कविता — मिसळपाववरील मराठी कवितांचा विशाल संग्रह. प्रेम, निसर्ग, समाज, विरह आणि जीवनानुभव यांवरच्या हजारो मराठी कविता, गझल, मुक्तक आणि चारोळ्या येथे वाचा व आपली कविताही प्रकाशित करा.
जन्मजात लाभली
बंधने जगातली
कुशीत जरी पहुडली
कोवळी कुमुदिनी
ती एक बंदिनी, ती एक बंदिनी
तरुणाई चिवचिवते
स्वप्नी पंख पसरते
जनकाच्या परी सदनी
पराधीन नंदिनी
ती एक बंदिनी, ती एक बंदिनी
सप्तपदी चालता
जोडवी हासती
नजरकैद कुंकाची
असून हृदयस्वामिनी
ती एक बंदिनी, ती एक बंदिनी
सांजकाली जीवनी
पुत्र सुकाणू धरी
पुनश्च वाट चालते
पायी बेडी घालुनी
ती एक बंदिनी, ती एक बंदिनी
जयश्री
स्वप्नसुंदरी
हातात हिरव्या बांगड्यांचा
चुडा भरला होता,
तोच हात मेंदीने,
तेव्हा रंगला होता !
नथनीचा तुझा त्यावेळी
डौलच न्यारा होता,
गालावरील लालीचा
रंग लाजरा होता!
डोळ्यांमध्ये निरागसता
पराकोटीची जपलेली,
गोष्ट माझ्या प्रेमाची
तव ओठी लपलेली !
वाळवंटातही कोठेतरी
हिरवळ थोडी असावी
रखरखत्या या जीवनात माझ्या
सावली तुझी मिळावी !
अनिरुद्ध
चल ग सजणे
कश्शाला रड्ते
माझ्या मैत्रीणीनी असे काही प्रश्न विचारले नाहीत.पण नंतर जवळ जवळ बारा वर्षांनी आठवण असह्य झाली तेव्हा कविता लिहून मला पाठवली.
तुझ्यामागून हिरव्या रानातून चालताना -
माझी वाट चुकली,
अन् घनगर्द अरण्यात मला माझी -
झोपडी बांधावीच लागली.
त्यानंतर किती वर्षांनी --
उन्हं माझ्या अंगणात आली,
दारच्या त्या ओंडक्यांची --
कोवळी रोपे झाली.
गर्द असे हे रान-आणि उन्हे अधीमधी,
सावलीतली ही रोपे -वाढतील का रे कधी ?
त्यात आता झोपडीचे -एक असे गाव झाले,
मनात पालवी असून -रोप बाजूला राहिले.
क्षिप्राच्या ब्लॉगवरच्या तिच्या प्रिय या कवितेतल्या
तुझ्या माझ्यावरच्या तात्कालिक प्रेमामुळे
मी कधी फुशारुन गेले नाही
या पहिल्या दोन ओळी चोरून पुढे....
-----------------------------------------
तुझ्या माझ्यावरच्या तात्कालिक प्रेमामुळे
मी कधी फुशारुन गेले नाही
मी मोहरले नक्कीच
हे तात्कालिकच आहे
अशी समजूत घातली स्वतःची
तगमग शांतवण्यासाठी
'का होईना! ओढ तर आहे'
अशीही समजूत घातली मनाची
सुखवून जाण्यासाठी..
या तात्कालिक प्रेमाआड नक्की काय आहे
मी कधीच पाह्यलं नाही.
गरज वाटली नाही
भितीही वाटली.
भरती-अहोटीच येणं
=====================
रोजचंच आहे.. भरती-अहोटीच येणं...
लाटांच्या झुल्यात.. मनाच झुलणं..!
रोजचंच आहे.. भरती-अहोटीच येणं...
रेतीच्या किल्ल्याचं.. सागरी बुडणं..!
