंचांगातून त्याने काढले असावे, म्हणून एक पट्टी समोर धरून व तिच्यात वाचल्यासारखे करून त्याने तिला विचारले की तुमची रास धनू आहे का ? मंजिरी म्हणाली की तिला माहीत नाही. श्री. रिसबूड शेजारीच बसले होते, त्यांनी त्याला विचारले की पट्टीवर धनू रास लिहिली आहे काय ? तो होय म्हणाला. त्यावर रिसबुडांनी म्हटले की मग त्या पट्टीत लग्न कोणते लिहिले आहे ते सांगा. तो जरासा घुटमळला व म्हणाला की ते आत्ता कळणार नाही, वो तो बाद मे आयेगा. आणखी काही प्रश्न विचारून झाल्यावर त्याने सांगितले की तुमची पट्टी सापडत नाही. हा त्याचा हुकुमी एक्का होता. पट्टी सापडत नाही असे म्हटले की खेळ खलास. पट्टी सापडली असे म्हणायची सोय नव्हती कारण जन्मवेळ दिलेली नसल्यामुळे लग्न-रास काढता येत नव्हती, ती काय सांगायची हा पेच त्याला पडला असता. त्यातून त्याने अशी सुटका करून घेतली. एक नाडीज्योतिषी भोंदु निघाला म्हणुन सर्व तसेच असतात काय? असे म्हणुन एक नाडीचक्र किंवा चरक चालु होतो. अनुभव घेण्या अगोदर तर्कबुद्धीच्या पातळीवर् दावे तपासता येतात. कै. रिसबुडांविषयी माहिती माधव रिसबुड एक कठोर फलज्योतिष चिकित्सक प्रकाश घाटपांडे

(अंध) श्रद्धेपुढे वरील सर्व प्रश्न व्यर्थ असतात. अगतिक माणसांना दिलासा हवा असतो. तो नाडीतुन मिळतो. प्रकाश घाटपांडे आमच्या जालनिशीत जरुर डोकवा.

घाटपांडेकाकांचाबी फुलटाईम आहे. आम्हाला उगाच खाज म्हणून. पूर्वी खराट्याने खाजवायचो. आता नाडीने. :) नितिन थत्ते (शु सुधारक संपादकांना सूचना : माझ्या लेखनात शुद्धलेखनाच्या चुका आढळल्यास ते दुरुस्त केले जावे. माझी हरकत नाही. मात्र ते दुरुस्त केल्या जाऊ नये)

फक्त १च आहे, तोदेखील स्वतःचा = biased!

म्हणजे "स्वतः अनुभव घेऊन बघा" असे पुन्हापुन्हा सांगितले जाते, त्याचे काय म्हणायचे? ;-)

तुमच्याशी कोणी अनोळखी व्यक्तीने गप्पा मारल्या? अशासाठी विचारतोय की नाडीचं माहीत नाही, पण अनेक 'बुवा' ही युक्ती वापरतात. अमेरिकेतल्या काही अशाच 'अंतर्ज्ञानी' माणसांचे खेळ स्केप्टिक सोसायटीने उघडकीला आणलेले आहेत. त्यात साधारण जादू अशी असते की बुवा स्टेजवर उभा असतो. त्याचा कार्यक्रम बघायला शेकडो लोक जमलेले असतात. तो एके ठिकाणी बोट दाखवतो आणि म्हणतो 'तुम्ही, निळ्या ड्रेसमधल्या - तुमची आई अत्यवस्थ आहे म्हणून तुम्ही आल्या आहात. अलाबामाहून, इतक्या लांबून आलात, पण तुमची फेरी व्यर्थ नाही जाणार. देवाचा तुम्हाला आशीर्वाद आहे असं त्याने मला सांगितलंय..' तो याहूनही अधिक माहिती सांगतो. असं अनेकांना करतो. ही सगळी माहिती लोक सभागृहात येण्यापूर्वी रजिस्ट्रेशनच्या लायनीत असताना त्याचे साथीदार गप्पा मारत मारत माहिती काढून घेतात, व त्याला ती बाई कुठे बसलेली आहे हे आधी सांगतात... राजेश

पूर्वजन्मीच्या पापकॄत्यांमुळे या जन्मी त्रास, बदनामी होईल, वगैरे होते. त्यासाठी परिहार व दीक्षा कांडम वेगळी फी भरून काढवावे लागणार होते, ते आम्ही केले नाही.

१)आपल्या अनुपस्थितीत पट्टी निघाली होती. खरी भानगड / शोषण हे परिहार कांडम मधे असते. आपल्याकडच्या नारायण नागबली व त्रिपिंडी श्राद्ध सारखे. मागचे हिशेब चुकते करु . आत्ता ज्या अडचणी येताहेत त्या माग्चे हिशेब राहिल्याने येताहेत. परिहार करुन ते चुकते करा म्हणजे पुढे अडचण येणार नाही असा काहीसा प्रकार. प्रकाश घाटपांडे आमच्या जालनिशीत जरुर डोकवा.