कविता

माझ्या प्रिय मित्र्-मैत्रिणिनो, ही माझी पहिलिच वेळ आहे, माझी स्वताहाची एखादि कविता कोणासमोर तरी ठेवायची. मला जराशी भीती ही वाटते आणी उत्सुकताही. मी मुम्बईत जन्माला आलो आणी कापड गिरण्या बन्द पडल्या म्हनुन लहान्पणीच गावाकडे गेलो. एक जिद्द होती मुम्बईत यायची. नोकरी मिळवायची. मी एका मोठ्या कम्पनीत २ वर्षान्पासुन कामाला आहे . कायम स्वरुपी नोकरी आहे माझी. आता गरज आहे एका घराची. माझ्या हक्काच्या घराची. यावर सुचली काल एक कवीता, -

पहाटेच पाखरु सान्जेला
घरट्याकडे फिरते
मी शोधतो आजही
आहे माझे कुठे घरटे

हिच जगाची रीत असावी

चंदनापेक्षाही झिजावे
माझे-माझे म्हणावे
अन त्या पिल्लांनी
त्याच्या मोबदल्यात काय दयावे

अनवाणी पायाने चालावे
उन्हात तापावे
पावसात भिजावे
अन पिल्लांना त्याची झळ ना लागू दयावी

:SS
जीवन म्हणजे नक्की काय असतं ?
जीव न म्ह णजे
कुणाला माहित नसणारं
प्रत्येकाचं निरनिराळं
एक गोष्टीचं पुस्तक असतं

जन्म त्याची सुरुवात
मृत्यू त्याचा शेवट
दररोज त्याचं लिहितं एक पानं
कोणाच्या कधी मर्जीविना तर कधी मर्जीसहित

हार-जीत, राग-प्रेम यांना
असतं यात स्थान
सुख-दु:ख यांचे चढाव यात फार

हसायचं नसलं तरी हसावं लागतं
रडायला आलं तरी आवरावं लागतं

विडंबन - सफ़रचंद

मूळ कविता - सफ़रचंद
कवी - संदीप खरे
संदीप् खरे यांची माफ़ी मागुन...........

प्रोग्रामरने फ़क्त कोडिंग करायची असते,
करायाची नसते काळजी आजुबाजुला सोबती असण्याची नसण्याची
डेडलाईन आली कळतक्षणीच सारा कोड गोळा करुन रिलीज करायचा असतो
प्रोग्रामरने फ़क्त कोडिंग करायची असते

मग तो कोड बघुन पी.एम. ला तुझी स्तुती सुचू देत ना सुचू दे
पी.एम. चे नशिब वेगळे आणि प्रोग्रामरचे नशिब वेगळे असते ,
पी.एम.गत त्याने इन्क्रिमेंट वगैरे मागयचे नसते
प्रोग्रामरने फ़क्त कोडिंग करायची असते

शांत मनोहर अंगणामध्ये
वेल पहुडली बाई
अवखळ वारा अंगावरुनी
लहरत, लहरत जाई

सळसळला मग देह वेलीचा
लटक्याने ती कापत राही
हळुवार फुलांचा गंध चोरुनी
वारा अलगद पसार होई

गंधचोरट्या वारया तुजला
कांय म्हणू मी आता .. ?
स्पर्शाने सळसळल्या सार्.या
अंगावरती लाटा

नियंत्याला जाऊनी सांगीन
समीरण झाला वेडा
थांबव त्याचा वारु वेंधळा
पायात अडकवूनी खोडा

तुच मला ग केले, जाई
अवखळ आणि गंधविभोर
रागाने कां म्हणशी आता
प्रांगणातला अल्लड चोर ?

चार भिंतींच्या आड
लावून कवाड
मी करतो कविता ..
विद्रोहाच्या...!

खिडकीतून पाउस बघत
आजिबात नाही भिजत
मी करतो कविता..
पावसाच्या...!

टेबल ल्यांम्पचा प्रकाश
पंखा डोक्यावर
मी करतो कविता
लोडशेडिग वर...!

अशी माझी संवेदना
मी परीट घडीत जपतो
अन् संवेदनशील कवि म्हणुन
नावारुपास येतो.....!

शिवसेनेचा दसरा सोहळा निमित्ताने छोटा डॉन यांनी लिहीलेल्या लेखा वर अनेकांनी उद्धव आणि राज यांनी एकत्र काम करावे अशी अपेक्षा व्यक्त केली आहे. त्या सर्वांसाठी ही कविता समर्पित........!

येणार आज म्हणूनी, डंका पिटून गेले
ते मेघ पावसाळी चोरून अंग गेले.

चकवे दहा दिशांचे उसने हसून गेले
वेळूत रानवारे फुंकून दंभ गेले.

दिनरात वंचनेचे पेले भरून प्याले
हिरवे पडाव त्यांचे करपून खाक झाले.

कमळात सावल्यांच्या अडकून भृंग झाले
कित्येक रामदासी कुळवंत रंक झाले.