रोजचंच आहे.. भरती-अहोटीच येणं...
विखुरती चांदी.. हलकेच झेलणं..!
रोजचंच आहे.. भरती-अहोटीच येणं...
उमटल्या खुणांच.. तळाशी रहाणं..!
रोजचंच आहे.. भरती-अहोटीच येणं...
खार्‍या लोटात.. खळाळून हसणं..!
रोजचंच आहे.. भरती-अहोटीच येणं...
लाटांच्या ओठी.. जीवन गाण..!
=====================
स्वाती फडणीस.................... २००६
किंचित कवी असलेल्या तात्या अभ्यंकरांच्या
या वेड्यावाकड्या ओळी कुसुमाग्रजांच्या चरणी अर्पण...!
ती आली, तिनं पाहिलं, तिनं जिंकलं!
ती स्वरलता आहे, ती गानसम्राज्ञी आहे, ती मेलडीक्वीन आहे.....!
षड्ज पंचम भावातला सुरेल जुळलेला तानपुरा,
अन् त्यातला नैसर्गिक शुद्ध गंधार..
तो तर तिच्या गळ्यातच आहे...!
नव्हे, तर त्या गंधाराचं तंबोर्‍यातलं स्वयंभूत्व
हे तिच्या गळ्यानेच सिद्ध केलेलं आहे...!
प्रसाद कुलकर्णींच्या 'अफवा' वाचून आमच्या पूर्वीच्या काही प्रमादांबद्द्ल उठलेल्या अफवांची आठवण ताजी झाली! ;)
माझ्या 'तिच्या' कथेच्या उठती अजून अफवा
'मीटिंग लेट' करता येती पिकून अफवा
नाही प्रुफे बुफेची मज सावरून गेली
गेली निघून कांता, आल्या घरून अफवा
माझेच शब्द माला फसवून नेत गेले
कोटामधून 'तिकिटे' निघता बनून अफवा
भार्येस ऐकवू का माझी खरी कहाणी
'माहेरच्या दिशांना' होत्या भरून अफवा
संतापल्यात बाई दूरध्वनी निनादे
गणगोत सर्व माझे आले खलून अफवा
हे विडंबन नाही. आम्ही फक्त प्राजुच्या संयमाची रेघ या सुंदर कवितेवरुन प्रेरणा घेतली आहे.
आदितीचा 'पाय' होता 'ब्रह्मकुमारी' विप्रंची
आंबोळ्याची 'नाडी' होती मनिषची 'लक्ष्मी'
कर्णाची 'थंडी' होती होती जरी अजब ती
धनंजयाचा 'कंस' तो करी किती 'हाराकिरी'!
आत्महत्या करुन गेला ऋषिकेशाचा शेतकरी
आयुष्यातून उठून गेला पेठकरांचा टॉमीही
मासेमारीचे गूज सांगे टारु हा माउंटब्युकी
मारतो माणसे आता चतुरंगाचा बिबटाही!
बाजी मारली पार्टनरनी पुरस्कारही घेतला
मिपाकरांची परिक्षा घेत आहे सर्किटही!
साधा माणुस
हे बरं आहे कि लोकं मला साधा म्हणतात
साधे असण्याचे बरेच फायदे असतात
मी मुद्दामुनच साधा रहातो
येडा बनुन बरेच पेढे खातो
आहो लोकं माझ्या साध्या बोलण्याला फसतात
माझ्या बेशरम कबुलीला ते प्रांजळपणा म्हणतात
मी स्वत:वरच टीका करतो
लोकं म्हणतात किती प्रामाणिक
आहो सांगुन फसवता येतं
काय पाहिजे आणिक..?
लबाडांचे पाय घेउन
मी साधेपणाने वावरतो
लबाडांच्या दुनियेत
मी असाच रहातो
मी असा रहातो
म्हणुन पोट भरतो
तुम्हिही भरा
नाहीतर मरा
मिसळपाव